PDA

View Full Version : Norwegiyede Namayish



Unregistered
26-09-10, 18:20
Xitay xelq jumhuriyiti qurulghan 1 – öktebir, Sherqiy Türkistan xelqi üchün bir matem küni, yéngi bir zulumning, qarangghu we zulmetlik bir dewrning bashlinishidin ibaret.

Wetinimiz Sherqiy Türkistan, Xitay kommunist hakimiyitining mustemlikisige duchar bolghan 61 yildin buyan, xelqning erkinlik we hörlükke bolghan intilishliri rehimsizlerche qanliq basturuldi, bu 61 yil mabeynide yüz minglighan qehriman oghul-qizlirimiz shéhit boldi, san-sanaqsiz bigunah insanimiz Xitay dölet térrorining qurbanigha aylinip, qarangghu zindanlargha mehkum qilindi, tebi’iy bayliqlirimiz talan – taraj qilinip, bu göher zéminning igiliri hésablan’ghan xelqimiz ach – yalingachliq ichide yasashqa mejbur qilindi, milyonlighan bowaqlirimiz yoruq dunyagha köz achmastin, ana qarnida ölümge höküm qilindi, Xitayning ichki ölkilirige sürgün qilin’ghan yüzminglighan qizlirimiz éghir derijide ayaq-asti qilinishqa uchridi, xelqimiz özlirining diniy étiqadidin we milliy medeniyetliridin waz kéchishke qistaldi, Xitay hakimiyitining üzlüksiz köchmen yötkesh siyasiti tüpeylidin bügün Uyghur xelqi öz wetinide azsanliq orun’gha chüshüp qaldi, toxtimay dawam qilghan atom sinaqliri tüpeylidin güzel wetinimiz xarabige aylinip, milyonlighan insanimiz hayatidin ayrildi we méyip – mejruhlargha aylandi …

61 yil tinimsiz dawam qilghan zulum we bésim tüpeylidin bügün Uyghur xelqining milliy mewjutluqi tarixta misli körülüp baqmighan derijide zor xewp we tehditke duch kelmekte.

Yene bir jehettin 5 – iyul Ürümchi qirghinchiliqi, Xitay hakimiyitining Uyghurlargha qarshi yürgüzüp kelgen 60 yilliq zulum, bésim we qirghinchiliq siyasitining dawami we yuqiri pellisidin ibaret.

Yillardin buyan Dunya Uyghur Qurultiyi 1-öktebir künini sherqi türkistan xelqining Ğmatem küniĞ dep jakarlap, bu matem künide pütün sherqi türkistanliqlarni birdek halda Xitay hakimiyitige qarshi naraziliq pa’aliyetliri ötküzüshke seperwerlik qilip kelgen idi.

Bu munasiwet bilen Norwegiye Uyghur Komiteti D U Q ning chaqiriqigha awaz qoshup, Xitay hakimiyitige naraziliq bildurush uchun 10- ayning 2- küni shenbe saet 13:30 da Oslo shehirining Karl Johannesgate kochisida Norwegiyede yashawatqan pütün Uyghur qerindashlarni Xitaygha qarshi elip berilidighan namayishqa aktip qatnishishqa chaqiridu. Qérindashlarning saet 13:30 da Oslo merkizi poyiz istansisining aldigha yighilishini ümüt qilimiz.

Norwégiye Uyghur Komitéti

2010-yili 9-ayning 24-küni http://uyghurnorwegian.org/index.php

Unregistered
30-09-10, 04:47
salam qérindashlar: Norwegiyediki namayish waqti Oslo waqti saet 14:30 gha özgertildi.