PDA

View Full Version : Amerikidiki Ali Kengesh Yighini Heqqide Oylighanlirim (1)



T.Bughra
12-01-11, 07:54
Amerikidiki Ali Kengesh Yighini Heqqide Oylighanlirim (1)

Meningche, milliy rehbirimiz Rabiye xanimning teshebbusi we muhajirettiki her sahe zatlirimizning qatnishishi bilen buyil 5 – ayda Amerikida chaqirilidighan < Sherqiy türkistan uyghur ali kengishi > yighini, heqiqetenmu Sherqiy türkistan xelqi üchün bir tarixiy pursettin ibaret !

Bügün chetellerde elip beriliwatqan Sherqiy türkistan dawasining kündin – künge küchüyip we zoruyup beriwatqanliqi bir emiliyet, epsuski, milliy herikitimizning ichki qismida saqliniwatqan mesililermu az emes !

Shuni etirap qilishimiz lazimki, biz muhajirette yashawatqan Sherqiy türkistanliqlar pikirde, herikette we ishta heqiyqi birlikni emelge ashuralmiduq, yürgüzmekchi bolghan milliy siyasitimiz we istiratigiyelik yölünüshimiz heqqide jiddi ixtilap we toqunush mewjut, herqaysi rayonlarda yahsawatqan Sherqiy türkistanliqlar arisida idilogiye we dunya qarash jehette yenila zor periq bar, keyinki yillardin buyan milliy herikitimizde panislamizim we pantürkizim idiyesi qaytidin janlinishqa bashlidi, bununggha mas halda radikal uyghur milletchilikimu kücheydi, periqliq idilogiye we siyasi yölünüshke ige teshkilatlirimiz we siyasi paaliyetchilirimiz otturisidiki diyalog we hemkarliqlar barghansiri ajizlap, bir – birini inkar qilidighan, hetta bir – birining yolini tosuydighan derijige berip yetti …

Hazir muhajirette yashaydighan qerindashlirimiz arisida özara ishench tuyghuliri ajizlap, bir – birini delil – istapsiz halda xayin, jasus, munapiq, satqun, Xitayperes … dep eyipleydighan ehwallar kishini endishige salidighan derijide keng yeyilishqa bashlidi …

Keyinki yillardin buyan Xitay hakimiyitining milliy herikitimizge qaratqan bölüsh, parchilash we qarilash heriketliri zor derijide kücheydi, epsuski biz Xitay hakimiyitining bu qilmishigha qarita yeterlik derijide qarshi tedbir qollunalmiduq, chetellerde < xin jiang tong shiang hui > larning, shundaqla Xitayperes atalmish < wetenperwer muhajirlar > ning sani köpüyüshke bashlidi …

Iqtisadi jehette muharijettiki qerindashlirimizni seperwerlikke keltürelmiduq, milliy herikitimizde rehberlik we yetekchilik orunda turiwatqan asasliq teshkilatlirimiz pütünley chetel fonda jemiyetlirining yardimige beqinip qaldi, bu seweptin milliy herikitimizning siyasi, iqtisadi we teshkili jehettiki musteqilliqini hem mexpiyetlikini asasen qoldin berip qoyduq, milliy herikitimizning tezgini peydin – pey chetel küchlirining qoligha ötüp ketiwatidu …

Eng mohim bolghini, < Sherqiy türkistanning kelgüsi teqdiri heqqide weten ichi we sirtidiki xelqimizning heqiyqi ghaye – istekliri nime ? > digen mesile heqqide teshkilatlirimiz we siyasi paaliyetchilirimiz otturisida eghir derijide ixtilap we periq mewjut …

Muhajirlar we siyasi qachqunlar mesiliside herqaysi teshkilatlar otturisida maslishishchanliq ajiz …
Muhajirettiki qerindashlirimizning mutleq köp qismi yashaydighan Qazaqistan, Qirghizistan qatarliq ottura asiya elliridiki Uyghur teshkilatlirimiz we siyasi paaliyetchilirimiz eghir cheklimilerge uchrap, ularning paaliyet dayirisi barghansiri tariyip beriwatidu, bu rayonlarda jamaet pikrining konturolluqi peydin – pey Xitaypereslerning qoligha ötüp ketiwatidu …

Dimek, mushundaq halqiliq bir peytte Amerikida < Sherqiy türkistan Uyghur ali kengishi > yighinining chaqirilishi, saqliniwatqan yuqarqidek mesililerni hel qilish we özara birlik – ittipaqliqni kücheytish üchün zor tarixiy ehmiyetke ige.

