PDA

View Full Version : Rabiye xanimning Firansiye we Italiye sepiri intayin muwapiqiyetlik otti



Qurultay uchuri
29-10-10, 17:46
Rabiye xanimning Firansiye we Italiye sepiri intayin muwapiqiyetlik otti

Uyghur milliy herikitining rehbiri Rabiye xanim, mexsus teklipke asasen aldi bilen 10 ayning 21 kuni Firansiyening Albertville shehride otkuzulgen < Firansiye xelqara yipek yoli festiwali > gha sherep mehmini supitide qatnashti.

Festiwalda, Qedimiy yipek yoligha jaylashqan ellerning mediniyiti tonushturulghan bolup, her bir dowlet uchun ayrim ayrim chidirlar qurulghan idi.

Firansiyediki Uyghur mediniyitige qiziqquchi we Uyghurlargha hesdashliq qilghuchi bir gurup tetqiqatchi, ressam we jornalislarmu mexsus Uyghur mediniyiti we seniti tonushturulghan < Uyghur oyi > ni qurup, festiwalgha qatnashqan minglighan ammigha qedimiy yipek yolining shekillinishi we tereqqi qilishida intayin mohim rol oynighan we bugun milliy mediniyiti eghir weyranchiliqqa uchrawatqan Uyghurlarning mediniyitini tonushturdi.

Bu qetimqi Festiwalgha sahipxanliq qilghan Albertville shehrining bashliqi Philippe Masure ependim Rabiye xanim uchun sheherlik hokumet binasida mexsus Uyghurlar mesilisi heqqide axbarat elan qilish yighini uyushturup berdi we shexsen ozi Rabiye xanim we Uyghurlar heqqide muxpirlargha aldin chushenche berip otti.

Rabiye xanim axbarat elan qilish yighinida soz qilip, qedimiy yipek yolining merkizi hisaplanghan Sherqiy Turkistan rayonining heqiyqi igiliri bolghan Uyghur xelqining bugun Xitay hakimiyitining atsimilatsiye siyasiti tupeylidin yoqulup ketish xewipige duch keliwatqanliqini, bu rayondiki qedimiy yipek yoli mediniyitining tamamen weyranchiliqqa uchrighanliqini bayan qilip, Xitay hakimiyitining Uyghurlargha qarita yurguziwatqan Xitaylashturush, qattiq basturush we qirghin qilish, talan taraj qilish we somurush siyasetliri heqqide tepsili melumat berip otti we Xelqara jamaetchilikini Dunya mediniyitige ochmes tohpilerni qoshqan Uyghur millitining bugunki echinishliq teqdirige kongul bolushke chaqirdi.

Rabiye xanim yene Firansiyediki ziyaret jeryanida chetellik tetqiqatchi, ressam, jornalis we mutexesislerdin terkip tapqan bir gurup zatqa Uyghurlarning weziyiti heqqide ayrim chushenche we melumat berdi, shundaqla ulardin Sherqiy turkistangha ziyaretkke berip uyerde Uyghurlar tartiwatqan zulumlarni oz kozliri bilen korushni we Uyghur mediniyitining chetellerde tonulushigha hesse qoshushni telep qildi.

Rabiye xanim we Alim Seyitof ependiler Firansiyediki paaliyetlirini muwapiqiyetlik halda ayaqlashturup, 10 ayning 23 kuni Italiyening paytexti Rimgha yetip keldi we Rimda uyushturulghan < Xelqara erkinlik namayishi > gha qatnashti.

Rimda her yili bir qetim otkuzulidighan < Erkinlik namayishi > paaliyiti bolsa Dunyadiki zulum we asaret astida yashawatqan xelqlerning erkinliki we horlukige beghishlanghan Xelqaraliq chong namayish paaliyiti bolup, bu namayishqa her yili zulum astida yashawatqan bir milletning wekili bashlamchiliq qilidu.

Bu qetimqi namayishning bashlamchiliqigha Uyghur xelqighe wakaliten milliy rejhbirimiz Rabiye xanim tallanghan bolup, namayishning sherep mehmini we bashlamchisi Rabiye xanimdin ibaret.

Bu qetimqi namayishqa Rabiye xanimdin sirt yene Tibet, Iran we Berma qatarliq ellerning wekillirimu teklip qilindi.
Rabiye xanim Rimdiki meydangha toplanghan 10 ming kishilik namayishta ammigha qilghan nutqida, Kommunist Xitay hakimiyitining Uyghur xelqighe seliwatqan chekidin ashqan zulumlirini pash qildi we Dunja jamaetchilikini eziliwatqan, xorluniwatqan we insaniyet Dunyasidin yoqulup ketish xewipige duch keliwatqan Uyghur xelqining echinishliq sadasigha qulaq selishqa, Uyghur xelqining erkinlik we horlukke bolghan arzu isteklirining emelge eshishigha yardem berishke chaqirdi.

Nutuqtin keyin, Rabiye xanimning bashlamchiliqida namayish bashlandi, namayishchilar qoshuni Rabiye xanimning yeteklishi bilen birqanche kilometir yol yurup, ozlirining Uyghurlargha oxshighan asaret astida yashawatqan milletlerge bolghan hesdashliqi wem qollushini namayen qildi.

Rabiye xanimning Italiye sepirige dayir korunushlerni towendiki adrestin koreleysiz :

http://www.societalibera.org/it/marc...0_immagini.htm

Rabiye xanimning Ispaniyediki paaliyetlirini towendiki adrestin koreleysiz :

http://www.youtube.com/user/amnistia.../2/6W2-4NFlfdk

DUQ teshwiqat merkizi

Unregistered
29-10-10, 19:32
resimlerni towendiki adrestin koreleysiz :

http://www.uyghurcongress.org/uy/?p=2209

Unregistered
29-10-10, 20:16
resimlerni towendiki adrestin koreleysiz :

http://www.uyghurcongress.org/uy/?p=2209

millitimni pexirlnduridighan mushundaq xewerlerni oqusam Rabiye animizgha til tekkuzgen we ununggha ora kolighan munapiqlarni chayniwetkum kelip ketidu !!!!!
heqiqeten Rabiye animiz janabi allahning millitimizge ata qilghan esil sowghisi iken !