PDA

View Full Version : Eniq bolmighan shum xewer



Unregistered
09-05-10, 09:33
Sherqiy türkistan islam herikitining rehbiri abdulheq öltürülgen
Muxbirimiz erkin
2010-05-07
Pakistan ichki ishlar ministiri raxman malik jüme küni béyjingda bayanat élan qilip, sherqiy türkistan islam partiyisining rehbiri abdulheqning öltürülgenlikini élan qildi.


Raxman malik jüme küni béyjingda élip barghan pakistan - Xitay bixeterlik hemkarliqigha dair ziyaritini axirlashturup, dölitige qaytishtin burun abdulheqning öltürülgenlikini bildürgen.

Metbuatlar uning "biz sherqiy türkistan islam herikitini yalghuz xitayning düshmini dep qarapla qalmay, biz yene ularni pakistanning düshmini hésablaymiz .... Hazir bu guruhning atalmish rehbiri heq yéqinda öltürüldi, men buni mueyyenleshtürimen" dégenlikini xewer qildi. Abdulheqning esli ismi memtimin memet bolup, u 2003‏ - Yili islam herikitining rehbiri hesen mexsum öltürülgendin kéyin mezkur teshkilatning rehberlik ornigha chiqqan.

Raxman malik bu heqtiki bayanatida teshkilat ezalirining we bu teshkilatning teshkili küchi qalmighanliqini ilgiri sürgen.

Lékin, raxman malik abdulheqni öltürüsh opératsiyisi xitay - Pakistan qisimlirining hemkarliqida yaki pakistan qisimliri teripidin tenha élip bérilghanliqini tilgha almidi. Sherqiy türkistan islam herikiti bolsa bu xewerning rast yaki yalghanliqigha hazirgha qeder ipade bildürmidi.