PDA

View Full Version : Germaniyede ghulja weqesi munasiwiti bilen namayish



Unregistered
04-02-06, 15:26
http://uygur.org

ETIC hewiri
04-02-06, 15:34
< 5 – féwral > Ghulja Qirghinchiliqining 9 – Yilliqi Munasiwiti Bilen Germaniyede Xitaygha Qarshi Naraziliq Namayishi Ötküzüldi

Öz muhbirimiz Aliya Zaifuer xewer qilidu:

Bügün, yeni 2 – ayning 4 – küni, kommunist Xitay hakimiyitining 1997 – yili 5 – fewral küni Ghuljida élip barghan qanliq qirghinchiliqining 9 – yilliqi munasiwiti bilen, Germaniyening München shehridiki Xitay konsulxanisi aldida naraziliq namayishi ötküzüldi.

Germaniyediki < Yawropa Sherqiy Türkistan Birliki Teshkilati > teripidin uyushturulghan bu qetimqi namayishqa, < Dunya Uyghur Qurultiyi > ning merkezdiki wekilliri, < Sherqi Türkistan Informatsiyon Merkizi > ning mesulliri, shundaqla Germaniyede yashawatqan Uyghurlar qatnashti.

Namayish jeryanida Uyghurlar, shunche qattiq soghuqqa qarimay, qollirida Sherqiy Türkistanning ay – yultuzluq kök bayriqini jewlan qildurup, Xitay hakimiyitige qarshi shoarlar yezilghan lozunkilarni igiz kötürüshüp, Xitay hakimiyitige qarshi jarangliq shoar towlap, namayish meydanini zil – zilige saldi.
Buqtimqi namayish germaniye waqti etigen 10 – 12 qeder jemiy ikki saet dawam qildi.

Namayish bashtin – ahir jushqun keypiyatta ötti, namayish jeryanidimu Qanungha xilap hechbir heriket körülmidi.
Namayish ahirida, < 5 – fewral > Ghulja qirghinchiliqida hayatidin ayrilghan shehitlarning rohi üchün mehsus dua oquldi.

Ghulja weqesi yüz bergendin buyan, Dunyaning herqaysi jaylirida yashawatqan Uyghurlar we Uyghur teshkilatliri, her yili mushu künde, Türlük naraziliq paaliyetlirini teshkillesh arqiliq, hem bu qanliq hadisini hatirilesh, hem wehshi Xitay hakimiyitining yawuz qirghinchiliq siyasitini eyiplep kelmekte.

Köpchilikke melum bolghinidek, < 5 – fewral > Ghulja weqesi, Xeliqaraliq kishilik hoqoq teshkilatliri teripidin kommunist Xitay hakimiyitining Uyghurlargha qaratqan besim we qirghinchiliq siyasitining tipik örnigi süpitide tilgha élinip kélinmekte, shundaqla Xeliqara kechürüm teshkilati teripidin Uyghurlarning kishilik hoqoq weziyiti heqqide elan qilinghan birqanche qetimliq chong hejimlik doklatliridimu, Ghulja weqesige dayir höjjet – matiriyallar asasliq menbe süpitide délil qilip körsütüp kélingen idi.

Gerche Ghulja weqesi, Uyghur xelqining Xitay hakimiyitige qarshi élip barghan bir qetimliq tenichliq sheklidiki naraziliq herikiti hisaplansimu, emma kommunist Xitay hakimiyiti amerikida yüz bergen < 11 – sentebir > téror weqesidin buyan, Ghulja weqesining sheklini we Xarektirini qesten burmilap, bu heriketni dunya jamaetchilikige < téroristik heriket > qilip körsütüshke urunup keldi, emma Xitay hakimiyitining heliqara siyasi sehnilerdiki bu siyasi töhmetliri put tirep turalighini yoq, eksiche Dunya jamaetchiliki < 5 – fewral Ghulja weqesi > ni, insaniy heq – hoqoqliri eghir derijide depsendichilikke uchrawatqan Uyghur xelqining, demokratik we kishilik heqlirini qoghdash we öz teqdirini özi belgilep yashash üchün élip barghan heqqaniy herikiti dep qarimaqta hemde Xitay hakimiyitining qolida tömürning sunuqimu bolmighan Ghulja xelqining bu heqqaniy herikitini wehshilerche qanliq basturghanliqini izchil türde eyiplep kelmekte.

Unregistered
04-02-06, 17:14
barikalla silerge, Germaniyediki uyghurlardin allah razi bolghay !