Qurultay tebriki
24-03-10, 05:24
D U Q, guntanamodiki ikki qérindishimizning Shwétsariyige yétip kelgenlikini qizghin qarshi alidu
yette yildin köprek waqittin buyan gunatanamo türmiside naheq tutup turiliwatqan bextiyar mehmut bilen erkin mehmut aka – uka ikki qérindishimizning hörlükke ériship, 3 – ayning 23 – küni Shwétsariyige kélip orunlashqanliqini pütün Uyghur xelqi namidin tebrikleymiz !
shundaqla bu munasiwet bilen, Xitayning shunche bésimi we tehditige pisent qilmay bu gunahsiz ikki qérindishimizni qobul qilip ulargha yéngi bir hayatliq yoli bexsh etken Shwétsariye hökümitige we Shwétsariye xelqige, shundaqla uzun yillardin buyan Uyghurlarning kishilik hoquq mesilisige we kelgüsi teqdirige yéqindin köngül bölüp kelgen, guantanamoda naheq tutup turiliwatqan qérindashlirimizni aqlash we Xitay hakimiyitining xelqimizge séliwatqan zulum we bésimlirini dunya jamaetchilikige pash qilish yolida zor küch serp qilghan xelq’ara kechürüm teshkilati, dunya xeter astidiki milletlerni qoghdash teshkilati, dunya kishilik hoquq teshkilati … Qatarliq barliq xelq’araliq teshkilatlargha yene qayta – qayta minnetdarliqimizni bildürimiz.
ikki qérindishimizning erkinlikke ériship Shwétsariyige kélip yerleshkenliki, üzül yillardin buyan guantanamodiki qérindashlirimizni siyasiy desmaye qilip turup Uyghur xelqining heqqaniy milliy herikitini qarilashqa, unung xelq’aradiki obrazini xunükleshtürüshke we tenichliqperwer Uyghur siyasiy paaliyetchilirimizgha «térrorist « qalpiqini keydürüshke urunup kelgen kommunist Xitay hakimiyiti üchün ejellik bir zerbidin ibaret !
bu hadise, Xitay hakimiyitining Uyghurlargha qaritip kelgen siyasiy töhmetlirining pütünley meghlubiyet bilen ayaghlashqanliqini toluq ispatlap berdi.
bizche, 22 neper qérindishimizning guntanamodiki uzun yilliq mehbusluq hayati hergizmu bikargha ketkini yoq, ular erkinliktin mehrum qélish we türme azabi kéchish bedilige öz xelqining yürek sadasini, Xitay hakimiyitining Uyghur xelqige séliwatqan zulum we bésimlirini xelq’ara jamaetchilikke tuyghuzush we Uyghur milliy herikitining dunya siyasiy sehniliridiki tesirchanliqini ashurush, shundaqla Xitay hakimiyitining Uyghur milliy herikitige qaratqan siyasiy töhmetlirini chiritish jehette nahayiti zor ehmiyetlik rol oynidi !
Uyghur xelqi ularning buxil pidakarliqini we chin eqidisini esla untumaydu !
biz Dunya Uyghur Qurultiyi bolush süpitimiz bilen, bu ezimetlirimizge xelqimiz namidin yene bir qétim teshekkür éytimiz we ulargha yéngi hayatlirida muweppeqiyetler tileymiz !
Dunya Uyghur Qurultiyi
2010-yili 3-ayning 24-küni
yette yildin köprek waqittin buyan gunatanamo türmiside naheq tutup turiliwatqan bextiyar mehmut bilen erkin mehmut aka – uka ikki qérindishimizning hörlükke ériship, 3 – ayning 23 – küni Shwétsariyige kélip orunlashqanliqini pütün Uyghur xelqi namidin tebrikleymiz !
shundaqla bu munasiwet bilen, Xitayning shunche bésimi we tehditige pisent qilmay bu gunahsiz ikki qérindishimizni qobul qilip ulargha yéngi bir hayatliq yoli bexsh etken Shwétsariye hökümitige we Shwétsariye xelqige, shundaqla uzun yillardin buyan Uyghurlarning kishilik hoquq mesilisige we kelgüsi teqdirige yéqindin köngül bölüp kelgen, guantanamoda naheq tutup turiliwatqan qérindashlirimizni aqlash we Xitay hakimiyitining xelqimizge séliwatqan zulum we bésimlirini dunya jamaetchilikige pash qilish yolida zor küch serp qilghan xelq’ara kechürüm teshkilati, dunya xeter astidiki milletlerni qoghdash teshkilati, dunya kishilik hoquq teshkilati … Qatarliq barliq xelq’araliq teshkilatlargha yene qayta – qayta minnetdarliqimizni bildürimiz.
ikki qérindishimizning erkinlikke ériship Shwétsariyige kélip yerleshkenliki, üzül yillardin buyan guantanamodiki qérindashlirimizni siyasiy desmaye qilip turup Uyghur xelqining heqqaniy milliy herikitini qarilashqa, unung xelq’aradiki obrazini xunükleshtürüshke we tenichliqperwer Uyghur siyasiy paaliyetchilirimizgha «térrorist « qalpiqini keydürüshke urunup kelgen kommunist Xitay hakimiyiti üchün ejellik bir zerbidin ibaret !
bu hadise, Xitay hakimiyitining Uyghurlargha qaritip kelgen siyasiy töhmetlirining pütünley meghlubiyet bilen ayaghlashqanliqini toluq ispatlap berdi.
bizche, 22 neper qérindishimizning guntanamodiki uzun yilliq mehbusluq hayati hergizmu bikargha ketkini yoq, ular erkinliktin mehrum qélish we türme azabi kéchish bedilige öz xelqining yürek sadasini, Xitay hakimiyitining Uyghur xelqige séliwatqan zulum we bésimlirini xelq’ara jamaetchilikke tuyghuzush we Uyghur milliy herikitining dunya siyasiy sehniliridiki tesirchanliqini ashurush, shundaqla Xitay hakimiyitining Uyghur milliy herikitige qaratqan siyasiy töhmetlirini chiritish jehette nahayiti zor ehmiyetlik rol oynidi !
Uyghur xelqi ularning buxil pidakarliqini we chin eqidisini esla untumaydu !
biz Dunya Uyghur Qurultiyi bolush süpitimiz bilen, bu ezimetlirimizge xelqimiz namidin yene bir qétim teshekkür éytimiz we ulargha yéngi hayatlirida muweppeqiyetler tileymiz !
Dunya Uyghur Qurultiyi
2010-yili 3-ayning 24-küni