PDA

View Full Version : Nomus Qilinglar Ustazlar!



Unregistered
05-10-10, 13:14
Nomus Qilinglar Ustazlar!

Ziyalilar sépidiki nimjanliq toghrisida bezi tor betliride xéli köp nersiler yézildi. Otturigha qoyulghan heq pikirler az – tola wijdani bar bezi ziyalilarni azaplimay qalmidi. Mektepler, idare – organlardiki bu ghururluq kishiler özi heqqide, jemiyet heqqide, millet heqqide qaytidin oylash basquchigha kirdi. Bilimi bar, wijdani yoq bezi janbaqti ziyalilar bolsa „weziyet shundaq xeterlik tursa, tuxumni tashqa urghanning néme paydisi? Wijdan üchün istiqpalni nabut qilish nadanliq bolmamdu?… „ déyiship, wijdan bilen eqilni mentiqilerge séliship, yéngi pelisepiwi heqiqetlerni yaritiship özlirini bezlesh bilenla cheklenmey, bir pütün ziyalilar qoshunini bezlep, Uyghur jemiyitining xaraplishishigha süküt qilishtin aqilane yol yoqliqini dawrang qilishqa bashlidi.

Ghururimning zeiplikidin nomus qilishim seweplik, özümni ziyalilar sépining sirtida qoyushqa amalim yoq. Aliy mekteplerdiki dangliq ziyalilar bilen alaqem qoyuq. Hayatliq muhitim mushu chembirek ichide. Meydisini kérip yashaydighan bilermenlerdin tonumaydighanlirim, alaqe qilmaydighanlirim az.
Mektep mudiridin, sinip mudirighiche bolghan aliy bilim yurtlirining kattiliri bilen didarliship yashash sheripige muyesser bolghinimdin ilgiri pexirliner idim. Hazir uyulushqa bashlawatimen. Oylighansiri, milliy heqlirimizning qurban bolishigha sewepchi boliwatqanlar del men alaqe qiliwatqan mushu qulluq rohigha teslim bolghan bilim igiliridek tuyulup, özümmu sezmigen halda, ulardin yirginish tuyghulirigha esir bolushqa bashlawatimen.

Bügün aliy mekteplerdiki oqutquchilarning 80% idin artuqining xiyaligha milletning ghémi kirip chiqmaydu. Qeshqer qedemiy shehrining xarap qilinishigha échinip pikir bayan qilghan bir oqutquchini körmidim. Yekendiki haqarettin wujudi shürküngen bir oqutquchini körmidim. Saqal – burut siyasitining éniqla milliy haqaret, insaniy hoquq tajawuzi ikenlikini tilgha alghan bir oqutquchini körmidim. Bash kiyim kéyishni cheklesh permanining yolsizliq bolidighanliqini eskertken bir oqutquchini körmidim. Qizlirimizning ichkiride köriwatqan künlirige wijdani azaplanghan bir oqutquchini körmidim. Déhqanlirimizning nale – zarlirigha baghri örtinip hesret chekken bir oqutquchini körmidim, qoshtilliq maaripning milliy kimlikimiz üchün peyda qiliwatqan qabahet xirsliridin endikken bir oqutquchini körmidim …… qaysi birsini dep bolay?

Halbuki, men tilgha alghan bu ishlar xelqara metbuatlarda éqip yürüptu. Chet´eldiki töt toktok uyghur, bularni éghir mesile derijisige kötürüp, dunyaning diqqitini tartishqa térishiwétiptu….

Toghra, hörmetlik Abdureup polat teklimakani, Abduqadir jalalidingha oxshash dadil pikir bayan qilghanlar, imza toplap naraziliq bildürgenler bar. Lékin bularning beziliri jazaliniwidi, aliy mektep oqutquchiliri üchün, bu xuddi ölüm signalidek dehshetlik tuyuldi. Hemmining üni ichige chüshüpla ketti. „Gülning tikini bar, her söygüning bir bedili“ dégen dersni mushu oqutquchilar ögitettighu?

Oqutquchilirimiz bügün némige köngül böliwatidu? Künsiri arqigha chékiniwatqan maaripqimu? Oqughuchilarning barghansiri chüshkinlishiwatqan rohi halitigimu? Déplum élishtin bashqigha esqatmaydighan derslikkimu?

