PDA

View Full Version : Ereb birleshme xelipilikide 2 uyghurgha 10yilliqtin qamaq jazasi bérildi



Unregistered
02-07-10, 15:05
Tünügündin béri xelqara metbuatlarda 2 neper uyghurning ereb birleshme xelipilikide sotlinip 10 yilliq késilgenliki heqqide xewerler bérilmekte. Xewerlerde bildürülüshiche, bu ikki uyghur ebudabidiki ejdihar namliq xitay soda bazirini partlitishning pilanlash we térrorchi teshkilatning ezasi bolush bilen eyiblinip 10 yilliq késilgen.

Xewerlerdin melum bolushiche, bu ikki uyghur bultur, 13 ming dollar pulni dubeydin xitaygha, arqidin u yerdin seudi erebistanigha yötkigen؛ buningdin xitay terep gumangha chüshken؛ netijide xitay elchixanisi ereb xelipilikige ehwalni melum qilghan, buning bilen dubey saqchiliri bu ikki uyghurning arqisigha chüshken we ular bir dorixanida partlatquchqa kéreklik matériyallarni sétiwéliwatqanda tutulghan. Mehkumlar bultur küzde tutulghan, 2010 - Yili 1 ‏- Ayda ular üstidin sot échilip eyiblengen؛ tünügün échilghan sotta höküm chiqirilghan.

Xewerlerde bayan qilinishiche, ular ereb birleshme xelipilikige bultur 7 ‏- Ayning axiri kelgen؛ uningdin kéyin seudi erebistanigha bir qanche qétim bérip kelgen. Eyibligüchi sotta ularning seudi erebistan sepirini térrorluqning bir parchisi dep körsetken, emma, mehkumlar sotta eyibligüchining bu sözlirini ret qilghan؛ ular seudi erebistan sepirini diniy paaliyet dep chüshendürgen.

Ebudabiyde chiqidighan millet gézitide bildürülüshiche, mehkumlar sotta partlitish pilanini inkar qilmighan؛ ular peqet xitay soda bazirining aldidiki heykelni partlitishni pilanlighanliqini, bu arqiliq xitay hökümitige qarshiliq bildürmekchi ikenlikini, pilanda ademlerge ziyan - Zexmet yetküzüsh niyiti yoqluqini bayan qilghan.

Emma xewerlerde, eger mezkur pilan emelge ashqan bolsa, heykelning 80 métir etrapigha tesir körsitidighanliqi we éghir aqiwet keltürüp chiqirish mumkinchiliki bayan qilinmaqta.

Mezkur xewerde yene, bu ikki neper uyghurning bultur ürümchide 5 ‏- Iyul weqesi yüz bérip, köp sanda kishiler ölgen we tutqun qilinghandin kéyin, buninggha qarita naraziliqini ipadilesh üchün mezkur pilanni tüzgenlikini bildürgen. Dubeyde ötküzülgen tünügünki sotta, ikki neper terjiman hazir bolghan؛ bulardin biri, uyghurchidin xitaychigha؛ yene biri bolsa, xitaychidin erebchige terjime qilghan.

Xewerlerde bildürülüshiche, ereb birleshme xelipilikining qanuni boyiche, eslide, térrorluq jinayitige ölüm jazasi bérilidu؛ emma sot, weqe téxi pilan basquchida bolghanliqi, emeliy ziyan keltürmigenliki üchün, yenggil jaza bergen. Höküm ereb birleshme xelipilikining dölet bixeterlik soti teripidin bérilgechke, ularning mezkur hökümge qarshi erz qilish heqqi bolmighan.

Dunyaning her qaysi jaylirida uyghurlargha alaqidar türlük weqeler yüz bermekte؛ weqelerge her waqit xitayning qol tiqishi bilen, weqelerning rast - Yalghanliqi we weqening xaraktéri heqqide uyghurlar arisida guman peyda qilmaqta.

Istanbulda yashawatqan jamaet erbabliridin abdukérim ependi weqe heqqidiki perezlirini bayan qildi. Abdukérim ependi sözining axirida, bu xil weqeler üstidin uyghur teshkilatlirining öz imkani dairiside musteqil tekshürüsh élip bérishi we weqe üstidin musteqil, özige xas höküm chiqirishi kéreklikini bildürdi.


http://www.rfa.org/uyghur/xewerler/tepsili_xewer/dubeyde-2-uyghur-kesildi-07012010200100.html?encoding=latin