PDA

View Full Version : Norwégiyide 5 – iyul namayishi uxturushi



Unregistered
10-06-10, 17:54
Sherqiy türkistanning yéqinqi zaman tarixidiki eng chong qanliq qirghinchiliqlarning biri bolghan we chet’ellerde zor siyasiy tesir qozghighan 5 – iyul ürümchi qirghinchiliqining 1 – yilliqi yéqinlishish aldida turmaqta.

Ürümchi qirghinchiliqining 1 – yilliqini pütün dunya miqyasida daghdughiliq we keng kölemde xatirilesh we bu arqiliq kommunist xitay hakimiyitining uyghur xelqi üstidin yürgüzgen irqiy qirghinchiliqini, bésim we zulum siyasitini, shundaqla milliy mewjutluqi tarixtin buyan körülüp baqmighan derijide jiddiy yoqilish tehditige duch kéliwatqan xelqimizning yürek sadasini norwégiye xelqige , shu arqiliq dunya jama’etchilikige téximu ünümlük we janliq shekilde anglitish bolsa norwégiye uyghur komitétining 2010 – yilidiki eng asasliq wezipisi we küntertipidin ibaret.

Duq ning 5- iyul ürümchi qirghinchiliqining 1- yilliqini xatirilesh toghrisida chiqarghan bir tutash qararigha asasen, norwégiye uyghur komitéti 6- ayning 5- küni norwégiye uyghur komitéti hey’et ezaliri téléfon yighini chaqirip, 5- iyul küni osloda keng kölemlik birleshme namayish ötküzüsh toghrisida qarar maqullidi. Bu qarargha asasen, bu yil 7- ayning 5- küni ( düshenbe ) oslo shehiride keng kölemlik birleshme namayish ötküzülidu, namayish kocha aylinish sheklide élip bérilip, eng axirida xitay elchixanisighiche dawamlishidu, hazirqi deslepki pilan boyiche bu namayishqa norwégiyeliklerdin bashqa yene köp sandiki norwégiyidiki türk qérindashlar, ezerbeyjanliq qérindashlar we bashqa musulman qérindashlarmu qatnishidu, mushundaq bolghan iken, norwégiyidiki barliq uyghur qérindashlirimiz shübhisizki bu kündiki namayishqa toluq we aktipliq bilen qatnishidu elwette, shundaq bolsimu norwégiye uyghur komitéti norwégiyide yashawatqan, özini uyghur dep hésablaydighan her bir uyghur qérindashlarning bu namayishqa nahayiti aktipliq bilen qatnishishini keskinlik bilen muraji’et qilidu, meyli xizmettikiler bolsun, meyli oqushtikiler bolsun, barliq qérindashlarning hazirdin bashlap 7-ayning 5- küni üchün öz orunliridin ruxset élip qoyushini alahide semige salidu.
Namayish 7- ayning 5- küni düshenbe sa’et 12:00 de oslo merkizi poyiz istansisi aldidiki meydan(yolwas heykili bar meydan)din bashlinidu.
Qéni qérindashlar, hazirdin bashlap shu kündiki namayishqa teyyarliq qilayli!

Hörmet bilen

Norwégiye uyghur komitéti

2010-yil 6-ayning 6-küni

Unregistered
15-06-10, 18:07
norwegiyediki putun uyghurlar qokum namayixqa qikayli!

weten
21-06-10, 11:03
Qurban bolghan shéhitlirimizning bir yilliq xatire künide wijdani mejburiyitimizni namayish bilen bolsimu ipadilep weten milletke bolghan qerzimizni ada qilayli qérindashlar.............
Yene onming lighan qérindashlirimiz türmilerde qiyniliwatidu ,baliliridin ayrilghan anilarning,erliridin ayrilghan ayallarning,weten ichide yüriki siqiliwatqan millitimizning téxi yéshi qurughini yoq .Tutush olturush hélimu hem dawamlishiwatidu ,uyghurimizning tili késilip közi oyuluwatidu, imani mejburi yoqitiliwatidu ,allagha ang yéqin sap, pakiz bolghan meschitlirimizdin qoghliniwatidu.......
Söyümlük qérindashlar milletning béshigha kelgen künni untup qalmayli ! bir künlük xizmet ,turmushni dep wijdanimizni xarab qilmayli ! milletning yüzi yoruq bolsa bizning yüzimiz yoruq bolidu .7-ayning 5- küni heryerdiki qérindashlar özimiz turuwatqan yerde namayishqa qatniship xarliniwatqan millitimizning awazini dunyagha anglitayli .....

Unregistered
24-06-10, 03:49
anglisak stavanger bergenlerdiki lerdin namayishka kelidiganlar yokenmix, ular bizge bir kunluk ix muhim, pul tapmisak bolmaydu dep yurgidek. eqindim ulardin. xehidlirimizning yili bola bolmayla hitaydin kortimu hemmini untuptu johudlar!!!