PDA

View Full Version : Uyghurlardin chiqqan tunji tebii pen alimi Abbas Burhan ependi wapat boldi



Unregistered
24-05-10, 17:07
276
2010 – Yili 5- Ayning 22-Kuni Urumqi Waqti kech Saet 5-te bir omur qan-terini, mehir-muhebbitini we soygu-ixlasini oz xelqining yuksilishige beghishlighan bir ateshlik yurek Urumqide soqushtin toxtidi.

Bu zat – Uyghurlardin chiqqan tunji tebii pen Alimi, penni omumlashturush yazghuchisi, ali muherrir, kozge korun’gen jama’et Erbabi, Rishat Abbas, Rushan Abbas we wetendiki ikki qerindishining qedirdan dadisi – Abbas Burhan ependi idi.

Bu shum xewerning tarqilishi bilen bu zatning ikki qit’e we oxshimighan sheherlerde yashawatqan perzentliri we uruq-tuqqanlirining judaliq koz yashliri tokuldi, xelqi musibetke chomdi.

Ozining qedirdan perzentlirini ulughlaydighan we soyidighan bu xelq -Uyghurlarning oqu-aqartish, pen-texnika saheside yituk tohpilerni qoshqan bu hormetlik zatning wapatigha - her xil shekiller arqiliq teziye bildurushti, chunki u oz hayatida ozining guzel insani xisliti we mol hosulluq ilmi ijadiyiti hemde yiraqni korerlikke ige rehberlik sen’iti arqiliq xelqining chongqur hormitige irishken, we ozi bilidighan bilmeydighan, yiraq we yiqindiki nurghun uyghurlarning hayatigha ijabi tesir korsetken.

Abbas Burhan Ependi 1932-yili 10-ayda Uyghurlar teripidin meripet boshugi dep atalghan Atush shexrining UstunAtush yezisi Ekisaq kentide tughulghan bolup, osmurluk chaghliridin bashlapla –ilim-pen’ge kuchluk Ishtiyaq baghlighan. U shey’ilerni bilishke, dunyani chushunushke hirismen bolup, shu jeryanda ilim-meripetning bir shexsning ronaq tepishida, we bir milletning koturulushide ajayip zor rol oynaydighanlighini chushunup yetken. U ashundaq bir xil kuchluk mesuliyet tuyghusi we qet’i iradisi bilen ozining 80 yilgha yiqin kishilik hayat musapiside Uyghur Yash- Osmurliri Ornek qilghudek izdinish rohi we, isil xarakter-pezilitini hemde yene putkul Uyghur Jama’iti ewlattin-ewlatqa xatirligudek nurghun meniwi miraslarni qaldurup ketti. Uning yazghan türlük penni omumlashturush maqalilirining ozila 300 parchidin, yazghan Uyghurche kitablirining ozila 10 parchidin artuq bolup, terjime qilghan we tehrirligen kitap we maqalilirimu 400 parchige yiqindur.

Abbas Burhan ependi yene Uyghur hazirqi zaman pen-texnika jemiyitini qurup chiqquchi bolup uning oz teshebbusi we keskin qol silip ishlishi bilen Uyghurlarning pen-texnika hayatida belgilik rol oynawatqan «Bilim---Küch» we «Pen We Turmush» zhurnili, we «Pen-Téxnika Neshriyati» barliqqa kelgen.

Hormetlik Rishat Abbas Ependi, Roshen Abbas Xanim – Siler bir mihriwan atidin ayrildinglar, Uyghurlar ozining bir soylumluk Oghlidin ayrildi.

shu tapta siler chokken musibet qaynimining neqeder chonggur ikenligini olchep bolghili bolmaydu, qelbinglar chekken qayghu hesretning neqeder azapliq ikenligini til bilen teswirlep bolghili bolmaydu.
Siler tartiwatqan azap – Bizningmu Azapimiz, Siler Chokken musibet bizningmu musibetmizdur.

Sebr qilinglar. Yaratquchi janabi igemning – nurghunlighan ademlerge soygu we insanliq mihir bireligen Merhumge jennet ata qilghay, amin!


277