( dawami bar )

Unregistered
14-01-11, 05:28
Amerikidiki Ali Kengesh Yighini Heqqide Oylighanlirim (1)

Meningche, milliy rehbirimiz Rabiye xanimning teshebbusi we muhajirettiki her sahe zatlirimizning qatnishishi bilen buyil 5 – ayda Amerikida chaqirilidighan < Sherqiy türkistan uyghur ali kengishi > yighini, heqiqetenmu Sherqiy türkistan xelqi üchün bir tarixiy pursettin ibaret !

Bügün chetellerde elip beriliwatqan Sherqiy türkistan dawasining kündin – künge küchüyip we zoruyup beriwatqanliqi bir emiliyet, epsuski, milliy herikitimizning ichki qismida saqliniwatqan mesililermu az emes !

Shuni etirap qilishimiz lazimki, biz muhajirette yashawatqan Sherqiy türkistanliqlar pikirde, herikette we ishta heqiyqi birlikni emelge ashuralmiduq, yürgüzmekchi bolghan milliy siyasitimiz we istiratigiyelik yölünüshimiz heqqide jiddi ixtilap we toqunush mewjut, herqaysi rayonlarda yahsawatqan Sherqiy türkistanliqlar arisida idilogiye we dunya qarash jehette yenila zor periq bar, keyinki yillardin buyan milliy herikitimizde panislamizim we pantürkizim idiyesi qaytidin janlinishqa bashlidi, bununggha mas halda radikal uyghur milletchilikimu kücheydi, periqliq idilogiye we siyasi yölünüshke ige teshkilatlirimiz we siyasi paaliyetchilirimiz otturisidiki diyalog we hemkarliqlar barghansiri ajizlap, bir – birini inkar qilidighan, hetta bir – birining yolini tosuydighan derijige berip yetti …

Hazir muhajirette yashaydighan qerindashlirimiz arisida özara ishench tuyghuliri ajizlap, bir – birini delil – istapsiz halda xayin, jasus, munapiq, satqun, Xitayperes … dep eyipleydighan ehwallar kishini endishige salidighan derijide keng yeyilishqa bashlidi …

Keyinki yillardin buyan Xitay hakimiyitining milliy herikitimizge qaratqan bölüsh, parchilash we qarilash heriketliri zor derijide kücheydi, epsuski biz Xitay hakimiyitining bu qilmishigha qarita yeterlik derijide qarshi tedbir qollunalmiduq, chetellerde < xin jiang tong shiang hui > larning, shundaqla Xitayperes atalmish < wetenperwer muhajirlar > ning sani köpüyüshke bashlidi …

Iqtisadi jehette muharijettiki qerindashlirimizni seperwerlikke keltürelmiduq, milliy herikitimizde rehberlik we yetekchilik orunda turiwatqan asasliq teshkilatlirimiz pütünley chetel fonda jemiyetlirining yardimige beqinip qaldi, bu seweptin milliy herikitimizning siyasi, iqtisadi we teshkili jehettiki musteqilliqini hem mexpiyetlikini asasen qoldin berip qoyduq, milliy herikitimizning tezgini peydin – pey chetel küchlirining qoligha ötüp ketiwatidu …

Eng mohim bolghini, < Sherqiy türkistanning kelgüsi teqdiri heqqide weten ichi we sirtidiki xelqimizning heqiyqi ghaye – istekliri nime ? > digen mesile heqqide teshkilatlirimiz we siyasi paaliyetchilirimiz otturisida eghir derijide ixtilap we periq mewjut …

Muhajirlar we siyasi qachqunlar mesiliside herqaysi teshkilatlar otturisida maslishishchanliq ajiz …
Muhajirettiki qerindashlirimizning mutleq köp qismi yashaydighan Qazaqistan, Qirghizistan qatarliq ottura asiya elliridiki Uyghur teshkilatlirimiz we siyasi paaliyetchilirimiz eghir cheklimilerge uchrap, ularning paaliyet dayirisi barghansiri tariyip beriwatidu, bu rayonlarda jamaet pikrining konturolluqi peydin – pey Xitaypereslerning qoligha ötüp ketiwatidu …

Dimek, mushundaq halqiliq bir peytte Amerikida < Sherqiy türkistan Uyghur ali kengishi > yighinining chaqirilishi, saqliniwatqan yuqarqidek mesililerni hel qilish we özara birlik – ittipaqliqni kücheytish üchün zor tarixiy ehmiyetke ige.

( dawami bar )

mukemmel analiz boptu ...

