PDA

View Full Version : Monggholiye Chinggizxanning Qebrisini Tapqan Bolushi Mumkin



Unregistered
10-02-06, 18:14
Biliwal 9-féwral xewiri. Amérika «Washin’gton Pochtisi» gézitining xewirige qarighanda, Mongghuliyening sherqidiki keng tüzlenglikke uzunluqi 3 kilométir kélidighan éllipis shekillik qasha tam bar iken. Arxéologlar bu yerdin kishini ilahmlanduridighan yip uchigha érishken, bu yip uchliri meshhur shexs Chinggizxan qebrisining qeyerdilikining sirini échip bérishi mumkin.


Chinggizxan qebrisining qeyerde ikenliki mesilisi nechche esrdin buyan tarixshunaslarni qiynap kelmekta. Bu jahan istélachisi 1227-yili alemdin ötken, gerche uning we ewladlirining ayagh izliri pütun Monggholiye we dunyaning mutleq köp qisim jaylirigha yetken bolsimu, ölgende héchqandaq xatire téshi tiklenmigen. Bu hal Mongghul millitining «ölgenlerning biseremjan qilmasliq» en’enisige uyghun, bashqa riwayetlerde éytilishiche sirning menggü échilmasliqi üchün Chinggizxanning depne qilinish jeryanini körgen barliq chérikler öltürüwétilgen iken. Bu ishlarning bolup ötkinigimu 8 esr ötüp ketti, bu mezgilde nurghun tarixchilar, arxéologlarning chiqarghan yekünliri, perezliri aghdurulup ketti.

Emma hazir Chikagoluq pénsiyege chiqqan sodiger bashchiliqidiki Amérika-Mongghuliye ékspéditsiye etriti bu jehette bösüshke érishkendek qilidu. Mory Krawétz teshkilligen ékispéditsiye etriti Mongghuliyening sherqidiki qorghaq tam ichidin 13-esirge ait qebridin birqanchini tapti. Jamaet étirap qilidighan orun bolghan Mongghuliye Xelq’ara Teteqiqat Jem’iyitining bash katipi Shagdarin Biraning éytishiche, bu qebriler mushu tüzlengliktiki qorshaq tamning Chinggizxan hemde uning aile tawabiatlirining jesitini chöridep sélin’ghanliqini sipatlap bérishi mumkin.

«Birqisim Mongghulshunaslar bu yer Chinggizxan jemetining qebrigahi bolushi mumkin, buning ichide Chinggizxanningmu qebrisi bolushi éhtimal» deydu Chinggizxan tetqiqati bilen shughullinip kelgen Shagdarin Bira. Biraq u yene u yene tepsiliy tekshürushtin ilgiri bundaq xulasige kélishke baldur ikenlikini étirap qildi. Chinggizxan 8000 yil ilgiri Mongghullarni birlikke keltürüp, Junggo bilen Ottura sherqni toghrisigha késip ötken Mongghul sulalisini qurghan.

menbe: www.biliwal.com