PDA

View Full Version : Dalay Lama yer tewreshte qaza qilghan yurtdashliridin hal soridi



Qurultay uchuri
15-04-10, 07:17
Dalay Lama yer tewreshte qaza qilghan yurtdashliridin hal soridi

Qing hai ölkisining Yüshu Tibet aptonom oblastida 4 – ayning 14 – küni 7.1 bal yer tewrep, hazirgha qeder 617 neper kishi ölgen, 10 ming kishi yarilanghan idi.
Qing hai ölkisi bolsa hazirqi 14 – Dalay Lamaning tughulghan yeri, yer tewrigen Yüshu oblasti bolsa 9 – Banchen Lalamning dunyagha kelgen makani.
BBC ning xewer qilishiche, Dalay Lama mexsus bayanat elan qilip, bu qetimqi yer tewreshte hayatidin ayrilghanlargha bolghan chongqur teziyesini bildürgen.
Dalay Lama yene, Tibet sürgünkidi hökümiti jaylashqan Hindistanning Darislam rayonida yer tewreshte qaza qilghanlarning rohi üchün mexsus diniy tilawet ötküzidighanliqini bildürgen.
Dalay Lama yene, yer tewreshte ziyangha uchrighuchilargha yerdem qilidighanliqini bildürgen bolsimu, emma qaysi jehettin yardem qilidighanliqi heqqide eniq toxtalmighan.
1959 – yilidiki Tibet qozghilingidin keyin Dalay lama Hindistangha qechip chiqqanda, unung bilen birge qachqanlar ichide köpligen Yüshuluq aqsöngekler bar bolup, hazirqi Tibet süygünde hökümitining terkibide Yüshuluqlarmu xeli köp.
Chetellik mutexesislerning mölcherige qarighanda, bu qetimqi yer tewresh apiti, Xitay merkizi hökümitining Tibetlikler bilen bolghan munasiwitini yaxshilishidiki obdan bir purset.
Hazirqi 14 - Dalay Lama 1935 – yili Qing hai ölkisidiki Tibet rayonida dunyagha kelgen ( qayta tirilgen ), 9 – Benchen Lama bolsa 1937 – yili 12 – ayning 1 – küni yene Qing haide dunyagha kelgen ( qayta tirilgen idi.
Tibet milliy herikiti teripidin otturigha qoyulghan < Büyük Tibet yüksek aptonom rayoni > ning teritoriyesi ichide Qing hai, Gansu, Sichuan qatarliq ölkilerdiki Tibet rayonlirimu bar.

DUQ teshwiqat merkizi