Unregistered
17-01-11, 14:18
Amérikida » Sherqiy Türkistan Uyghur aliy kéngishi » yighinini chaqirish heqqide muraji’et

2010-yili 10-ayning 2-küni

Sherqiy Türkistan Uyghur aliy kéngishi teyyarliq komitéti

2011-yili 5 - ayning 2 - künidin 8 - künigiche Amérikining washin’gton shehiride échilmaqchi bolghan Sherqiy Türkistan Uyghur aliy kéngishi Uyghurlarning kelgüsidiki siyasiy herikitige istratégiye belgilesh boyiche dunyaning herqaysi jayliridiki türlük oxshimighan siyasiy qarashlargha ige Uyghurlarning bash qoshushi bilen échilidighan bir xelq’araliq kéngeshtur.

hemmimizge melum bolghinidek, nöwette xelqimizning milliy mewjutluqi tarixta misli körülmigen derijide zor yoqilish xewpige duch kelmekte.

Xitay mustemlikichilirining tinimsiz köchmen yötkesh siyasiti tüpeylidin xelqimiz hazir oz wetinide azsanliq orun’gha chüshüp qaldi ; milliy ma’aripimiz pütünley weyran qilinip , xelqimiz zor assimilyatsiye xewpige duch kelmekte ; Xitayning ichki ölkilirige mejburi sürgün qilin’ghan milyonlighan qiz – yigitlirimiz xorluq we zulum ichide jan talashmaqta ; Xitay hakimiyitining dinsizlashturush siyasiti tüpeylidin yash ewladlirimiz imanidin ayrilip qélish xetirige duch kéliwatidu ; bu dunyagha köz échish aldida turghan milyonlighan bowaqlirimiz anisining qorsiqida öltürülüwatidu ; sansizlighan bigunah insanlirimiz qarangghu zindanlargha tashliniwatidu ; tebi’iy bayliqlirimiz éghir derijide talan – taraj qilinip , xelqimiz achliq we namratchiliq ichide jan talishiwatidu ; Xitayning dölet térrorluq siyasiti tüpeylidin , hazir xelqimiz erkin pikir qilish hoquqidin , hetta bir – biri bilen erkin uchrishishtinmu mehrum qaldi .

qisqisi, Xitay mustemlikichilirining xelqimizge keltürüwatqan balasi – apetlirini sanap tügetkili bolmaydu , xelqimiz bügün hayat – mamatliq xewpige duch kelmekte .

eyni chaghda , Xitay hakimiyiti 11 – séntebir weqesini suyi’istémal qilip , xelqimizge qaratqan basturush we qirghin qilish heriketlirini zor derijide ashurghan idi , bügünki künde yene xelq’aradiki siyasiy we iqtisadi krizislarni purset bilip , xelqimizge qaratqan yoqitish siyasitini misli körülmigen derijide yuqiri pellige kökermekte , » 5 – iyul Ürümchi qirghinchiliqi » buning janliq delilidin ibaret !

Xitay hakimiyiti , hazir hetta , xelqimizge qaratqan yoqitish siyasitini burunqi yoshurun halettin héchnémidin teptartmay , ochuq – ashkara haletke yötkep , xelqimizni keng kölemde ochuq – ashkara qirghin qilish basquchigha ötti.

démek , mushundaq halqiliq bir peytte biz milliy rehbirimiz rabiye xanimning teshebbusi bilen bu qétimqi yighinni chaqirishni qarar qilduq.

hemmimizge melumki , biz Sherqiy Türkistanliqlar , jümlidin Uyghurlar , milliy musteqilliqimizni eslige keltürüsh , öz nomusimizni aqlash we erkinlikimiz üchün toxtimay küresh qilip kelduq. bolupmu , Sherqiy Türkistan Xitay kommunistliri teripidin bésiwélin’ghan 61 yil ichide , azadliq kürishimiz eng yuqiri pellige chiqqan bolup , qehrimanlirimiz özlirining issiq qéni we barliq imkani bilen bu küreshni dawamlashturdi.

