PDA

View Full Version : "Sherqiy Türkistan Uyghur Aliy Kengishi " yighinining kechiktürülgenliki heqqide uxtu



uaa_admin
10-01-11, 11:57
Eziz qerindashlar, sizlerge intayin epsuslinarliq tuyghusi ichide shuni uxturmaqchimizki, eslide 2011 – yili 2 – ayning 1 – künidin 6 – künigiche Amerikining paytexti Washingtonda echish qarar qilinghan " Sherqiy Türkistan Uyghur Aliy Kengishi " yighini bezi obiktip qiyinchiliqlar tüpeylidin kechiktürüldi.

Yighinning resmiy echilish waqti : 2011 – yili 5 – ayning 2 – künidin 8 - künigiche.

Bu munasiwet bilen pütün wetendashlirimizdin özür soraymiz ! Tarixiy ehmiyetke ige bu qetimqi yighinning kechiktürülüshidiki tüp sewep bolsa, yighinning teximu ghelibilik we ongushluq chaqirilishigha kapaletlik qilishtin ibaret, chünki xelqimiz bu qetimqi yighinimizdin zor ümit kütmekte.

Yighinning kechiktürülüshidiki konkiritni sewepler töwendikiche :

1)bu qetimqi yighin, chetellerde elip beriliwatqan milliy kürishimiz tarixida kölimi eng zor, qatnishidighan wekillerning sani eng köp, waqti eng uzun, muzakire qilinidighan mesililerning salmiqi eng eghir bolghan bir siyasi munber bolup, yighinning muwapiqiyetlik chaqirilishida herqaysi ellerdiki wekillerning toluq ishtirak qilishi nahayiti mohim, epsuski, bu qetimqi yighinning asasliq teyyarliq xizmetliri we echilish waqti Rojistiwa bayrimigha we yengi yilgha toghra kelgini üchün, bezi rayonlardiki Elchixana we konsulxana xadimlirining bayram tetilige chiqishi sewebidin xeli köp wekillirimizning Amerikigha wiza elish ishliri belgilik tosalghulargha uchridi.

2)Bu qetimqi yighinda muzakire qilinidighan temilar köp, salmiqi eghir bolghini üchün, otturigha qoyulidighan lahiye, teklip we pilan – purogrammilarni hazirlash xizmetliri uzungha sozulup, bezi mohim lahiyeler texi toluq tamamlanmidi, unung üstige wekillirimizdin muzakire qilinidighan mesililer heqide üzlüksiz halda yengi teklip – pikirler we tüzütüshler otturigha qoyulup kelinmekte, bu seweptin yighinning küntertibini qayta – qayta özgertishke mejbur boluwatimiz.

3)Bu qetimqi yighinning kölümi zor, qatnishidighan wekillerning sani köp, yighinning waqti uzun bolghini üchün, yighinning iqtisadi chiqimimu nahayiti zor bolmaqta, unung üstige bu qetimqi yighinni pütünley özimizning küchige tayinip chaqiriwatimiz, chetel fonda jemiyeliridin yighin üchün ajritilghan iqtisat yoq, gerche hazirgha qeder yighingha zörür kereklik bolghan iqtisatning mutleq köp qismini hazirlighan bolsaqmu, emma yenila kam qismini toluqlash üchün waqitqa ehtiyajimiz bar, chünki bu qetimqi yighinning ongushluq ötküzülüshide iqtisatning rolimu nahayiti mohim.

4)Bu qetimqi yighingha teklip qilinghan chetellik bezi mohim erbaplar we yighinda ilmiy teklip, lahiye we pilan – purogramilarni otturigha qoyidighan bir qisim mutexesislirimizning xizmet we tetil purogrammiliri yighin waqtigha mas kemigenliki üchün, ularning yighinimizgha toluq qatnishishigha kapaletlik qilish üchün yighinning waqtini tengsheshke mejbur bolduq !

Eziz qerindashlar, xuddi ilgiri tekitlep ötkinimizdek, bu qetimqi yighin, Uyghur milliy herikitining kelgüsi istiqbali we tereqqiyatigha munasiwetlik zor bir yighin, unung muwapiqiyetlik we netijilik halda ötküzülüshi pütün qerindashlirimizning ortaq tirishchanliqigha, qollushigha, yardimige we meditige baghliq, shunga biz muhajirette yashawatqan barliq yurtdashlirimizni ortaq seperwerlikke kelip, yighinimizni maddi we meniwiy jehettin aktipliq bilen qollap – quwetleshke chaqirimiz !

" Sherqiy Türkistan Uyghur Aliy Kengishi " teyyarliq komuteti