PDA

View Full Version : Amistérdamda uyghurlargha yardem bérish kulubi 2‏ - Qétimliq yéghin uyushturdi



Unregistered
17-06-10, 16:58
6 - Ayning 14 - Küni san - Sanaqsiz kishiler gollandiye putbol komandisining xelqaraliq musabiqisidin keyip sürüwatqanda, gollandiye parlamént ezasi xarri fan bommil ependi bashchiliqida qurulghan uyghurlargha yardem bérish kulubi jiddiy yéghin achti.


RFA Photo / Pidaiy

Sürette, gollandiye parlamént ezasi xarri fan bommil ependi(otturida) bashchiliqida qurulghan uyghurlargha yardem bérish kulubi ezaliri.

Yighinda 5 - Iyul küni ötküzülidighan naraziliq namayish paaliyitining konkrét pilan - Layiheliri maqullinip, munasiwetlik xadimlargha xizmet teqsim qilindi. Hemme birdek ittipaqliship bu qétimqi paaliyette uyghurlarning awazini yuqiri pellige kötürüshke wede berdi.

Yumilaq üstelge yighilghan her qaysi sahening aktipliri bes-Beste pikir bayan qilip, uyghurlarning duch kiliwatqan mesililirige yéqindin yardemde bolalaydighan her sahe ehliliri bilen munasiwet ornitish, iqtidarliq shexslerni teklip qilip hemkarlishish heqqide meslihetleshti.

Yéghingha kulub ezaliridin 20 din artuq adem qatnashti. Yéghin shu yer waqti 7 de bashlinip bir yérim saettin artuq dawam qilip, kéler qétimliq uchrishish waqtini békitkendin kéyin axirlashti.

'Uyghurlargha yardem bérish kulubi'' gollandiyidiki e s p sotsiyal partiyisining asasliq rolchiliridin bolghan xarri fan bommil ependining teshkillishi bilen bu yil 4 - Ayning19 - Küni amistérdam sheherlik hökümet binasining yéghin zalida qurulghan idi.



http://www.rfa.org/uyghur/xewerler/tepsili_xewer/gollandiye-uyghur-support-06152010214251.html?encoding=latin