PDA

View Full Version : DUQ teptish heyitining chaqiriqi



Qurultay teshwiqati
15-06-10, 09:50
DUQ teptish heyiti, herqaysi teshkilatlarni qanun – nizam we teshkili pirinsiplargha qattiq emel qilishqa chaqirdi

Rabiye Qadir xanim rehberlikidiki Uyghur milliy herikiti < 5 – iyol Ürümqi qirghinchiliqi > ning 1 – yilliqini pütün dunya miqyasida daghdughuluq halda xatirileshke hazirliniwatqan bir peytte, DUQ teptish heyiti 7 maddidin terkip tapqan xizmet qararini tüzüp chiqip, DUQ rehberlirini, DUQ terkibidiki herqaysi teshkilatlarni, pütün Uyghur siyasi paaliyetchilerni we chetellerde yashawatqan qerindashlirimizni xelqaraliq qanun – pirinsiplargha, özliri turushluq döwletlerning qanunlirigha we DUQ ning teshkili tüzümlirige qattiq emel qilishqa, bu arqiliq, < 5 – iyol Ürümqi qirghinchiliqi > ning 1 – yilliqini xatirilesh paaliyetlirini tenichliq shekli bilen muwapiqiyetlik halda tamamlashqa chaqirdi.

DUQ ning bash teptishi Nurmemet Musabay we muawin bash teptish Nurmemet Rozahunlarning imzasi bilen DUQ rehberlirige we herqaysi teshkilat mesullirigha yollanghan 7 maddiliq xizmet qararining bash qismida mundaq diyilgen :

< Nöwette chetellerde elip beriliwatqan Uyghur milliy herikiti intayin jiddi sinaqqa duch kelmekte, bolupmu 5 – iyol Ürümqi qirghinchiliqidin buyan dunya jamaetchilikining diqqet – etibari Uyghur milliy herikitige we milliy herikitimizge biwaste rehberlik qiliwatqan Qurultiyimizgha merkezleshti, demokratik eller we xelqaraliq teshkilatlar Qurultiyimizning paaliyetlirini we basqan her bir qedimini yeqindin küzitip kelmekte.

Xitay hakimiyitiningmu Qurultiyimizgha we reyisimiz Rabiye Qadir xanimgha qaratqan ichki – tashqi hujumliri we siyasi töhmetliri eng yuquri pellige chiqti, Xitay hakimiyiti Qurultiyimizning we Qurultay rehberlirining xelqaradiki obrazini xunükleshtürüsh, Qurultiyimizning ichki qismida bölünüsh we ittipaqsizliq peyda qilish, Qurultiyimiz bilen weten ichi we sirtidiki xelqimizning arisini echish, xelqimizning qurultiyimizgha bolghan qollushi we ishenchisini ajizlashturush üchün jiddi heriket qilip kelmekte.

Bundaq halqiliq bir peytte Qurultiyimiz yüksek derijidiki siyasi sezgürlükke, birlik we ittipaqliqqa, küchlük teshkili asasqa, intizamchanliqqa ige bolushi, Qurultiyimiz terkibidiki herqaysi organlar we Qurultay qarmighidiki herqaysi teshkilatlirimiz Qurultiyimizning nizamnamisigha we nizamnamisada körsütülgen xelqaraliq barliq qanun – pirinsiplerge jiddi emel qilip, milliy herikitimizning saghlam tereqqi qilishigha we Qurultiyimizning teshkili jehettin yenimu muntizimlishishigha kapaletlik qilishi lazim >

DUQ teptish heyiti xizmet qararining 2 – maddisida, xelqaraliq qanun – pirinsiplargha we teshkili tüzümlerge qattiq emel qilish tekitlengen bolup, bu heqte toxtulup mundaq diyilgen :

<Qurultiyimiz bolsa xelqaraliq qanun – pirinsiplar asasida qurulghan Uyghur xelqining nopozluq bir xelqaraliq orgini bolup, Qurultay rehberliri, Qurultayning herqaysi organliri, Qurultay wekilliri we Qurultiyimiz terkibidiki teshkilatlirimiz Qurultiyimizning nizamnamisida körsütülgen xelqaraliq qayide – pirinsiplargha, özlirimiz turiwatqan döwletlerning qanunlirigha yüksek derijide emel qilishimiz lazim.
Qurultayning nizamnamisigha xilap halda heriket qilghuchilarni, Qurultay teripidin bir tutash bekitilgen xizmet pirinsiplirigha emel qilmighuchilarni, xelqaraliq qanun – pirinsiplargha we özliri turiwatqan döwletlerning qanunlirigha xilapliq qilip, bashlilarni zorawanliq we radikal heriketler bilen shughullunushqa qutiratquchilarni del waqtida eniqlap chiqishimiz we tegishlik tedbirni qollunushimiz lazim >.

DUQ teptish heyitining xizmet qararining 7 – maddisida, namayishlar jeryanida diqqet qilishqa tegishlik nuxtilar alahide tekitlengen bolup, bu heqte mundaq diyilgen :

< hazirgha qeder Qurultay teripidin elan qilinghan axbarat we bayanatlar, doklatlar, shundaqla Qurultay teripidin uyushturulghan namayishlarda qollunidighan resim, shoar we lozunkilar Qurultay reyisliki we bash katipliqi teripidin bir tutash elip berilmaqta, shunga, Qurultay terkibidiki organ we teshkilatlar bu pirinsipqa qattiq emel qilishi, xelqarada milliy herikitimizning obrazigha ziyan yetidighan shoarlarni towlashtin, buxil lozunka we resimlerni kötürüp chiqishtin, namayish meydanlirida qurultayning yetekchi idiyesige xilap bayanatlarni berishtin qattiq saqlinishimiz, bu jehette mesile körülgen haman derhal tosushimiz, bununggha bashlamchiliq qilghuchilarni eniqlap chiqip derhal Qurultay rehberlik orginigha yollap berishimiz lazim >.

DUQ bash teptishi Nurmemet Musabay ependim, herqaysi ellerde paaliyet elip beriwatqan Uyghur teshkilatlirini, Uyghur siyasi paaliyetchilirini we Sherqiy türkistanliq qerindashlarni, DUQ teptish heyitining yuqarqi chaqiriqigha hörmet qilghan asasta, soghuqqan, temkin we salmaq bolup, 5 – iyol ürümqi qirghinchiliqining 1 – yilliqini xatirilesh paaliyetlirini muwapiqiyetlik halda ötküzüshke chaqirdi.

DUQ teshwiqat merkizi