Bilimen. Aliy mekteptiki oqutquchilarning némige köngül böliwatqanliqini!
Emelim yene biraz össe, dégenge köngül bölidu. Maashim yene azraq össe, dégenge köngül bölidu. Doktur bolsam, arqidin Dokturluqtin Proféssorluqqa össem dégenge köngül bölidu. Oqughuchi qobul qilish yaki xizmet izdeshte arqa ishiktin kiridighan kérimge köngül bölidu. Öz balilirini yaxshiraq yerlerde oqutup, emeldar qilishqa köngül bölidu. Yoghanraq öylerde olturushqa, ésilraq seremjanlargha érishishke köngül bölidu. Oqughuchilar arisidin chirayliqlar birsige …. Yeni, peqetla özige köngül bölidu!
Yüzligen sorunlarda ular bilen birge boldum. Qachanki, milletning derdige munasiwetlik bir gep otturigha chiqsa, öngüp – tatirip kétishidu. Bu gepni tizraq yighishturiwétishke aldiraydu. Özi bar sorunda milletke ait mesililerning otturigha chiqishini, goya öz istiqpali üchün qurulghan qiltaq, dep chüshinidu. Muhakime, munazirige yéqin yolimaydu. Kallisida wezipisini yaxshi orunlap, könglige pükken shexsi gherezlirini ishqa ashurushtin bashqa nerse yoq.

Shundaq bolishigha qarimay, özlirini milletning büyükliri, ziyalisi, wekili sanishidu. Xelqidin hörmet kütidu. Xoshamet kütidu. Hediye kütidu …

Jungxua xelq jumhuriyitining asasi qanuni we milliy téritoriyilik aptonumiye qanunigha tunji bolup riaye qilish, uni qoghdash, emelileshtürüsh wezipisi aldi bilen mushu Uyghurning ölimalirining mejburiyiti emesmidi? Néme üchün bu qanunlargha xilapliq qilishta ular bashlamchi bolidu? Néme üchün millitige teelluq bolghan heq – hoquqlarning xalighanche depsende qilinishigha yol qoyidu? Néme üchün öz millitige ige chiqishtin ibaret eqelli wijdaniy we insaniy buruchlirini ada qilmaydu?

Aliy mektep oqutquchiliridiki bu xil rezil rohi halet ottura, bashlanghuch mekteplergimu tesir qilmaqta. Uyghurning pishiwaliri öz ghururlirini depsende qilip, wijdanliri sétip xejlep yashawatqan yerde, töwendikiler néme qilmaqchi?

Nomus qilinglar Ustazlar!
Silerdin Uyghur millitige shermendilerche qulluq rohi miras qalmisun! Milliy shan – sherepni qoghdiyalmisanglarmu, özünglarning bir kishilik adimiy exlaqinglarni qoghdap qélinglar! Jemiyettiki rezilliklerni tosiyalmisanglarmu, özünglarning nepsidiki rezilliklerni tosup qélinglar! Milletni saqlap qalalmisanglarmu, özünglarni saqlap qélinglar !!!!!

Unregistered
05-10-10, 15:05
Sizdin Allah Razi bolsun? Digenliringizning hemmisi heqiqet.

Artish

Unregistered
05-10-10, 15:48
Sizdin Allah Razi bolsun! Digenliringizning hemmisi heqiqet. Allah qolingizgha dert bermisun, Aman bolung!

Unregistered
05-10-10, 17:08
http://www.erktv.com/uyghurche/watch.php?t=siyaset&id=79

Unregistered
05-10-10, 18:50
Ular sizningche nime qilip birele? Urumchidiki qolgha chiqidighan Uyghur ziyalilirining kop qismi universitlarda, likin ularning sani belki 500 ge ya yitidu ya yetmeydu. Ular 10 milyon Uyghurgha selishtirghanda yoqla san. Ularmu amalsizliqta jan beqishtin bashqigha amalimiz yoq dep olturghandu belki. Ular gep qilsa nime bolidighanlighini belki obdan bulup boldi. Ular Ilham Tohti qilghanni qilalmaydu, chunki ular Beijingda emes Urumchide. Beijingdiki hittaylar bilen Urumchidiki hittaylarning perqi 2010-yil bilen 1970-yilning hittaydiki perqighe ohshaydu. Bizge ujme chush aghzimgha chush dep bashqilardin tama qilipla otidighan pishika adet bolup qaptu.

Unregistered
05-10-10, 19:19
Barakalla....kulung dat kurmisun.