PDA

View Full Version : Altay Rayonidiki Qar Apitide 5000 din Artuq Adem Üshshük Yarisi Boldi



Unregistered
06-01-06, 14:50
Biliwal.com 5-yanwar xewiri. Uda yaghqan qattiq qar, töwen temperature Shinjangning shimalidiki Altay, Chöchek qatarliq rayonlarda qatnashni tossup qoydi, öyler örülüp chüshti, taghliq rayondiki charwichilar we charwilar qapsilip qaldi. 4-yanwar sehergiche üshshük yarisi bolghan adem 5672 kishige yeti, yolni qélin qar tossup qoyghanliqtin apettin qutquzush buyumlirini apet éghir bolghan rayon’gha yetküzüshke waqtinche amal bolmighan.


Shinjang Uyghur Aptonm Rayonluq Xelq Ishliri Nazariti apettin qutquzush bashqarmisining statistika qilishiche, Shinjangning jenubi, sherqidiki rayonlardimu qar apiti peyda bolghan, apetke uchrighan adem 220 minggha yetken.

Altay Wilayitining Köktoqay we Chinggil Nahiyiliride témpratura sélsiye nöldin töwen 43 giradusqa chüshken, qarning qélinliqi 40 cm din 120 cm ghiche yetken, dölet yoli 217, dölet yoli 216-liniyiliridin charwichiliq rayonlirigha baridighan yollarda qatnash tosilip qalghan.


Shinjang Uyghur Aptonom Rayonluq Xelq Ishliri Nazariti apettin qutquzush bashqarmisining tonushturushiche, bu yil 1-yanwardin 3-yanwarghiche, Altay, Chöchek, Ili, Bortala, Bayin’gholin, Aqsu, Qeshqer qatarliq rayonlarda yuqirisi otura halghiche oxshash bolmighan derijide qar yaghqan, taghliq rayonlarda qattiq qar yaghqan, 220 ming adem oxshash bolmighan derijide apetke uchrighan, 97ming adem köchürülgen; Qar apitide 9200 tuyaq charwa ölgen, 150 ming charwa qarda qapsilip qalghan.

Menbe: www.biliwal.com