PDA

View Full Version : yapondiki atalmish millat soyar uyghurgha.



bichara uyghur
01-04-10, 18:21
yeqindin beri ozini millat soyar dap atiwalghan bu Hemit Sidik digan munapiq sarang bolay daptu.
uning hetini oqusingiz ozini millatparwerlikta birinchi daydu.amilyatta kunda hitayning kotidin chikalmaydu,yaponda uyghurlarni aldap yurgan munapiq .numus qilixni bilamsan.

uning yazghan hetini oqup beqinglar.adamning yandurghusi kalgudak.

"Xulase we Ümüt
Essalamu eleykom qedirlik Qérindashlar:
Noruz gülliri poreklep, bahar hidi purawatqan güzel pesilde hemmeylenni noruz bayrimi shatlighi bilen qutluqlaymen!
Noruz bayriminglargha, yéngi yilinglargha, bahar bayriminglargha mubarek bolsun!
Bu yéngi yilning her biringlar üchün arzuyinglardikidek razimenlik, hoshalliq, qanaetlinerlik we bextlik bir yil bolushigha tilekdashmen!
Yaponiyidiki qérindashlarning ijabi teklip-arzusi we qizghinliq bilen qollap-quwetlishi arqisida en’eniwiy milli bayrimimiz NORUZ yaponiyide barliqqa kélip, uda 5 qétim otküzüldi.
JP-NORUZ -Yaponiyidiki uyghurlar ejride échilghan mediniyet gülidur.
JP-NORUZ-Uyghur-Yaponiye doslughining köngul rishtidur.
JP-NORUZ-Uyghur tarixining yaponiyidiki yéngi bir warighidur.
U bizni musapirliqtin xali qilip, mushkullerdin yéniklitip, uyghurlar üchün köngul ilhami bolup kelmekte.
2006-yildiki tunji qétimliq JP-NORUZ gha ishtiraq qilghuchilar sani 100 neper etirapida bolghan idi. Shuningdin itiwaren kéyinki qétimlerda üzlüksiz tereqqi qilip bultur 350 ke yetti.
Bu JP-NORUZ ning milli en’enimizge warisliq qilip, dostlishish, righbetlendurush, rexmet éytish, tebriklesh, hal-ehwal sorushush we söyunush, razimenlik, qanaetchanliqni izhar qilish qatarliq mezmunlirida saghlam tereqqi qilalighanlighimizning netijisidur. Shunga JP-NORUZ-5 munasiwiti bilen men yaponiyidiki barliq qérindashlirimning tirishchanlighigha qaytilap rexmet éytimen.
Bolupmu bu besh yil jeryanida JP-NORUZ üchün qimmetlik waxtini, charchighan zihnini, shexsi éqdisadini hetta öz mulkini ata qilip kelgen qérindashlirimgha, JP-NORUZ ning en’enisige warisliq qilish üchün qizil reqem bolsimu ash-tamaq, nazu-nimet, tatliq-turum tayyarlap bergen qérindashlirimgha, noruzning güli bolup naxsha-muzika, usul, shéir-letipilerni sogha qilghan qérindashlirimgha, hemde sorun ichi we sirtida JP-NORUZ üchün pay-petek bolup ter tökup kéliwatqan namsiz pidailirimizge chungqur razimenlik we buyuk hormitim bilen chin könglumdin semimi teshekkurumni izhar qilimen.
Rexmet qérindashlirim, silerning ene shu millet üchün qilghan eqidenglerdin hayatinglarda behit gülliri poreklep échilsun!
Elwette, bu besh yilda yene bezi yétersizlik we kemchiliklerdinmu xali bolalmiduq, bezi waqitlarda desturhanlirimiz yétersiz bolsa, bezi chaghda orunlirimiz retsiz boldi, bezi chaghda bashqurushumiz yéterlik bolmay ishtiraq qilghuchilarni endishe we köngul aghrighigha sélip qoyduq. Buninggha oxshash kemchilikler üchün silerdin kemterlik bilen epu soraymen
Esli bu yilmu yildikidek yighilishni pilanlighan iduq, emma 5-qétimliq sorunimizgha bulturqining yérimigha toghra kélidighan 160 kishi ishtiraq qildi. Bu qétim yaponiyilikler köpeygen bolsimu, uyghurlirimizning kémiyip ketkenlikidin tunji qétim yaponiyilikleruyghurlardin köp qatnashqan noruz merikisi bolup qaldi.
Epsuslinarliqi shuki, biz özimizning bayrimimizni özimiz chékindurup qoyduq.
Shunga bundin kéyin bu xil hadisilerdin saqlinish üchün bezi tuzutushke tégishlik illetlerni tekitlep ötmekchimen. JP-NORUZ ning sahipxanliri bolush salahitinglar bilen barliq yétersizliklerni semimi analiz qilishinglarni ümüt qilimen. [Uyghur bolmighan qérindash millet dostlarningmu biz uyghurlar üchün dostluq pikirini bérishini ötunup soraymen]
