PDA

View Full Version : Uz diyarim bar méning



Unregistered
08-10-10, 08:56
Uz diyarim bar méning

Hoshur ibrahim ümidwar


Shöhriti alemge dangliq uz diyarim bar méning,
Töt pesil güldur beeyni, Gülbaharim bar méning.

Bipayan elwek zémin, Kökke taqashqan taghliri,
Maxtisam, Maxtashqa layiq iptixarim bar méning.

Ejri – méhnette yétilgen méwizarliq baghliri,
Xush puraqliq gülge tolghan güluzarim bar méning.

Qarisang küzlek déngizdek, Béhisap mal charwisi,
Eng güzel iqlimgha endaz lalizarim bar méning.

Tengritagh, Qaraqurum... choqqiliri zumret misal,
Söliti xelqimge xas gülgün uzarim bar méning.

Qat – qéti nurluq simah, Shawqunliri dilgha huzur,
Ili, Tarim hem zerepshan... dilxumarim bar méning.

Üsti gül, Asti néfit, Sansiz kömür, Altun'gha bay,
Zer chéchek barxanliri teklimakanim bar méning.

Qoghuni, Neshpüt, Üzüm, Alma, Anar, Shahmantisi
Til yarar sherbetke tolghan méwizarim bar méning.

Gül narat, Gülzar qanas, Sultan sutuq, Héytgah kebi,
Dilni meptun qilghudek uz seyligahim bar méning.

Xelqi méhmandost tamam qelbi bejayi keng déngiz,
Shehiri qaynaq, Méhri derya dilshikarim bar méning.

Hemmige damlatqudek uyghur muqami, Alimi...
Qeshqeri mehmud, Yüsüptek qelb quyashim bar méning.

Pen – ilimning munbiri, Aliy bilim erkanliri,
Meripet bostani xil meshel – chiraghim bar méning.

‹‹hemme güller teng échilghan, Barche bulbul sayrighan››
Xush puraqliq hid chachar dilxende baghim bar méning.

Izdéseng alemde yoqki, Küyliri alemshumul,
Lerzidin tenler simab, Qalun, Satarim... bar méning.

Qashtéshi, Rengdar gilem, Etlesni mewjut eyligen
Qanche ejdadtin tewerrük destegahim bar méning.

éh! yétük göher zémin, Alem ara maxtan'ghudek
Xelqi hör, Bayliqqa tolghan gül makanim bar méning.

Millitim uyghur, Uyushqaq, Bextiyar, Batur xelq,
Bu jahan seynasida mezmut qatarim bar méning.

Xangda, Zawutta ishidin yurtqa kimxab yapquchi,
Ishchi, Téxnik, Agranomdek ustikarim bar méning.

Neslidin emgek söyer, Munbet étizning erkisi,
Teridin alem yaratqan töhpikarim bar méning.

Chégrada, Tagh – choqqilarda köksini qalqan qilip,
El – wetenning pasibani – zulpiqarim bar méning.

Bu hayatliq menbesi hawa anamning qizliri,
Qolgha – qol, Janimgha – jan qoshqan nigarim bar méning.

Ushbu yurtumni qedirlep weslige yetmek üchün,
Her téshi – tupraqini söymek qararim bar méning.

Hemmisi pexrim, Ghururum, Iptixarim, Bir ömür,
Küch – madarim yetkiche eshar yazarim bar méning!


http://uyghur.co.uk/hikmet/hikmet.html din elindi

http://www.facebook.com/?ref=logo#!/pages/Uyghur/105657086157937