PDA

View Full Version : Tibetliklerning ottura yol siyasitini eynen köchürüp kelish toghrimu ?



T. Bughra
06-03-10, 14:03
Tibetliklerning ottura yol siyasitini eynen köchürüp kelish milliy herikitimiz üchün tolimu xewiplik !

milliy herikitimizning weten ichi we sirtidiki emiliy küchini, shundaqla weten ichidiki xelqimiz nöwette jiddi duch keliwatqan atsimilatsiye xewipini közde tutqinimizda, nöwette biz üchün eng mohim bolghini, eng axirqi ghayimiz bolghan milliy musteqilliq telipimizni tashqi körünüshte waqtinche tonglutup qoyup, pütün küchimiz we zehnimizni milliy alahidiliklirimizni qoghdap qelishqa qaritishimiz, milliy herikitimizni, < Uyghur mediniyitini saqlap qelish herikiti > ge aylandurushimiz lazim.

Bu, bizning milliy teqdirimizni hel qilishimizning birinchi basquchi bolushi lazim.
Tibetlikler hazir jahanning teptarigha obdan kiriwaldi, < Tibet mediniyitini qoghdap qelish > digen bu siyasi shoar, keyinki 10 yildin buyan Dunya siyasi sehniliride Tibet milliy herikitining nuxtuluq we birdin – bir shoari we milliy telipige aylandi, Tibetliklerning esli meqsidi we ghayisi hemmizge besh qoldek ayan, peqetla Tibet mediniyitini saqlap qelish ularning birdin – bir ghayisi we meqsidi emes, emma bu siyasi shoar Tibet milliy herikitining xelqaradiki obrazini yaxshilashta, dunya jamaetchilikining hesdashliqini teximu küchlük halda qolgha keltürüshte intayin mohim rol oynidi.

Chünki bügün demokratik eller we unung xelqliri melum bir milletning mediniyitining bashqilar teripidin ayaq – asti qilinishini yaki yoqutulushini bolsa, insaniyet dunyasigha qilinghan eng zor jinayetlerning biri dep qaraydu, shunga asaret astidiki milletlerning özlirining milliy alahidiliklirini qoghdap qelish herikiti, nahayiti asanla demokratik el xelqlirining hesdashliqi we qollishigha uchrap kelmekte.

Dalay Lama bashchiliqidiki Tibet milliy herikiti ularning bu pixsikisini nahayiti obdan analiz qilghan we shu boyiche özlirining milliy herikitining yol xeritisini sizip chiqqan idi.
Hemmimizge melum bolghinidek, bügün Tibetliklerning tutqan ottura yol siyasiti, < ali aptonomiye > telipidin ibaret we bu telipini pütün dunyagha elan qildi.

Yeni, Tibetlikler Xitay hakimiyitidin, hazirqi Tibet aptonom rayoninimu öz ichige alghan pütün Tibet Tibet rayonlirida ismi – jismigha layiq heqiyqi aptonomiyeni yolgha qoyushni, Tibet jughrapiyeside Xitay xelq asasi qanuning aptonomiyelik jaylar heqqidiki maddilirining we < milliy teritoriyelik aptonomiye qanuni > ning heqiyqi yosunda estayidil emilileshtürülüshini telep qilip kelmekte.

Tibetliklerning < ali aptonomiye > ni we pütün Tibetlikler yashighan rayonlarni öz ichige alghan < büyük tibet aptonom rayoni > ni telep qilishidiki asasi seweplerning biri bolsa, nöwette Tibetliklerning noposining 60 pirsentidin köpirekining hazirqi < Tibet aptonom rayoni > ning sirtida, yeni Xitayning Si chuan, gan su … qatarliq ölkiliride tarqaq yashawatqanliqidin ibaret. Bu, Tibetlikler üchün intayin paydisiz bir amildur, melum menidin eytqanda, Tibetliklerning yerimidin köpirekining Xitay qaynimi ichide her zaman atsimilatsiye bolup yoqap ketish xewipi mewjut. Buni közde tutqanda, Tibetlikler duch keliwatqan atsimilatsiye xewipi uyghurlarningkidin xelila eghirdur.

Shunga Tibetlikler, < yüksek aptonomiye > telipini waste qilip, pütün Tibetliklerni bir rayongha, yeni, Si chuan, Qing hai, Gansu .. qatarliq ölkilerdiki Tibet rayonlirinimu öz ichige alghan < büyük Tibet aptonom rayoni > gha toplashni özlirining nöwettiki eng asasliq we jiddi wezipilirining biri qilip tallighan. Bu, ularning milliy teqdirini hel qilishining birinchi basquchidin ibaret.

Elwettiki, dalay lamaning < yüksek aptonomiye > telipi, Tibet milliy herikitining ichki qismida qismen naraziliq peyda qilghan bolsimu, emma, Dalay lamaning we Tibet sergerdan hökümitining chaqiriq küchi pewquladde yuquri bolghini üchün, ular weten ichi we sirtidiki Tibetliklerni qayil qilishta anche chong qiyinchiliq we tosalghugha duch kelmidi.
Dalay Lamaning telipi we chaqiriqi, Tibet milliy herikitidimu hech bir bölünüsh peyda qilmidi.

Eger Dalay lama, < yüksek aptonomiye > telipining ichki qisimda bölünüsh we parchilinish peyda qilidighanliqigha közi yetken bolsa idi, u chaghda hergizmu bu yolni tallimighan bolatti.
Chünki esir milletlerning milliy herikitide birlik we ittipaqliq hemmidin mohim, ichki qisimda bölünüsh, parchilinish we zor ixtilap peyda qilidighan herqandaq pilan – purogramma we istiratigiyening hech bir ehmiyiti we netijisi bolmaydu.

Öz xelqi teripidin qarshi chiqilghan we ret qilinghan herqandaq teklip – pilanning emelge eshishimu mumkin emes.
Bu nuxtini közde tutqanda, Tibetliklerning ottura yol siyasitini we < yüksek aptonomiye > digen telepni uyghur milliy herikitige eynen köchürüp kelish, milliy herikitimizning nöwettiki teshkili we idilogiyelik qurulmisi, shundaqla xelqimizning telipi nuxtisidin elip eytqanda biz üchün tolimu xeterlik we ziyanliqtur.
Buxil tallash, milliy herikitimizning ichki qismida zor bölünüsh we parchilinishni keltürüp chiqiridu.

Bu heqte artuq toxtalmisaqmu, weten ichi we sirtida paaliyet elip beriwatqan teshkilatlirimizning we asasliq siyasi paaliyetchilirimizning mutleq köp qismining milliy qarash we dunya qarash nuxtisidin elip eytqanda, Tibetlikler teripidin tilgha elinghan < yüksek aptonomiye > taktikisini uyghur milliy herikitige teblighlash esla mumkin emes !