PDA

View Full Version : Qurban Hèytinglargha mubarek bolsun!



Unregistered
10-01-06, 07:13
Qurban Hèytimizgha Mubarek bolsun


Eziz Qèrindashlirim:


Dunya Uyghur Qurultiyi namidin her birlirining Mubarek Qurban Hèytini chin könglümdin Qutluqlaymen, her birlirige Allah’tin salametlik, uzun ömür we bext - saadet tileymen.

Her qachanqidek, bu Qurban Hèytnimu könglimiz yèrim ötküziwatimiz. Chünki ana wetendiki xelqimiz ach, yalanghach we biilaj yürgen; eng tebii heq-hoquqliri qopal bir rewishte depsende qiliniwatqan hem tarix sehnisidin pütünley yoqulup kètish xewpi astida yashawatqan bir mezgilde, chet`ellerdiki biz Uyghurlarning tentenelik Bayram ötküzidighan majali yoq.

Mana mushu mubarek künlerde, ana wetendiki eziz xelqimizni esleyli, shèhitlirimizni dualirimizda esla unutmayli we bextsiz xelqimizningmu dünya siyasi sehniside shereflik orun èlishi üchün her türlük pidakarliqlargha kökrek kèrip, tènchliq yolliri bilen èlip bèriwatqan mujadilimizni téximu kücheyteyli.

Bunung üchün, chet`ellerde yashawatqan biz Uyghurlar bir gewde bolup otturigha chiqayli, bir èriq, bir östeng we bir derya bolup, hemmimiz eyni kölge aqayli.

Men weten ichi we sirtiki barliq Sherqiy Türkistanliq Qerindashlirimning Qurban hèytini mubareklesh bilen birge, ularni yene bir qètim Allah rizasi üchün weten azatliqi yolida xalis bedelge chaqirimen. Allah yardemde bolsun!

Söygü we hörmet bilen:



Erkin Alptekin

Dünya Uyghur Qurultiyi Reisi



2006.01.10

Unregistered
10-01-06, 12:20
sizningmu heitingiz kutlu bolsun!