PDA

View Full Version : Germaniyediki Uyghurlar Roza Heyt Namizini Birge Ötküzdi



Qurultay uchuri
09-09-10, 03:12
Germaniyediki Uyghurlar Roza Heyt Namizini Birge Ötküzdi

Germaniyede yashawatqan Uyghurlar, 12 ayning sultani hisaplanghan mubarek Ramazan eyini tamamlap bügün Rozi heytni iptixarlinish tuyghusi ichide kütiwaldi.

Germaniyediki Uyghurlarning 90 pirsentige yeqinraqi qedimiy sheher Miyonhinda yashap kelmekte we 10 nechche yildin buyan Heyt namazlirini birge ötküzüshni izchil dawamlashturup kelmekte.

Bügün Miyonhin shehride yashawatqan qerindashlirimiz yene Dunya Uyghur Qurultiyi we Qurultay terkibidiki < Yawropa Sherqiy türkistan birliki > teshkilatining merkizi xizmet binasigha jem bolup, yash Diniy zatlirimizdin Memtimin Qarimning imamliqida Rozi heyt namizini birge ötküzdi.

Germaniye waqti etigen saet 7:30 da bashlanghan Heyt namizigha, Miyonhin shehride yashwatqan köp sandiki qerindashlirimiz qatnashti.

Imam Memtimin Qarim namazning aldi we keyide Bergen xutbisida we qilghan duasida, Sherqiy türkistanning azatliqi, xelqimizning erkinliki we hörlüki üchün qimmetlik hayatlirini teqdim qilghan eziz shehidlirimizning rohigha atap fatixa oqudi we Sherqiy türkistan xelqighe janabi allahtin bexit – saadet tilidi.

Namazdin keyin qerindashlirimiz bir – biri bilen qizghin salamliship, özara heytlirini mubarekleshti, arqidin barliq qerindashlirimiz DUQ merkizi orginining orunlashturushi bilen Miyonhin shehridiki Uyghurlar teripidin echiliwatqan Nur resturanigha yighilip kolliktip heytlash elip bardi we bir – birige bolghan güzel tileklirini ipadileshti.

DUQ ning muawin reyisi Esqerjan ependim we bash katip Dolqun Eysa ependimler Heyt namizigha kelgen qerindashlirimizning milliy rehbirimiz Rabiye xanimning salimini we heytliq tebrikini yetküzüshti.

DUQ teshwiqat merkizi