PDA

View Full Version : Azatliq sehipisining ishqa kirishkenliki toghrisidiki xush xewer



Unregistered
03-06-10, 14:29
Azatliq sehipisining köpchülükke sunidighan iltimasi

Sehipimizning Deslepki nusxisida adem kuchi kemchin, tejirbe yétersizliki tüpeyli erkin munazirige orun bérilmigen bolup, pikir qatnashturghuchilarning, inkas qayturghuchilarning keypiyatigha dégendek maslishalmighan iduq. Shuningdek nurghun tereplerde békinme haletni saxlap kelgen hem ichki niza kélip chiqishigha sewepchi bolup qalmasliqni birinchi orungha qoyup intayin éhtiyat bilen mu'amile qilghan iduq. Shundaq bolushigha qarimay sehipimiz 2009 . yili noyabirdin étibaren namelum (emma düshmen ) küchler teripidin taqitiwétildi. Bu hal bizni éghir qayghugha sélish bilen bir waqitta sehipimizge yiraq - yéqindin köngül bérip kéliwatqan köpligen pikirdash we aq niyetlik kishilerning déqqitini qozghap, bizge bolghan étibarini ashurdi we yardemchi küchler sépimizge özlükliridin qétilip, awalqigha qarighanda adem kuchi bir qeder yéterlik, téxnika we mulazimet jehettin bir qeder mukemmel bolghan « azatliq sehipisi » ni berpa qilishqa qedem qoyduq.
Hazirghiche toplighan tejirbilirimizni ayrim tutqanda sehipimizni qurup chiqish tunji qedemdin bashlinishqa toghra keldi. Üch ayliq qayta qurush musapisidin kéyin « azatliq sehipisi » ning ikkinchi nusxisi ko'öpchülükke teqdim qilindi.
Sehipimizning nöwettiki nusxisida, élan qilinghan témilargha inkas qilish, pikir qatnashturush imkaniyti kapaletlendürülüsh bilen birge munazire bétige eser, pikir we inkas yollash köpchülükke échiwétildi.
Shu munasiwet bilen tekitlimekchi bolghinimiz töwendikiche:

1 . Telep qilinidighan eserler :

1 . ) Xelqimizning milli héssiyatini küchlendürüp , milli iradisini saghlam yétekleydighan, dost bilen düshmenni perqlendürüp, dostqa hemkarliq, düshmenge nepret tuyghusini östürüdighan.
2 . ) Xelqimizning siyasi éngini östürüp, milli heriket tertiwide toghra bilen xatani perqlendüreleydighan, ichki muxalipet bilen tashqi düshmenni perqlendürüp poztisye tutushqa yétekliyeleydighan we xelqara siyasettiki déplumatik qa'idilerning rolini toghra chüshünüsh qabilyitini östüridighan, shundaqla düshmen bilen bolidighan herqandaq munasiwetlerde déplumatiyedin awal milliy menpe'et we milli siyaset pirinsiplirini nizam qilishni ögitidighan.
3 . ) Xelqimiz ichide teshkilchanliqni östürüp, weten musteqilliq herikitining arqa sep kapalitini tikleshke asas salidighan.
4 . ) Xelqimizning muqeddes islam eqidisini hörmetlep, dini itiqadini yükseltishige, dini chüshenchisini östürüp dinlar ara toqunushmasliq köz- qarishini yétildüridighan.
5 . ) Xelqimizge « insanliq birinchi » köz - qarishidin awal « milli menpe'etchilik hemmidin ewzel » köz - qarishini yétildüridighan, « kishilik menpe'et hemmidin muhim » tuyghusidin waz kéchip, « milli menpe'et hemmidin ela » chüshenchisini eqyidileshtüridighan.
6 . ) Xelqimizning milliy exlaq éngini, kishilik exlaq tuyghusini, uyghurluqtin ghururlunush, uyghur bolghanliqidin pexirlinish eqidisini östüridighan, özliri yashawatqan ellerde « söyümlük, exlaqliq, emgekchan uyghur» namliq sherepke na'il bolush maharitini ögitidighan.
7 . ) Shexsler arisida inaqliqni, teshkilatlar arisida hemkarliqni küchlendüridighan...._ qatarliq alahidilikke ige eserler alqishlinidu.

2. Cheklinidighan yazmilar:


1 . ) Xelqimizning milli menpe'et tuyghusini yoqutidighan, milli héssiyatigha zerbe béridighan, milli iradisini ajizlashturidighan, milli we kishilik exlaqni bulghaydighan, ümüd - ishenchni suslashturidighan.
2 . ) Xelqimizning islami eqidisini kemsitidighan, yat din terghip qilinidighan, dinlar ara ziddiyet uruqini chachidighan, din bilen milletni ayrish meqset qilinghan.
3 . ) Öz- ara xusumetni obyékt qilghan, til - haqaret, töhmet, tilgha alghusiz buzuq sözlerni öz ichige alghan, kishilik ghururini depsende qilidighan, izzet - abroyini tökidighan.
4 . ) Ijabiy mezmun, menalardin xali, kishilerning waqtini, sehipimizning hejmini israp qilidighan bémena yazmilar_ cheklinidu we öchürüwétilidu. Qesten dawamlashturghanlarning sehipige kirishi cheklinidu!

Tor betimizning aderisi: http://www.azatliq.net/

Hörmet bilen : azatliq sehipisi bashqurush heyéti

Unregistered
03-06-10, 16:06
Berikalla Azatliq hadimliri. Aldimizda chong ishlarning biri Urumqi weqesige 1 yilliq munasiwiti bilen helqimizni oyghutup chong namayish uyushturghaysile, merhemet!

Unregistered
09-06-10, 00:48
Berikalla Azatliq hadimliri. Aldimizda chong ishlarning biri Urumqi weqesige 1 yilliq munasiwiti bilen helqimizni oyghutup chong namayish uyushturghaysile, merhemet!

urumqi weqesi emes eksiche 5-iyul ürümchi qanliq qirghinchilighi

Unregistered
12-06-10, 13:37
Berikalla Azatliq hadimliri. Aldimizda chong ishlarning biri Urumqi weqesige 1 yilliq munasiwiti bilen helqimizni oyghutup chong namayish uyushturghaysile, merhemet!

Azatliq hadimliri emes.....

Unregistered
12-06-10, 14:46
qirghinchiliq emes qirghinliq.u qerini dorimanglar.