DUQ ning Dayimi komutet yighini ghelibilik ayaqlashti

[Qurultay bayanati]

http://www.uyghurcongress.org/uy/?uls=ul&PHPSESSID=d41tok8jcd4pvn1on6hmbpc486

[Unregistered]

http://www.uyghurcongress.org/uy/?uls=ul&PHPSESSID=d41tok8jcd4pvn1on6hmbpc486

D U Q bayanati: D U Q ning da’imiy komitét kéngeytilgen yighini ghelibilik ayaghlashti2010-yili 3-ayning 3-küni

2 – ayning 26 – küni Gérmaniyining myunxén shehiride bashlan’ghan Dunya Uyghur Qurultiyi da’imiy komitétining kéngeytilgen yighini özining barliq küntertiplirini toluq orunlap, 3 – ayning 2– küni kechte ghelibilik ayaghlashti.

bu nöwetlik yighin’gha, D U Q re’isi Rabiye Qadir xanim bashchiliqida Amérika, Kanada, Bélgiye, En’gliye, Norwégiye, Gollandiye, Shwétsiye, Shwétsariye, Qazaqistan, Qirghizistan, Yaponiye, Türkiye, Awstriye, Fransiye we Gérmaniye Qatarliq 15 dölettin kelgen 60 qa yéqin wekil qatnashqan idi.

4 kün dawam qilghan bu qétimqi yighinda, D U Q re’isi, mu’awin re’islirining we bash katipning xizmet doklati, shundaqla D U Q fondining maliye doklati, herqaysi komitét, merkezlerning toluqlima doklatliri we teptish hey’itining doklati otturigha qoyulup, netijiler mu’eyyenleshtürüldi, tejribe – sawaqlar yekünlendi.

yighinda, D U Q ning teshkili mesililiri, rehberlirining konkrét wezipe teqsimati, dunya weziyiti we nöwette milliy herikitimizde mewjut boluwatqan jiddiy mesililer, D U Q ning 2010 – yilliq xizmet pilani, D U Q ning bundin kéyinki siyasiy meydani, 5 – iyul Ürümchi qirghinchiliqining 1 – yilliqini xatirilesh pa’aliyiti heqqidiki pilanlar, D U Q fondini yenimu küchlendürüsh mesilisi, D U Q terkibidiki teshkilatlarda saqliniwatqan mesililer we uni hel qilishning konkrétni chariliri, shundaqla Intérnét tor betliride otturigha qoyulghan we D U Q ge biwasite ammidin kelgen inkaslar… Qatarliq mesililer heqqide chongqur we etrapliq muhakime élip bérildi.

D U Q ning siyasiy meydani we bundin kéyinki heriket istratégiyisi heqqide muhakime élip bérildi. «myunxén xitabnamisi»ning rohi boyiche, Sherqiy Türkistan xelqining azadliqi, öz teqdirini özi belgilesh hoquqini qolgha keltürüsh, démokratiyini jari qildurush körishni téximu kücheytish qarar qilindi. milliy herikitimizning bundin kéyinki heriket istratégiyisi we D U Q ning 2010 – yilliq pilan – programmiliri békitip chiqildi.

D U Q rehberlirining xizmet teqsimati yenimu konkrétlashturulup, mes’uliyet we jawabkarliq da’irisi éniq békitip chiqildi.

yighinda yene démokratiye toluq jari qildurulup, herqaysi ellerdin kelgen wekiller özlirining pikir – telep we tenqidlirini ochuq yoruqluq bilen otturigha qoyush bilen birge, herqaysi döletlerdin D U Q gha kelgen inkaslar bir – birlep otturigha qoyulup, ularning teklip – pikir we tenqidliri heqqide estayidil muhakime élip bérildi.

D U Q rehberliri, bundin kéyin teshkilat ichi démokratiyini téximu kücheytip, D U Q wekillirining we ammining türlük inkaslirigha yüksek derijide ehmiyet béridighanliqini alahide tekitlep ötüshti.

bu qétimqi da’imiy komitét yighinida, 5 – iyul Ürümchi qirghinchiliqining 1 – yilliqini pütün dunya miqyasida keng kölemde xatirilesh pa’aliyitini D U Q ning bundin kéyinki xizmetlirining muhim nuqtiliridin biri qilish heqqide ortaq qarar élindi.


Dunya Uyghur Qurultiyi

[Unregistered]

Uyghur helkining hormitige erixken soyumluk baxlamqiliri , sizlerning Uyghur helkining kelgusi uqun nurghun japa qekiwatkanlikinglar uqun kelbimdin hormitimni bildurimen hemde bundin keyinki herkandak paaliyitinglargha awaz koxup sizlerning yolinglarda mengixka her wakit teyyarmen . Ailem uqun sizlerdin semimi rehmitimni tileymen , sizlerge koptin-kop rehmet ixliringlarning onguxlek bolixini tileymen . Xerki Turkistan biz turk helkige mensuptur .