PDA

View Full Version : 5 ‏- Iyul ürümchi qirghinchiliqining bir yilliqi munasiwéti bilen türkiyide élip béri



Unregistered
30-06-10, 09:24
5 ‏- Iyul ürümchi qirghinchiliqining bir yilliqi munasiwéti bilen türkiyide élip bérilidighan pa'aliyetler

‏2010 - Yili 5 ‏- ayning 18 ‏- küni türkiyide pa'aliyet qiliwatqan sherqiy türkistan ammiwiy teshkilat mes'ulliri, 5 ‏- iyul ürümchi qirghinchiliqining bir yilliqi munasiwéti bilen, ortaq bir gewde astida birlikte xizmet qilishni meqset qilip, bir yighin achti.
Bu yighin'gha , sherqiy türkistan medeniyet we hemkarliq jem'iyitining bashliqi siyit tümtürk, sherqiy türkistan ma'arip we hemkarliq jem'iyitining bashliqi hidayetullah oghuzxan we bash katip doktur alimjan, sherqiy türkistan wexpining wekili memet eysa artush we alimjan qarluq, sherqiy türkistan köchmenler jem'iyitining bashliqi yaqupjan we bash katip doktur fethi exmet, sherqiy türkistan yashlar teshkilatining pexriy re'isi arslan aliptékin we tibet yüjetürk, sherqiy türkistan hemkarliq jem'iyitining bashliqi isma'il chin'giz qatarliq mes'ullar qatnashti.

Yighinda pütkül teshkilat mes'ullirining qubul qilishi bilen sherqiy türkistan munbiri nam astida birlikte xizmet qilish testiqlandi.
Yighinda yene, ötken yili ürümchide yüz bergen 5 ‏- iyul ürümchi weqesi munasiwiti bilen 7 ‏- ayda türkiyide élip bérilmaqchi bolghan xizmet we pa'aliyetler muzakire qilindi.

Yighinda yene , sherqiy türkistan munbiri xizmet komitéti quruldi. Bu komitétqa sherqiy türkistan wexpidin hapiz osman, sherqiy türkistan ma'arip we hemkarliq jem'iyitidin musajan, sherqiy türkistan köchmenler jem'iyitidin serkan, sherqiy türkistan yashlar teshkilatidin tibet yüjetürk , orxan bozkurt we ufuk qatarliq shexsler eza bolup teyinlendi.
Sherqiy türkistan munbiri qandaq xizmet qiliwatidu dep so'algha jawab shuki, bu birleshme 5 ‏- iyul ürümchi qirghinchiliqining bir yilliqi munasiwéti bilen, 7 ‏- ayning 1 ‏- küni eresin méhmanxanisida muxbirlargha axbarat élan qilish yighini ötküzülidu. Yene 7 ‏- ayning 1 ‏- künidin 7 ‏- künigiche istanbulning émin'ünü, bakirköy we taksim meydani we zeytinburnuda 5 ‏- iyul ürümchi qirghinchiliqini körsetken resim körgezmisi ötküzülidu. 7 ‏- Ayning 4 ‏- küni sa'et 13 te taksim meydanida namayish qilish , 7 ‏- ayning 5 ‏- küni xitayning istanbuldiki konsulxanisi aldida we enqerediki xitay elchixanisi aldida namayish qilish uyushturuldi.
Sherqiy türkistan munbirining xizmet komtéti bu pa'aliyetlerni emeliyleshturush üchün xizmet bashlighan bolup, 7 ‏- ayning 1 ‏- künidiki axbarat élan qilish yighinigha muxbirlar millet wekilliri we muhim shexsler yurt aqsaqalliri dewet qilindi.

Resim körgezmisi üchün ürümchi qirghinchiliqini ipadiligen 100 parche resim tallinip qoyulidu.

Resim körgezmisi achqan yerge 3 mtirda 1 mitirliq lewhe éslidu, u lewhege 5 ‏- iyul ürümchi qirghinchiliqini ghezep bilen tenqid qilimiz, sherqiy türkistan munbiri dégen xetler yézildi, lewhening ikki teripige türk we sherqiy türkistan bayriqi qoyuldu.
5 ‏- Iyul ürümchi weqesige alaqidar teshwiqat wariqi 10000 tal tarqitilidu.
Namayishchilarning qollirida 4000 tal sherqiy türkistan bayriqi, 1000 tal türk bayriqi bolidu.
Bu pa'aliyetlerni bildürüsh üchün 5000 tal uqturush tarqitilidu.
4000 Tal qeghez bayraq tarqitilidu.
5000 Tal ürümchi qirghinchiliqini körsetken resim
Namayishta qolida élip mangidighan bayraq we resimlik shu'ar, ürümchi qirghinchiliqidin körünüshler bolghan resimler we resimlerning astigha sherqiy türkistanda qirghinchiliq boliwatidu, xitay sherqiy türkistandin chiqip ketsun! sherqiy türkistan'gha erkinlik dégen'ge oxshash 10 din artuq shu'ar yézilidu.

Hörmet bilen
Sherqiy türkistan munbiri ijrakomtéti ezasi Musajan
alaqilish :
: 0090 212 523 28 77
0090 537 650 46 76
E-mail: shturkistanmunbiri@gmail.com

Unregistered
02-07-10, 00:28
Istanbulda ürümchi weqesining bir yilliqi munasiwiti bilen axbarat élan qilish yighini ötküzüldi
Muxbirimiz arislan
2010-07-01

2010 ‏- Yili 7 ‏- Ayning 1 ‏- Küni sherqiy türkistan munbirining uyushturushi bilen istanbuldiki eresin méhmanxanisida 5 ‏- Iyul ürümchi weqesining bir yilliqi munasiwiti bilen axbarat élan qilish yighini ötküzüldi.

Yighingha türkiyide paaliyet qiliwatqan we sherqiy türkistan munbirige eza bolghan ammiwi teshkilatlardin sherqiy türkistan wexpi, sherqiy türkistan maarip we hemkarliq jemiyiti, sherqiy türkistan köchmenler jemiyiti, sherqiy türkistan medeniyet we hemkarliq jemiyiti, sherqiy türkistan yashlar teshkilati, sherqiy türkistan hemkarliq jemiyiti, yawroasiya tetqiqat we ijtimaiy xizmetler wexpi qatarliq ammiwi teshkilatlarning mesul we ezaliri qatnashti. Yighingha yene köpligen axbaratchilar teklip qilindi.

Yighingha sherqiy türkistan munbiri teshkilatining mesulliridin hamut köktürk riyasetchilik qildi, yighinda ismail chingiz échilish nutqi sözlidi we sherqiy türkistan munbiri heqqide doklat berdi. Yighinda dunya uyghur qurultiyining muawin reisi siyit tümtürk, sherqiy türkistan munbirige wakaliten 5 ‏- Iyul ürümchi weqesige alaqidar söz qildi.

Yighingha adalet we tereqqiyat partiyisi, milletchi heriket partiyisi, jumhuriyet xelq partiyisi, türkiye partiyisi qatarliq siyasiy partiye wekilliri we insaniy yardem wexpi, mezlumlar jemiyiti, dunya türkliri irqdash xelqler xizmet jemiyiti qatarliq ammiwi teshkilat mesulliri qatnashti.

http://www.rfa.org/uyghur/xewerler/tepsili_xewer/5-iyul-weqesi-yilliq-xatirisi-istanbul-07012010200131.html/story_main?encoding=latin

Unregistered
02-07-10, 07:05
Istanbulda ürümchi weqesining bir yilliqi munasiwiti bilen axbarat élan qilish yighini ötküzüldi