JP-NORUZ waxti her yili 3-ayning 20-22 giche bolghan ariliqtiki yaponiyining dem élish kunide ötkuzulup keldi. Bu yil oqughuchilarning kunluk ishlishige kapaletlik qilish üchün düshenbige toghra kelgen dem élish künige orunlashturghan iduq, shundaqtimu qatnashquchilar yildikidin az boldi. Nime séwep bolghandur? Taza bilelmigen bolsammu bezi hadisilerdin bizning mesililerge bolghan tonushimizning oxshash bolmighanlighini his qiliwatimen.
Töwende hazirghiche uchrighan bezi exmiqane mezmunlar ustide toxtulup ötmekchimen:
1.
Noruzgha sel qarimanglar
JP-NORUZ uyghurlarning sorunidur, özimizni yaponiyide teshwiq qilish, özimizni qedirlesh, perzentlirimizni uyghur mediniyitining warisliridin qilip yétéldurush, Uyghur-Yapon dostlughini tereqqi qildurush….mezmun’gha bay sorundur.
Bezilerde [Bu Uyghurning Noruz Bayrimi] digen uqum bolmighanlighi üchün noruzni özidin ayrip qarap, del shu millitimiz uyghurgha hajetmen bolghan kün’ge özining shexsi ishlirini we yaki ehmiyiti noruzdin yuquri bolmaydighan ishlarni orunlashturuwalidu.
Beziler yoldushi yaki balilirining ishi bolghanliq sewebi aile boyinche qatnashmaydu. Uning ichide yoldushi we balilirini tashlap qoyup qatar chay oynawatqanlarmu az emes.
Shunga men yaponiyidiki 365 künning ichide yérim künlük waxtini Noruzgha ajritishqa ajizliq qilghan qérindashlardin échinmaqtimen.
Biz bezilerni herqanche teklip qilipmu noruzgha qatnashturalmiduq. Birla qétim qatniship toxtap qalghanlarning köpchilikining shexsi muddiasi bolghanlighi manga ayan. Emma bu qétim résturan aldidiki lozinkimizni körup, teshebbuskarliq bilen 5000 én tölep noruzgha qatnashqan amérikiliq ependimdin […Many thanks to you and your colleagues for the wonderful Noruz celebration. I enjoyed the food, music, dancing, and getting to know the Uyghur community in Japan….] dep e-mail tapshuruwalduq. Shuning bilen sélishturghanda biz özimiz nime qiliwatimiz? biz JP-NORUZ ning qedrige nimishqa yetmeymiz?
2.
Weten’ge qaytish aldida turattim, JP-NORUZ gha qatnashsam ish tériwalmasmenmu?
Noruz-milli bayram bolup, siz weten’ge qaytsingizmu noruz otkuzuluwatidu. Xatirjem qedem teshrip qilghaysiz.
3.
Noruzni kimler orunlashturuptu?
JP-NORUZ–Uyghurlarning bayrimidur. Shunga kimning wahti yar berse shu orunlashtursabolidu. Eger bilsingiz sizmu sahiphan idingiz.
4.
Uyghurlar yighilghan sorun’gha bérishtin qorqartim, qatnashsam qandaq bolar?
Siz öz millitingizdin qorqsingiz qaysi milletning qoynida xatirjem bolalaysiz? Uyghurlarning sorinigha uyghurlar özimiz qatnashmisaq ana millitimizning boyni qisilip qalmasmu?
5.
Bashqilardin’ghu anglidim lékin özemge xewer kelmigechke tizimlatmidim
Noruzda men digen uqum yoq. Hemme mezmunlar kolliktip élip bérilidu. Shunga teklipnamimu barliq addrislargha ewetilidu hemde öz-ara uxturup qoyushmu tekitlinip kéliniwatidu. Shundaq turuqluq özingizge xewer kélishini kütüp olturush sizningche chongchiliq bolsimu, men üchün eng peskeshliktur. Siz herqanche katta erbab, tengdashsiz danishmen bolup ketsingizmu öz millitingizge ghadaymaslighingiz kérek idi!
6.
Shu küni biraqla barmaqchi
JP-NORUZ ning elxet teklipnamisida belgulen’gendek nurghun qérindashlirimiz telep boyinche tizimlinip, chay puli tölep qatnishiwatidu. Hemde shuninggha asasen desturxan teyyarliniwatidu. Shundaq turuqluq siz tizimlatmayla kelsingiz orunlashturghuchilargha awarichiliq bolushtin bashqa eshu sorunda bashqilarning risqini yigen bolusiz, bu guna bolmasmu?
Yene teklipnamida [istatika qilishimiz üchün qatnishish imkaniyiti bolmighan qerindashlarning [qatnishalmaymen] dep xewer bériwetishinglarni soraymiz] dep tekitlen’gen bolsimu, bu yil peqetla 5 kishidin [qatnishalmaymen] digen xewer keldi. Biz jawap kütken bir ay jeryanida men bezilerge öz menpeetige taqilidighan ishlarni téma qilip elxet yazghan idim, shu küni yaki etisi tepsili jawap keldi. Emma ular noruzgha [qatnishalmaymen] dep jawap yezishqa yarimidi.
