PDA

View Full Version : Bahane — sewebchilik rawajimizgha küshende



Unregistered
22-05-10, 09:39
Bahane — sewebchilik rawajimizgha küshende

Abdushükür abdukërim

http://uyghur.co.uk/hikmet/hikmet.html

yëqinda bölümimizge kelgen bir piraktikantni melum bir nazarettin matëriyal ëlip këlishke buyrup, Uninggha körüshidighan adimining ishxanisi, Nam – emili, Tëlëfon nomuri qatarliqlarni tepsiliy chüshendürüp yolgha salghanidim. aridin yërim saet ötkende u manga tëlëfon bërip ‹‹u ademning ishxanisi ochuq, Özi yoq, Qandaq qilimen?›› dep soridi. uning gëpini anglap, Ne külüshümni, Ne achchiqlinishni bilelmey qaldim.
bu bahane – seweb körsitishke ait kichikkine misal. etrapimizgha, Özimizge soghuq qan nezer sëlip baqsaq, Bahane – seweb körsitishning ajayip ‹‹örnek››lirini qiynalmayla tapalaymiz. mesilen: iqtidarimizning qanchilikliki we qanchilik ish qilalaydighanliqimiz könglimizge ayan turuqluq, Yene etigendin – kechkiche xiz mettin, Shert – sharaittin, Rehberlerdin, Xizmetdashlardin, Maash – mukapatimizning töwenlikidin aghrinip, Waysap – qaqshapla yürüydighanlirimiz arimizda az emes. biraq, He dësila, Bahane – seweb körsitip teshkil tapshurghan ishni arqigha söriginimiz, Qilghan teqdirdimu eplep – seplep ötküzginimiz bilen hësablashmaymiz. bir ish qolimizgha tegken haman uni qilishning amali üstide emes, Belki qilmasliqning bahane – sewebliri üstide bekrek kalla qaturimiz. birer muhim wezipe yüklen'gende, Birimizning ‹‹mijezi yoq›› bolup qalsa, Yene birimizning ‹‹balisi aghrip›› qalidu, Birimizning öyige ‹‹mëhman›› këlip qalsa, Yene birimizning barmisa bolmaydighan muhim ‹‹mëhmandarchiliqi›› chiqip qalidu. xuddi tëlëwiziye ëlanidiki ‹‹albeni yëyishning bahanisi köp››tek, Bizde halqiliq peytte mesuliyettin özimizni qachurup ish qilmasliqning bahanisi barghansëri köpiyip këtiwatidu. mushundaq ayighi chiqmas, Pütmes – tügimes bahane – seweblirimiz az kelgendek, Teshkildin, Rehberlerdin, Etrapimizdikilerdin, Ishqilip hemmidin aghrinishlirimiz ‹‹yuqiri pelle››ge chiqiwatidu. bilishimiz kërekki, Kerislerning maqalide ëytilghinidek ‹‹sen körsetküch barmiqingni chiqirip birawni eyibliseng, Qalghan töt barmiqing özüngni eyibleydu››. bahane – seweb körsitish we bashqilardin orunsiz aghrinish peqet ajizliqning we sapasizliqning alamiti, Xalas!
amërikidiki 200 yildin köprek tarixqa ige wëst poënt herbiy mektepning bashqurush pirinsipi ‹‹bahane – seweb körsetmeng›› dëgen bir jümle sözge yighinchaqlan'ghan bolup, Bu mektep 200 yil mabeynide mushu pirinsipta ching turup, Bügün'ge kelgende amërika xelqi pexirlinidighan mektepke aylan'ghan. bu mektep hazirghiche ëzinxauër qatarliq amërika zungtungidin üchni, Dangliq gënëraldin 3700 din köprekni, ‹‹kuka kula›› qatarliq dunyadiki 500 küchlük karxanida lidir, Bash dirëktor we kespiy dirëktor (CEO) dek 8000 din köprek dangliq karxanichini yëtishtürgen. tunji qëtim ay sharigha ayagh basqan üch alem uchquchisining ikkisi del mushu mektepte oqughan. dëmek, ‹‹bahane – seweb körsetmeng›› dëgen bu bir jümle söz 200 yildin buyan bu mektepni mana mushundaq möjize xaraktërlik netijilerning sahibigha aylandurghan.
