PDA

View Full Version : Yaponiyidiki kunler



Unregistered
26-02-11, 09:07
burun yaponiyelikler tilgha ëlinsa , Boyi pakar , Uchisigha kimono (yaponche kiyim) kiygen , Dümbisige kichikkine boghchigha oxshash nerse yüdiwalghan , Yaghach sapma kesh kiygen kishiler köz aldimgha këletti . yaponiyege bërishtin ilgiri , Ular yene shundaq kiyimlerni kiyip yüremdighandu , Yaki özgergenmidu , Dëgenlerni xiyalimgha keltürgen idim . lëkin pütünley xiyallirimning eksiche , Hazirqi yaponiyelikler boyliri ëgiz , Erliri kastiyum - burulkini qaturup kiyip , Galastuk taqiwalghan , Ayalliri ilmiy pasondiki yarishimliq kiyimlerni kiyip yürgen iken . bolupmu yaponiye yashlirining kiyinishliri özgiche bolup , Oghulliri keng yaki tar padichilar ishtini , Qizliri nahayiti qisqa yopka bilen gheyriy pasondiki ayaqlarni kiyip yüridiken . mëni hemmidin heyran qaldurghini , Qish peslidimu yalang pachaq bilenla kalte yopkilarni kiyip yürishidiken . köpinchisi chachlirini sëriq rengde boyap , Közlirige yalghan kirpik taqaydiken . bir qanchisining soghuqtin putliri kökirip hem qizirip ketkenlikini kördüm , Lëkin ular xuddi hëch ish bolmighandek , Perwasiz öz yoligha rawan bolatti . ulargha qarap men özüm tonglap ketkendek , Ixtiyarsiz titirek bësip ketti .

yaponiyeliklerning manga bergen tesiri qachanla qarisa aldirash yürüydighan , Qeyerge barsa qolidin kitab yaki yan tëlëfun chüshmeydighan , Kochida bikarchi ademni uchratqili bolmaydighan , Waqitchanliqi küchlük xarektëri boldi . biz tokyoda üch kün turduq . bu jeryanda , Kündüzdiki paaliyetler tolimu zich orunlashturulghanliqtin , Këchisi mëmanxanigha qaytip kelgende andin ixtiyariy paaliyet qilip , Tokyo kochilirini aylanduq . mëtro bëkiti adem eng köp jaylarning biri iken . bir jaydin yene bir jaygha bërishte mëtro bilen barsa eng qolay bolidiken . men mëtrogha chiqip shuni hës qildimki , Mëtrogha chiqqan yaponiyelikler hëchqachan mëtroda tëlëfun paranglashmaydiken . tëlfundila emes hetta bir-biri bilenmu paranglashmay jimjit halda her kim özining ishlirini qilidiken . men mëtroda kitab we matiriyal körüwatqan yashan'ghan kishilerni , Tëlfunda torgha chiqiwatqan , Bashqa ishlirini püttüriwatqan yash qiz , Oghul , Er , Ayallarni uchrattim . hemme kishi sizge shunchilik aldirash , Öz ishi bilen meshghul boluwatqan halette körünidu . men nëmishqa bunche köp adem harmay tëlëfun oynaydu ? dep sorighinimda , Bizning yol bashlighuchimiz manga : yaponiyede yan tëlëfun iqtidarining tolimu köp hem qolay ikenlikini , Kishilerning yan tëlëfun arqiliq , Hem torgha chiqidighanliqini , Hem oyun oynaydighanliqini hem bashqa mulazimetler bilen shughullinidighanliqini sözlep berdi . men shundila chongdin kichik nurghunlighan yaponiyeliklerning öz turmushida nëme üchün yan tëlëfundin ayrilalmaydighan haletke kelgenlikini chüshinip yettim .



Mëtro bëkitide olturup mëtro saqlighach kitab köriwatqan we torgha chiqiwatqan yaponiyelikler
bizde bolmisang illiq chiray , Achmighin dukan saray deydighan hëkmetlik söz bar . qarighanda yaponiyeliklerdimu mushundaq hëkmetlik sözler we emeller bar oxshaydu . chongraq soda sarayliri bolsun yaki kichik tiptiki talla bazarliri bolsun , Hetta mulazimet sëstimisidiki her qandaq bir orunda ishleydighan yaponiyelikler tolimu mulayim hem illiq chiray iken . siz ishiktin kirishingiz bilenla , Sizni qedem teshrip qilghiningizni qarshi alimiz dëgen söz we illiq chiray bilen kütüwalidiken , Nerse-kërek tallighanda bolsa hergizmu yëningizgha këlip turuwalmaydiken we keyningizdin yürmeydiken , Peqet siz mulazimetchini chaqiritip , Siz almaqchi bolghan mehsulat heqqide sorighan waqtingizda , Sizge etirapliq jawab bërip sizge yardemlishidiken . gerche siz hëch nerse almay chiqip ketsingizmu sizni yenila xushxuy chirayi bilen yene këlishingizni qarshi alimiz dep uzitip qoyidiken . ularning qedemde bir tezim qilip külüshlirige qarap , Menmu tezim bilen jawab qayturup charchap ketkendek boldum . biraq , Belkim öz millitining örp adetliri bolghachqimu , Ularda bu jehette ezeldin bizarliq we horunluq tuyghusi bolmaydiken .



Arima onsin arshingi (Arima Onsen)
yaponiye ziyaritining beshinchi küni , Biz kobidiki Arima onsin Arshingigha yëtip kelduq . aldinqi töt kün jeryanida dölitimizdiki ëgiz bina imaretlerge we azade sheherlerge oxshap këtidighan menzirilerni körgen bolghachqa , Mende yaponiyege kelgendek tesirat shekillenmigen idi . mana bügün heqiqiy yaponiyeni hës qildim . belkim bashqa ezalarmu shundaq hës qilghan bolushi mumkin . chünki biz bu yerde heqiqiy yaponiye turmushini bëshimizdin ötküzduq .



Arshang mëhmanxanisining ichki körünüshi



Arshanggha kirish ëghizi



Arshang mëhmanxanisining ichki körünüshi



Arshang mëhmanxanisining ichki körünüshi