PDA

View Full Version : Yaxshi ayal erni özgerteleydu



Unregistered
09-12-10, 02:43
Yaxshi ayal erning qizghinliqini qozghiyalaydu . erlerning qizghinliqi hem qimmetlik , Hem qorqunchluqtur . bu xil qizghinliq erlerni tolup -tashqan küch -quwwet bilen algha basturidu , Shundaqla melum bir ishni esebiylerche qilishqa mejburlaydu . eger mushundaq chaghda uning yënida yaxshi ayal bolsa , U ërining aldiraqsanliq , Qarighularche ish körüshtek rohiy halitini tizginliyeleydu hemde ëridiki qizghinliqni mulayimliq , Ëghir bësiqliq bilen hayatliqning heqiqiy heriketlendürgüch küchige aylanduralaydu .

Erlerning qelbi xuddi bir parche munbet tupraq , Lëkin tupraq bek munbet bolghanliqtin , Uningda yawa ot-chöplermu tëz ösidu . yaxshi ayal bir yaxshi dëhqan . u jan-dili we halal emgiki bilen yawa ot-chöplerni otap , Yumran maysilarni sewrchanliq bilen perwish qilip , Chëchek achquzup mëwe bergüzidu . erler dunyaning yërimini teshkil qilsa , Yaxshi ayal dunyaning yene yërimini teshkil qilidu . erlerning yërim dunyasini toluqlighandila , Andin hesen-hüsenler chiqip , Bu dunyani parlap turghan yuruq dunyagha aylanduridu . yaxshi ayalning dunyasi pütün bolidu , U yardemge mohtaj erlerge yardem bëridu , Özgertishke tëgishlik erlerni özgertidu .