amërikiliq dangliq jemiyetshunas fërrar kef ependi bu mektepning muweppeqiyetlirini yekünlesh asasida yazghan ‹‹bahane – seweb körsetmeng›› namliq kitabida: ‹‹bahane – seweb körsitish ajizliq, Iqtidarsizliq we yaramsizliqning eng tipik alamiti, Öz – özini inkar qilishning we özige ishenmeslikning belgisi›› dep yazghan. bahane – seweb körsetküchilerning axirqi meqsiti ish qilmasliq, Ishni aqsitish we mesuliyettin özini qachurush bolghachqa, Bundaq kishiler asanla teshkilning, Rehberlikning, Dost – buraderlirining, Kesipdashlirining we shëriklirining nezeridin chüshüp qalidu. bahane – seweb izdigüchilerde yëngiliq yaritish rohi we mesuliyet tuyghusi bolmaydu. chünki ular her qëtim özi qanaet hasil qilghudek birer bahane – seweb izdep tapqanda rohiy jehettin qanaet hasil qilish we teselli tëpish tuyghusida bolidu. bundaq pis'hik halet ularning ipadisini tedrijiy boshashturup, Tirishmaydighan, Algha intilmeydighan, Tepekkur qilmaydighan we özige ishenmeydighan qilip qoyidu. shuni alahide eskertish zörürki, Birer ishni qilghanda xataliq körülüshi anche qorqunchluqi emes, Qorqunchluqi ish qilmasliq, Tepekkur qilmasliq, Özige ishenmeslik we algha intilmeslik. shübhisizki, Bundaq rohiy halet yoruq menzilimizni xireleshtürüp, Mustehkem iradimizni boshashturup, Bizni meghlubiyetke bashlap baridu.
‹‹junggodiki 1 – kespiy dirëktor››, ‹‹junggodiki ishlemchiler padishahi›› dëgen namlarning sahibi, Ëlimizning iqtisad sahesidiki dangdar erbab, Mikrosoft (junggo) shirkitining ömürlük bash mudiri tang jün ependi mundaq dëgen: ‹‹bir ademning kespiy jehette muweppeqiyet qazinishida eng halqiliq rol oynaydighini uning qandaq mesililerni otturigha qoyghanliqi emes, Belki mesile we qiyinchiliqlarni qandaq hel qilghanliqi››. uning sözige asasen tehlil qilsaq, Bahane – seweb körsetküchiler del mesile we qiyinchiliqlarni hel qilghuchilar emes, Belki uningdin özini qachurghuchilar bolup, Ularning menzilgahi muweppeqiyet bolmastin, Belki meghlubiyettur.
xulase shuki, Bahane – seweb izdimey chare – tedbir izdesh hemmeylen emel qilishqa tëgishlik hayatliq pirinsipi. shundaq, U bizni güzel iqbalgha bashlighuchi rohiy küch. bizde ‹‹tedbiring qandaq bolsa, Teqdiring shundaq bolur›› deydighan hëkmet bar. shunga hayatliq sepirimizde tëximu köp dawanlardin ëship, Tëximu ëgiz choqqilargha chiqish üchün, Bahane – seweb körsetmey, Chare – tedbir izdeyli. semimizde bolsunki, Bir ishni qilishta estayidil bolsaqla, Uning ming xil charisi tëpilidu, Oxshashla bir ishni qilmaymen dësek, Uning yene ming xil bahanisi bar. hemmeylenning teqdiri özimizning qolida, Hayat musapimizdin öchmes izlarni qaldurushni xalisaq, Bahane – sewebni az izdep, Kökrek kërip algha mangayli

2010– yil4– ayning23– küni Uyghur Gëziti

we bashqa nurghun yengi yazmilar uchun
http://uyghur.co.uk/news.html kilersiz !