düshminimizning qanchilik küchlük bolushi hem uning erkinlikni qolgha keltürüsh küreshlirimizni basturushlirining qanchilik wehshiy bolush , bizni bir qedemmu arqigha chékindürelmidi we ümidsizlendürelmidi . musteqilchi rehberlirimiz , ziyaliylirimiz , yazghuchi-sha’ir , tarixchilirimiz , siyasetchilirimiz we wetenperwer zatlirimiz herqaysisi öz dewride öz alahidiliki bilen muqeddes meqsitimiz üchün xizmet qildi we küreshchan ewladlarni yétishtürdi. ular özlirining ömürlük küreshliri arqiliq bizlerge yétekchi idiye we égilmes – sunmas küresh rohini qaldurup ketti. gerche ular öz xelqining erkinlikini körüshke muyesser bolalmay , azadliq , nijatliq dégenni yadlap , tamche – tamche yashlarni éqitip , lexte – lexte qanlarni töküp pütün yashliq ömrini türmilerde ötküzüp , « ah azadliq » dep yoruq dunyagha teshna bolup u alemge ketken bolsimu , ularning yüksek ghayisi , polattek iradisi , ölmes rohi bizni yétildürdi . ular pütün arman we meqsetlirini bizge amanet qoyup ketti .

biz azadliq warisliri dunyaning hemme yéride qolimizdin kélishiche , öz imkanlirimiz bilen xelqning azadliqi üchün küresh qilip kéliwatimiz .

nöwette , Sherqiy Türkistandiki Xitay mustemlikichiliri barghanséri ghaljirliship, xelqimizning ehwali intayin éghir bolmaqta . hazir waqit intayin qisqa , teqdirimiz bir nepes üstide qaldi. shunga , jiddiy tedbir qollinip , teshkiliy hem idiyiwi birlikni zor derijide emelge ashurmisaq hemde kelgüsimiz üchün chiqish yoli tapmisaq bolmaydighan waqtimiz keldi . buning üchün, biz dunyaning herqaysi jayliridiki Sherqiy Türkistanliqlarning wekil xaraktérlik zatlirining eqil-pikrige , hemkarliqigha mohtaj . biz pütün dunyadiki xelqimizning ortaq awazini élish zörüriyitini hés qilmaqtimiz.

bu munasiwet bilen , dunyaning herqaysi elliridin kélidighan wekillerning qatnishishida pewqul’adde kéngesh chaqirish qararigha kelduq . bu kéngeshning muweppeqiyetlik ötküzülüshi üchün herqaysi rayon we her sahe kishiliridin teshkil tapqan » Sherqiy Türkistan Uyghur aliy kéngishi » ge teyyarliq qilish komitéti qurup chiqildi . bu teyyarliq komitéti mezkur kéngeshning barliq teyyarliq xizmetlirige yétekchilik qilidu.

biz Uyghurlarni asas qilghan barliq Sherqiy Türkistanliq wetendashlarning bu qétimqi xelq’araliq kéngeshke estayidil köngül bölüsh , uninggha jiddiy mu’amile qilish we qizghin ishtirak qilishni bir muqeddes milliy mejburiyet dep qarishini hemde shu asasta ish élip bérishini telep qilimiz.

aldi bilen , dunyaning herqaysi jayliridiki Sherqiy Türkistanliqlar özi turushluq dölet , sheherlerni asas qilip , shu jaydiki barliq Sherqiy Türkistanliq wetendashlarning qatnishishi bilen shu jaydiki xelqimizning sanigha we milliy dewayimizdiki istratégiyilik ornigha qarap démokratik asasta wekil saylaydu . wekiller D U Q ning wekilliridin we shu yerdiki bashqa teshkilatlarning wekilliridin sirt , yene xelq wekili nami bilen yighin’gha qatnishidu .
wekillerning salahiyiti töwendikiche bolidu :

1. xelq wekilliri (her bir dölettiki Sherqiy Türkistanliqlar olturaqlashqan sheherlerdin démokratik asasta saylinip chiqilghan xelq wekilliri hörmetke sazawer jama’et erbabliri , soda – sana’et sahesidiki wekil xaraktérlik erbablar , yashlar we ayallar wekilliridin terkib tapidu ).

2. ziyaliylar

3. dini erbablar

4. shu döletlerde turushluq herqaysi teshkilatlarning rehberliri ( meyli D U Q terkibide bolsun – bolmisun )

5. shu döletlerde turushluq D U Q ning wekilliri we rehberliri

shu munasiwet bilen , her bir dölettiki Sherqiy Türkistanliqlarning yuqirida éytilghan wekillerni saylap chiqish we yighin’gha kelgüchilerning namzat tizimlikini turghuzush guruppisini derhal teshkillishini ümid qilimiz.
her bir dölettin mezkur kéngeshke qatnishidighan wekiller tizimlikining mezkur teyyarliq komitétigha waqti qerelide yollinishi intayin muhim.

biz bu qétimqi yighinda töwendiki emeliy hem jiddiy bolghan témilargha ortaq kéngishish arqiliq jawab tapimiz :
- milliy teqdirimizni qandaq hel qilimiz ?

