PDA

View Full Version : Miyonxindiki Jamilerde 5 – iyol Ürümqi qirghinchiliqi anglitildi



Qurultay uchuri
02-07-10, 10:12
Miyonxindiki Jamilerde 5 – iyol Ürümqi qirghinchiliqi anglitildi

DUQ merkizi orgini we Yawropa Sherqiy Türkistan Birliki teshkilatining teshebbusi we orunlashturushigha asasen bügün Germaniyening Miyonhin shehridiki 15 ke yeqin jamining Jüme xutbisida 5 – iyol Ürümqi qirghinchiliqi anglitildi, jamining imamliri jamaetni, DUQ we Yawropa Sherqiy Türkistan Birliki teripidin 7 – ayning 5 – küni Miyonhinda ötküzilidighan 5 – iyol Ürümqi qirghinchiliqining 1 – yilliqini xatirilesh birleshme namayishigha aktipliq bilen qatnishishqa dalalet qildi.

Bügünki jüme namizida, DUQ rehberliri Miyonhindiki bezi nuxtuluq chong jamilerge berip, Kommunist Xitay hakimiyitining Uyghur mosulmanlirigha seliwatqan zulum we besim siyasiti, shundaqla ötken yili yüzbergen 5 – iyol Ürümqi qirghinchiliqining meydangha kelish jeryani we unung arqa körünüshi heqqide Jüme namizigha kelgen Jamaetke melumat we chüshenche berip ötti, shunung bilen birge yene bügün Miyonhin shehridiki 15 ke yeqin jamida 5 – iyol Ürümqi qirghinchiliqining 1 – yilliqi munasiwiti bilen hazirlanghan resimlik teshwiqat waraqliri tarqitildi.
5 – iyol Ürümqi qirghinchiliqining 1 – yilliqi yeqinlishiwatqan künlerde, DUQ merkizi orgini we DUQ terkibidiki Yawropa Sherqiy Türkistan Birliki teshkilati Germaniyediki herqaysi Türk – islam teshkilatlirining mesulliri bilen köp qetim uchrushush we söhbet elip berip, ulardin, 5 – iyol Ürümqi qirghinchiliqining 1 – yilliqini xatirilesh paaliyetlirige masliship berishni we Uyghur milliy herikitini yeqindin qollap berishni telep qilghan idi, shundin buyan herqaysi Türk – islam teshkilatliri DUQ ning chaqiriqigha asasen Germaniyede, jümlidin Miyonhin shehride yashawatqan Türkler arisida Uyghurlarni qollash jehette jiddi seperwerlik elip barmaqta.

Bügünki Jüme namizi xutbisidimu 15 ke yeqin jamide mexsus 5 – iyol Ürümqi qirghinchiliqi we Sherqiy türkistan mesilisining tilgha elinishi, herqaysi Türk – islam teshkilatliri teripidin elip beriliwatqan yuqarqi seperwerlikning bir parchisidin ibaret.

DUQ teshwiqat merkizi