PDA

View Full Version : Dolqun eysa: xitay elchixanisidin pul élish ‏- Weten we milletni satqanliq



Unregistered
06-03-11, 11:37
Biz ötkenki programmimizda, pakistandiki xitay muhajirlar jemiyitining rawalpindi shöbisining bashliqi rizaxan bilen ötküzülgen söhbetni anglatqan iduq. Bügün mezkur jemiyetning gilgit shöbisining bashliqi abduqéyum bilen ötküzülgen söhbet élip barduq. Bu programmimizda yene, dunya uyghur qurultiyi bash katipi dolqun eysa ependining mezkur jemiyet heqqidiki qarashlirimu diqqitinglarda bolidu.


Gilgit pakistandiki uyghur éli bilen chégridash bir sheherdur. Pakistanda nöwette 200 aililik uyghur yashaydu. Xitay muhajirlar jemiyitining gilgit shöbisining bashliqi abduqéyum isimlik bir tijaretchi. U gilgitte tughulup chong bolghan. Xitay elchixanisi bilen bolghan qoyuq munasiwiti seweblik mezkur jemiyetning bashliqliqigha teyinlengen. Abduqéyum xitay elchixanisidin ötken yili 100 ming yüen, yéqinda yene 20 ming dollar pul alghanliqini yoshurmidi؛ u yene bu pulning nöwette kassidiki miqdari we ishlitilgen orni heqqidimu melumat berdi.


Abduqéyum söhbitimiz dawamida, xitay muhajirlar jemiyitining gilgit we rawalpindi shöbisining bir-Birige béqinmaydighanliqini, her ikkisining biwasite xitay elchixanisigha qaraydighanliqini, eger xitay muhajirlar jemiyitining bashliqi déyishke toghra kelse, rizaxanni emes, belki özini déyishi kéreklikini, chünki pakistandiki uyghurlarning mutleq köp qismining gilgitte ikenlikini bildürdi.


Biz chetellerde qurulushqa bashlighan xitay muhajirlar jemiyetlirining ehwali heqqide dunya uyghur qurultiyining bash katipi dolqun eysaning pikrini igiliduq.


Dolqun eysa sözining axirida, cheteldiki uyghurlarning özi we ailisini béqishtin bashqa, weten ichide zulum chékiwatqan uyghur xelqining awazini dunyagha yetküzüsh wezipisi barliqini, uyghur xelqining iradisi we menpeitige xilap ish qilghanlarning uyghur xelqi teripidin epu qilinmaydighanliqini eskertti:


http://www.rfa.org/uyghur/mulahize/pakistan-xitay-03032011152729.html?encoding=latin