- biz xelqimizni qandaq qutuldurmaqchi ?

- Ürümchi qirghinchiliqigha oxshighan jiddiy paji’elerde biz xelqimizge qandaq yardemlerni qilmaqchi ?

- milliy herikitimizning bundin kéyinki istratégiyisini qandaq élip barimiz ?

- qaysi xil yol milliy herikitimiz üchün téximu paydiliq ?

- nöwette weten ichi – sirtida jiddiy élip bérishqa tégishlik pa’aliyetler qaysi ?

- siyasiy közqarashliri bir – birige oxshimighan teshkilatlar otturisidiki munasiwetler qandaq bolushi kérek ? ular qandaq pa’aliyet élip bérishi lazim ?

- herqaysi teshkilatlar we siyasiy pa’aliyetchiler öz’ara qandaq hemkarlishimiz ?

- ichki-tashqi teshwiqat xizmetlirini qandaq kücheytimiz ?

- iqtisadiy mesililerni qandaq hel qilimiz ?

- ichki – tashqi hujumlargha qandaq taqabil turimiz ?

- Xitayning chet’ellerde élip bériwatqan Uyghur siyasiy herikitige qaratqan ichki jehettin singip kirish , parchilash we axirida asta – asta yoqitish siyasitige qandaq qarshi turush kérek ?

yuqirida tilgha élin’ghan mesililer üstide , töwendikiche muhakime we tetqiqatlar élip bérilidu:
nöwettiki weziyet analizi :

Uyghur siyasiy herikitining kelgüsidiki siyasiy tallishi – yeni Uyghur siyasiy herikitining kelgüsi nishani ;
mezkur nishan’gha yétishtiki istratégiye ;

teshwiqat xizmiti ;

Uyghur siyasiy herikitining ishenchlik we uzaq muddetlik iqtisadiy menbesini qurush we mangdurush ;
inqilabi hoshyarliq éngini östürüsh ;

omumiy birliksep qurush ;

bu qétimqi kéngesh arqiliq yuqiriqi so’allargha hemmimiz birlikte jawab tapimiz . hemmimiz idiyini birlikke keltürüshke tirishimiz. shuning bilen birge , mewjut ziddiyetlerge xatime bérip , ittipaqliq we ortaqliqni emelge ashurushni , hemmimiz birge buningdin kéyinki yétekchi idiye we sherqi türkistanliqlarning mangidighan yönilishini belgileshni meqset qilimiz.

axirida , barliq Sherqiy Türkistanliq wetendashlarning bu qétimqi xelq’araliq kéngeshke jiddiy köngül bölüshi we qizghin ishtirak qilishini bir muqeddes milliy mejburiyet dep qarishini ümid qilimiz.

hörmet bilen :

Sherqiy Türkistan Uyghur aliy kéngishi teyyarliq komitéti

2010 – yili 9 – ayning 30 – küni

Unregistered
18-01-11, 12:13
Sual:

T.Bughra: "Erkin Alptekinning xetimu yaki Xitayning oyunimu " ?

Jawap: T.Bughra ependiliri, ozliri shunche eqlliq biri idile, "Erkin Alptekin" bilen Xitayning Perqi yoq ikenlikini bilelmey otup kiterlima-bu dunyadin?

bu yuzde-yuz Erkin Alip Tekin Akiningizning maqalisi. u nime uchun buni yazdi? Bu heqte sual kelsun kallingizgha.

* Ali kingeshte Uyghurlarning sehnige chiqirip omumiyuzluk sazayi qilidighanliqini bilip qaldimu?
* Istipasiz qutulalmas halgha kelgen Rabiyeni qutuldurup, uni Dawamliq qollonup Patqaqqa Patqan Uyghurlarni chiqalmas halgha kelturmekchimu?
* Rabiyeni Istipagha ZORLAP, Rabiye etrapidiki sopinurlar, yitiliguchiler arqiliq qaytidin sehnige chiqmaqchimu?
* Erkin Alptikin Xitaygha qachmaqchimu? we ...... ?


yaki bularning hemmisi uchun yazdimu? -shundaqtek qilidu. "Uyghurlarning yurikini qan qilghan qilghan bundaq bir mexluq bu dunyagha kelgini yoq. uning qolidin her bala kelidu"-bu soz 1994-yili Miyunxindiki Uyghurlarning yingi kelgenlerge eytqan sozliri.