PDA

View Full Version : İstanbul shehride uyghur ayalliri komititi quruldi.



istanbul11
17-03-10, 17:10
DUK xewiri:

Uyghur milli herkitining yolbashchisi, Dunya uyghur qurultiyining reisi Rabiye xanimning hawalisi bilen 3-mart küni Türkiyening İstanbul shehride uyghur ayalliri komititi quruldi .
Uyghur ayalliri komiititining qurulush murasimi İstanbul shehride paaliyet élip bériwatqan sherqi türküstan wexpide ötküzüldi.
Murasimgha İstanbul shehride yashawatqan 40 din artuq uyghur xanim ishtirak qilghan bolup,köpchilikning birdek awaz bérishi bilen Hawa Avshar xanim Türkiyediki uyghur ayallar komititining reisi qilip saylandi. Ali mektep medinyet sewiyesige ige Avshar xanim türkiye we ezerbeyjan qatarliq dewletlerde köpligen ilmiy xizmetlerde bolghan.Awshar xanim pat arida bu tunji ayallar komititining xizmetlirini yürüshtüridighanlighini bildürgen bolup,u bu komitit qarmighida medinyet komititi, maarip komititi, dini ishlar komititi, namayish komititi,we ayallar fondi qatarliq komititlarni tesis qilidu.
Türkiye uyghur dawasida muhim istratigiyilik ehmiyetke ige bolup, Türkiye terep resmi nopus tekshürüsh organlirining melumatigha asaslanghanda Türkiyede 300 ming uyghur yashaydiken. İgelleshlerge asaslanghanda İstanbul shehride yashaydighan uyghur ayalliri uzun yillardin buyan ,İstanbul shehriining Aqsaray,Safaköy we Zeytunburnu qatarliq uyghurlar topliship olturaqlashqan rayunlirida dini söhbet we ayallar söhbiti qatarliq paalyetlerni élip bérip öz dini we öz milli kimligini qoghdap qélish üchün küresh qilip kéliwatqan bolup,bu qétim uyghur ayallar komititining qurulushi Türkiyediki uyghur ayalliri paalyetlirining teshkillik,séstimiliq halda bir teshkilat astida élip bérilishida shundaqla uyghur ayallirining weten dawasidiki jenggiwarlighini ashurushida muhim ehmiyetke ige iken.
DUK we meniwi animiz Rabiye qadir xanim Türkiyede bir ayallar komititining qurulushini qizghin qollap quwetligen bolup,dunya uyghur qurultiyining kéngeytilgen yighini axirlishishi bilen mexsus bir xadimni Türkiyege ewetip, İstanbul shehride uyghur ayallar komititining qurulushigha yétekchilik qilghan .İstanbul shehride yashaydighan milletperwer shaire Nur'ela göktürük xanim DUK we Rabiye xanim mexsus ewetken bu xadimgha yéqindin masliship,naxayiti tézlikte uyghur ayallirini bir arigha yighip, Türkiyede ayallar komititining qurulushida aktip roloynighan.
5-iyul ürümchi qanliq weqesidiki uyghur ayallirining qexrimanlighi we Ötken yili Torontoda ötküzülgen uyghur ayallirini dimukratiye we insan heqliri bilimliri boyiche terbiyelesh kursidin kéyin,dunya miqyasidiki uyghur ayallirida omumiyüzlük bir oyghunush körülüwatqan bolup Amerka,Girmaniye qatarliq dewletlerde ayallar komititliri arqa-arqidin qurulup her xil saheler boyiche intayin séstimiliq ish bashliwetken .Türkiyediki uyghur ayalliri komititi dunya miqyasida qurulghan 3-uyghur ayalliri komititi bolup hésaplinidiken.

Unregistered
17-03-10, 17:34
Turkiyede uyghur ayallar komittining kurulghanlighini kizghin tebrikleymiz. Turkiyediki uyghur ayallirimizning turkiyede ilip barmakqi bolghan paaliyetlirige utuk tileymiz. Allah ixliringlarni ong kilip bire.