PDA

View Full Version : Piqedemlerni seghindim!



Unregistered
30-01-11, 14:43
Hüseyin Beg Yünüsof 1890- yili Ghulja shehiride bir meripetperwer ailide dunyagha kelgen. 1898-Yilighiche aile terbiyiside bolghan. 1906- Yilighiche Ghulja sheher toghra küwrüktiki we sheher ichidiki yéngiche mekteplerde oqughan. 1907- Yili Yunus aka oghli Hüseyin begni yette sugha oqushqa chiqarghan. Oqush jeryanida u, bir milletning pen- maarip tereqqiyatida metbeechilikning neqeder muhimliqini chongqur his qilip, weten'ge qayitqanda metbeechilik bilen shughullinishni könglige pükken. 1918- Yili oqushni tügitip qaytishida bir metbee mashinisi, herp quyush mashinisi we bir nechche xil herp qélipi sétéwilip, kürege ekilip orunlashturghan. Shuning bilen Ilida tunji yéngi metbee mashinisi barliqqa kelgen . Hüseyin beg 1919- yili kürede "Hörsöz" namliq gézit neshr qilip, gézitning mes'ulluqini üzi üstige alghan. Kespiy ishlarni Pazil Yunus ikkisi ishligen. 1920- Yili u metbeesini Küredin Ghulja shehirige köchürüp kélip, hazirqi sheher qurulush idarisining arqisidiki mehellige orunlashturghan. Hüseyin beg Ghuljigha kelgendin kéyin, bir tereptin metbeechilik bilen shughullansa, yene bir tereptin pütün wujudi bilen yéngiche mekteplerni qollash we tereqqi qildurush xizmitige atlan'ghan. 1924 - Yili Hüseyin begning teshebbusi bilen üch derwaza mektepte atilar komititi qurulghan. U shuningdin bashlap wapat bolghan'gha qeder üch derwaza( ümid) mektepning oqutush , telim- terbiye, oqush qoralliri, mektep qurulushi, türlük rémunt ishliri, oqutquchilar teminati, yétim- yisirlargha yardem qilish jehetlerde yükning éghirini öz üstige élip, ümid mektepning sheher boyiche nemunilik mektep bolup qurulushigha öchmes töhpe qoshqan. Hüseyin beg 1928- yili öz xirajiti bilen ümid mektepke yéngiche maarip telipige uyghun kélidighan zalliq qilip besh sinip, bir ishxana saldurup bergen. Hüseyin beg tereqqiperwer meripetchi, jamaet erbabi bolupla qalmay, mahir sen'etchi we sen'et yétekchisi idi, usulni nahayti chirayliq oynaytti. Atilar komitéti ezaliri bilen mekteptiki oqutquchi - oqughuchilarni teshkillep, naxsha- ussul we bir - ikki perdilik diramilarni teyyarlap köpchilikke oyun körsitishke yétekchilik qilatti. U ashundaq senet paaliyetliri arqiliq Ili tiyatirchiliqining asasiy qurghuchilarning biri bolup qaldi . Hüseyin beg 1935- yili 4- ayda shéng shisey achqan awam qurultiyigha qatniship qaytip kéliwétip, yolda mashina hadisisige uchrap wapat bolghan. Merhumning jesidi Ghuljigha élip kélin'gendin kéyin, hökümet erbabliri we pütün sheher xelqi zor qayghu ichide depne qilghan . 1936- Yili hüseyin beg wapatining bir yilliqini xatirilep, "Hüseyniye" namliq kitab neshir qilin'ghan . Bu kitabta hüseyin begning hayati we ish izlirigha yüksek baha bérilgen. Shu qétimqi xatrilesh yighinida, hüseyin begning "Ümid" mektepke singdürgen töhpisini xatirilesh yüzisidin mektep nami "Hüseyniye mektipi" ge özgertilgen. Hüseyin beg wapat bolghandin kéyin, 1935-yili 5- ayda Hüseyin begning ayali Zöhre appay Hilalidin hajim, Waqqas hajimlar bilen birliship, "Hüseyin Yunusop Metbe'esi" paychiklar shirkiti qurghan.