PDA

View Full Version : Ozbekistandiki uyghurlar



IHTIYARI MUHBIR
05-01-11, 05:02
Kochurup qoyghuchi,; IHTIYARI MUHBIR : MEKE


Bir neper uyghurning özbékistandiki uyghurlarning weziyiti heqqide éytqanliri

Muxbirimiz shöhret hoshur
2011-01-03

Özbékistan muhajir uyghurlarning nopusi nisbeten köp bolghan döletlerdin biridur. Uning üstige özbékistanning perghane wadisi ötken esirning bashlirida muhajirettiki sherqi türkistan azadliq herikitining merkezliridin biri bolghan. Shunga, sowét ittipaqi parchilanghandin kéyin, xitay hökümiti özbékistan bilen munasiwitini yaxshilap, özbékistandiki uyghurlarni tizginleshning yolini tutqan.

AFP Photo

Süret, 2009 - Yili 23 - Yanwarda, prézidént médwédéw tashkentni ziyaret qilghanda islam kérimof bilen söhbetlishiwatqan körünüshlerdin biri.
Kérimof hakimiyitining diktatoriliqi sewebidin, eslidinla kishilik erkinlik cheklimige uchrawatqan özbékistanda, xitayning telep we telimatlirining tesiride uyghurlarning kishilik hoquqi, bolupmu teshkillinish hoquqi éghir derijide cheklimige uchrap kelmekte. Bügün özbékistanda yashawatqan bir uyghur radiomizgha téléfon qilip, özbékistanda yashawatqan uyghurlarning bezi ehwalliri we özining uyghur kimliki heqqidiki oy we tesiratlirini bayan qildi.

Özbékistandiki uyghurlarning nöwettiki nopusi heqqide resmiy höjjetlik san-Sépirlar mewjut emes. Asiye waqti gézitidiki bir parche maqalide özbékistanning sabiq sowét ittipaqi dewride, uyghur nopusi 1979 ‏-Yili 29104, 1989 ‏-Yili bolsa 35700 dep körsitilgen. Emma, bu san stalin dewridiki zulum we iskenjiler sewebidin özining uyghur kimlikini özgertishke mejbur bolghan uyghurlarning sanini öz ichige almighan. Shunga özbékistandiki bezi uyghur tetqiqatchilar özbékistandiki uyghur nopusini az dégendimu 200 ming bilen 500 arisida dep körsetmekte.