Sizni adem körup teklip qilghan ikenmiz, inawitingizni bilip jawap yazmighanlighingiz insaniy exlaqqa toghra kélermu? Yaki jawap yézish üchün kétidighan wahtinglargha ichinglar aghrimdu? We yaki halinglarni at tartalmighidek yoghunap kétip, noruzgha jawap yézish har kéliwatamdu?
7.
Tamaqlarning halalliqigha kapaletlik qilalamsiler?
Biz résturan’gha tamaqlarning halal bolushini birinchi shert qilip kéliwatimiz. Bu qétimqi résturanda bir ayning aldidila musulmanche ziyapet ötküzülgen idi. Melum miqtarda öz tamaqlirimizda desturhan teyyarlawatimiz. Eger shuningdimu könglingiz kötermeydighan bolsa, uni noruzgha qatnashmasliqning desmayisi qilmastin, musulmanlar qaidisi boyinche yérim kün rozi tutup qatnashqan bolsingiz sawap bolmasmidi?
8.
Bashqilarghimu shatliq ata qiling
8
Bu qétim mukapatlan’ghanlarning ichide sizni tebrikliginimizde, siz üchün söyunup shatliq alqishlirini yangratqan uka-singilliringizmu bar idi. Nöwet ularni tebrikleshke kelgende siz nede? hélimu yaxshi yaponiyilik dostlarning tebrik alqishliri jarangliq bolghachqa, ming japada unwan alghan qérindashlirimizning boyni qisilip qalmidi.
Hich bolmighanda özenglar tebriklen’gendiki köngul qerizini qaytursanlar bolmasmidi?
Axirqi Söz
Men bu besh yilda ijabiy we selbi jehetlerde nurghun bilimge ige boldum. Bolupmu millet üchün jan köydurup kéliwatqan ot yürek qérindashlarning noruzni qollap kelgenligidin bekmu tesirlendim, rexmet silerge!
Yaponiyidiki mutleq köp sandiki uyghurlar intayin qeyser we tirishchan bolup, millitimizning ümüdi we pexridur.
Méningche her insan öz millitini könglining töride saqlaydu elwette! öz millitini söymigen insan, bashqa milletler bilenmu heqiqi dost bolalmaydu. Milletning tereqqiyati-milletler ittipaqlighining asasidur. Biz tereqqi qilip, bashqa milletlermu uyghurlarni dost qilip ötushke intilidighan bolghandila bizning milli qimmitimiz bolidu. Shunga hemmimiz birdek tiriship millitimizni gullendureyli!
Nurghun kishiler noruz arqiliq uyghurni bilip, uyghur bilen uchurushup turiwatidu.
Oqughuchilirimizdin noruz üchün 名古屋、静岡din kéliwatqanlarmu bar.
Bir qérindishim [bugunkidek noruz bolidighan ish bolsa men kéler yili dangliq praféssor we ataghliq erbaplardin 50 kishini bashlap kélimen] didi. Emiliyettimu bizlerde ene shundaq qudret bar.
Yene bir qérindishim tunugunki elxétida:
[…Bu mining tunji qétim Noruzgha qatnishishim, paaliyet bashtin axiri bek yahxi boldi. kéler qétimliq noruzda menmu sayiphanlar qataridin orun élip köpqilikning xizmitide bolmaqchi. ishinimenki bayrimimiz téhimu xushallik iqide daghdugha bilen ötkuzulgisi…] dep yazidu.
Mana bu qérindashlar yürugide qaynap turghan milli söygudur.
Méning JP-NORUZ ning kelgusi téximu parlaq boludighanlighigha ishenchem kamil.
JP NORUZ —ozining xushbuy puraqliri bilen uyghur mediniyiti we uyghur xislitini hemmige namayen qilghusi!
JP NORUZ — qérindashlarni we barliq dostlarni öz qoynigha yighip, bizni musapirliq, yiganiliqtin xali qilghusi!
JP NORUZ — özidiki medihe we mubarek sadaliri bilen bizge tengdashsiz xoshalliq, kuq-quwet we ilhamlar ata qilghusi!
JP NORUZ — özining qaynaq oti bilen ishtraq qilghuchilarning könglini soyundurup, yayritip yashnatqusi!
JP NORUZ— yildin yilgha tereqqi qilip uyghurlarning öchmes tarixi, üzülmes dastanliridin bolup qalghusi!
Hörmet bilen: Hamit Sidiq
2010-yili 3-ayning 28-kuni"

Henjer
01-04-10, 19:54
Bu hetni bu yerghe chaplighuchi adash sakmu sile?Bu hetning neri hata?Hata yerini we kunglunglini elishturghen yerni yezingla awal andin inkas kayturay!Uzenglining saklikigha ghumanim bar mening!