PDA

View Full Version : Nime digen iqinarlik weke he? Ah Biqare uyghurlar..............



Unregistered
16-10-10, 09:07
Hitayning wehxi siyasiti astida yene kanqilighan uyghurlirimiz muxundak iqinarlik, nahek, gunahsiz olturulgendu?
Dunyada kaqanmu adalet bilen yaxaydighan wakitlar kiler? DUK bu wekeni keng dairide texwik kilip hitayning kanlik kirghinqilighini pax kilix kirek!



Turpanda ölüm jazasi ijra qilinghan bir uyghurning gunahsiz ikenliki ashkarilandi

Turpan shehirining chichanxu yézisida olturidighan 30 nechche yashlardiki bir uyghur 2009 ‏ - Yili "5 - Iyul weqesi"ning aldi - Keynide xitay ayallargha basqunchiliq qilish we adem öltürüsh bilen eyiblinip, ölüm jazasigha buyrulup ijra qilinghandin kéyin, bu uyghurning gunahsiz ikenliki ashkarilanghan. Lékin dairiler jawabkarliqtin qorqup bu xewerning sirtqa ashkarilinip kétishini tosighan.

Weqedin xewerdar yerlik kishilerning turpan j x organlirining uchurigha asasen radiomizgha ashkarilishiche, turpan chichanxu yézisida olturidighan sidiq isimlik bu yashning ötken yili 5‏ - Iyul weqesining aldi ‏ - Keynide xitay ayallargha basqunchiliq qilish, basqunchiliqqa uchrighan ayallarni öltürüsh bilen eyiblinip, ölüm jazasigha höküm qilinghan, ölüm jazasi derhal ijra qilinip, bu kishi étip tashlanghan. Lékin bu yil 4 ‏ - Ayda ayallargha basqunchiliq qilghan we ularni öltürgen heqiqiy qatil qolgha chüshken bolup, uning xitay ikenliki ashkarilanghan. Ölüm jazasigha buyrulup étip tashlanghan uyghur bolsa xata jazalanghan bolup, bu weqe turpan j x, teptish we sot organlirini temtiritip qoyghan.

Weqedin xewerdar kishiler, xata étip tashlanghan bu uyghurning qattiq qiyin - Qistaqqa chidimay "jinayet"ni qobul qilghanliqini, heqiqiy qatil tutulghandin kéyin, yerlik edliye dairiliri jawabkarliqtin qéchip bu weqeni yoshurushqa urunghanliqini, munasiwetlik organlarning uwalliqqa uchrighan uyghurning aile - Tawabatining dawa qilghudek qudriti yoqluqidin paydilinip weqeni basturup qoyghanliqini bildürdi.

Biz chichangxo yéziliq saqchixanigha téléfon qilghan bolsaqmu, lékin saqchixanining bir xitay xadimi chichangxoda bundaq bir weqe yüz bergenlikini ret qildi.

Weqedin xewerdar kishilerning ashkarilishiche, chichanxuluq uyghur yash basqunchiliq we adem öltürüsh bilen eyiblinip qolgha élinghan we ölüm jazasigha buyrulup ijra qilinghan shu mezgiller "5 - Iyul weqesi"ning aldi - Keynidiki jiddiy weziyetke toghra kelgen bolup, bu weqe turpandiki yerlik gézit, zhurnallar we radio - Téléwizorlarda keng kölemlik xewer qilinghan hem "uyghur qatil"ning wehshiliki küchep teshwiq qilinghan. Lékin heqiqiy qatil qolgha chüshkendin kéyin, yerlik metbuatlar bu weqeni qetiy xewer qilmighan.