PDA

View Full Version : Sherqiy Turkistanda internet qamali we bizdiki jiddi purset



Unregistered
30-03-10, 19:54
5- Iyul qirghinchiliqi ( köpinche hallarda bu 5- iyul weqesi , dep atalmaqta ) din kiyin sherqy türkistanda intérnét pütünley üziwétildi . Shularning qatarida yüzligen uyghur tor betliri hem intérnét dunyasidin ghayip boldi . Shuning bilen sherqiy türkistan intérnét alaqisi jehette pütün dunyadiki yigane hem qarangghu aralgha aylandi . Bu 21- esrdiki mediniyetlik dunyada kemdin kem uchraydighan qabahetlik hadisidur hem dehshetlik insan heqliri pajielirining biridur . Pikir kontrolliqini hem sherqiy türkistanda yüz bergen insanliq pajiesining sirtqi bilinip qélishining aldini élishni meqset qilghan bu xil qamal ( emiliyette buzghunchiliq ) xelq'ara qanun - qaidilerdiki puxralarning pikir erkinliki toghrisidiki nizamnamilerge xilap bolupla qalmastin , xitayning asasi qanunidiki puqralarning uchur - alaqe erkinliki toghrisidiki maddilarghimu xilaptur .2010 - Yili 3- aylargha kelgende xitay gerche intérnét alaqisining qismen eslige keltürülgenlikini jakarlighan bolsimu , bu xil eslige kilish peqet bir qisim xitayche ( xitay yéziq séstimisidiki ) tor betler bilenla cheklinip qaldi .
Dep ötkinimizdek uyghur tor betlirining teltüküs basturulup yoq bolishi 5- iyul qirghinchiliqining dawami süpitidiki dehshetlik pajiedur . Xitay hökümiti eslidinla pikirliri qattiq kontrol qilinidighan , sirtqi dunya bilen uchur almashturush qanalliri intayin tar bolghan uyghur xelqining intérnéttin ibaret bu axirqi hem cheklik tallishinimu tartip éliwaldi . Shunga chet'ellerdiki paaliyetchilirimiz hem teshkilatlirimizning , bolupmu amérikidiki teshkilatlarning 5- iyul qirghinchiliqi meslisini xelq'ara sehnide anglitish hem xitayni jawabqa qistash körishide , uyghurlardiki intérnét mesilisi muhim salmaqni igellishi kérek . Chünki , bir tereptin , Google ning xitaydin chikinip chiqishi amérika hökümitining , axbarat sahesining , shundaqla pütün dunyaning diqqitini xitaydiki intérnét qamali , pikir erkinliki meslisige yene bir qétim merkezleshtürdi . Yene bir tereptin , amérika kon'grésidimu intérnét pikir erkinlikige munasiwetlik mexsus bir kométitning qurulghanliqi melum . Köriwélishqa bolidiki , uyghurlarning nöwettiki intérnét muhitini we xitayning bu jehettiki aldamchiliqlirini xelq'aragha körsitish we xitaygha bolghan bésimni ashurush arqiliq köz aldimizdiki meslini hel qilish ishi muhim bir purset basquchigha kirdi . Chet'ellerdiki paaliyetchilirimizning bu jehettiki herikitini jiddileshtürishini soraymiz .

Unregistered
06-04-10, 07:10
aldi bilen UAA torbitini chetellerdiki uyghurlagha ichiwitip andin xitaygha gep qilish kirek. DUQ mesulliri numusni butunley unutup boldi. dunyaning nurghun doletliride UAA torbitige kirish cheklengen. reddiye, tenqit, eyiplesh yolluq shekilde bolghan bolsimu ular ni DUQ tizimlap UAA gha we www.wetinim.org gha kirishi cheklengen. mana bu saxtikar dimokratchilarnin epti-beshirisi.

Tikensanjar