PDA

View Full Version : Nezir–chiragh qaidilirimizdiki ösmiler



Unregistered
02-12-10, 12:40
Harutresol qadiri

ölüm hemmidin qattiq. uninggha biperwaliq qilishqa, Hezilkeshlik yaki uninggha özge meqsetlerni yandashturushqa bolmaydu. bolupmu biwasite hazidarlar üchün tëximu shundaq. biraq, Jahanning ishlirimu qiziq. melum birawning wapati birawlar üchün ëghir azab bolsa, Yene birawlar üchün chaqchaq soruni bolmaqta. dëmek, Hazidarliq, Nezir bërishlardek adet – yosunlargha köptürme, Oydurma mezmunlarariliship, Ölümdin ibaret bu eng ëghir qayghugha yatlar teripidinla emes, Belki hazidarlar teripidinmu bir munche bimenilikler qisturuluwatidu. bundaq binormalliqlar meniwiyetning, Ësil enenining buzulushining asasidur. shundaq iken, Jemiyetning muqimliqi hem saghlam tereqqiyati üchün choqum örp – adet, Qaide – yosunlarning durusluqini saqlash, Ularning esliy shekli we qaratmiliqida ching turush zörür.

eslide ölüm uzitish, Nezir – isqat bërish adetlirimiz bir yürüsh addiyliq we pakliqlar üstige qurulghan. addiyliq dëginimiz, Hazidarliq we mëyit uzitishtiki milliy örp – adetlerning jariliqliri ‹‹ölgenning keynidin ölgili bolmaydu›› mepkurisi boyiche, Hayatlarni qiynap qoymasliq. haza yaki depne yosunliridiki bezi murekkeplikler yaki türlük seweblerdin këlip chiqqan köptürmilikler hazidarlarning melum turmush ritimigha, Ularning këyinki jahandarchiliqigha tesir yetküzidu, Shunga bundaq bidetliklerdin hëzi bolmaq zörür. xuddi atilar sözide ‹‹ölümni nege barisen? dep sorisa, Bayning pulini chachqili, Namratning kötini achqili›› deptu dëyilginidek, Bu heqtiki natoghriliq, Bidetlikler tiriklikke bihude ziyan yetküzidighanliqini jamaitimiz chüshinishi kërek, Elwette.

yëqinqi yillarda maddiy turmush sewiyemizning yüksilishi netijiside, Mëyit uzitish, Nezir – chiragh emellirimizge bir qisim gheyriy mezmunlar qoshulup, Bu dairide yëngidin – yëngi qaidiler peyda boldi. hadisiler shuki, Sellini ‹‹hazidarliq belgisi›› qiliwëlish; bay we kattilarning namizini chüshürüsh talashta qëlip, Namrat – yoqsullarning namizini chüshüridighan'gha adem chiqmasliq; sediqe – nezir bërishlerni shekli özgergen ‹‹jem bolush shadliqi››, ‹‹mëhmandarliq ziyapiti››ge aylanduruwëlish; qebre bëzep, Merhumgha ‹‹shöhret ata›› qilishqa tirishish qatarliqlardin ibaret. bular ëtiqad qalaymiqanchiliqidin bashqa nerse emes.

nezir bërish we isqat tarqitish öz yolida muwapiq bolghini tüzük. eger bularning mahiyet we tüsliri özgerse, Bu enenilirimizge, Qaidilirimizge tüptin xilap. yëqinda bir aghinemning anisi alemdin ötti. hazidarlar anisining yette nezirini katta ötküzüshke tutundi. buningdin xewer tapqan mehelle chongliri ularni enene we ësil adetlirimizdin qaide sözlep qayil qildi, Shuning bilen hazidarlar anisining yette, Qiriq nezirlirige atalghan menqulatlarni ajizlargha yetküzüp, Tëximu eminlik, Sebir hës qilishti. bundaq teshebbus hazir xëli omumliship, Xelqimizning iqtisadiy, Ijtimaiy keypiyatigha paydiliq tesir körsetmekte. mëningche, Buni omumlashturush bekmu zörür. chünki bizde qaidide yoq resmiyetler tüpeyli ësil örp – aditimiz taptin chiqqili turdi. ëniqki, Esli nezir we isqat miskinlerning risqi. epsuski, Hazir nezir dasturxinigha salat – qorumilar hazirlinidighan, Puldar – haldarlar tördin orun alidighan, Hetta beziler nezir ëshini yep chiqip ‹‹qayghuni küchke aylandurush›› bahaniside sharab sorunlirigha yighilip könglini izhar qilishidighan boldi.

omumen, Hazidarliq, Mëyit uzitishtiki gahibir qaidilerni xalighanche özgertish, Teqlid qilish, Sadda chüshenche yaki bashqa meqsetlerde qaide – yosunlar ijrasigha su qoshup köptürüshler bilen qaide – yosunlarni chongaytish, Murekkepleshtürüsh we omumiy qaidige aylanduruwëlishtek ëtiqad qalaymiqanchiliqigha pëtip qëlishtin hezer eylishimiz lazim

Unregistered
03-12-10, 11:33
nahayiti toghra pikir illet tuzelmey millet tuzelmeptu,yazghanlirngizdin allah razi bolsun .hazir olumghe chay oynap uzitidighan bop kettuk.