DUQ ning Dayimi komutet yighini Miyonhinda chaqirilidu [Archive]

Unregistered

24-02-10, 06:07

http://www.uyghurcongress.org/uy/?uls=uu&PHPSESSID=l7rq53qoq2o65m2e7jv58of2l7

D U Q ning da’imiy komitét yighini myunxénda chaqirilidu2010-yili 2-ayning 24-küni

5 – iyul Ürümchi qirghinchiliqidin buyan, weten ichidiki xelqimizning weziyiti kündin – kün’ge éghirlashmaqta, tarixta misli körülmigen bu qirghinchiliqning zenjirsiman inkasi hazirmu pütün Sherqiy Türkistan miqyasi boyiche üzlüksiz dawam qilip kelmekte.

Xitay hakimiyitining bu weqeni bahane qilip Uyghurlargha qarita élip barghan keng kölemlik qattiq zerbe bérish herikiti jeryanida 10 minglighan bigunah qérindashlirimiz yolsizlarche tutqun qilinip qarangghu zindanlargha mehkum boldi, qisqighine birqanche ay ichide peqet Ürümchi weqesi munasiwiti bilen 30 din artuq qérindishimiz ölümge höküm qilindi, yüzligen qérindishimiz türmilerde wehshiylerche urup öltürüldi.

Ürümchi weqesidin kéyin, weten sirtida élip bériliwatqan milliy herikitimizmu zor tarixiy sinaqqa duch keldi, weten ichidiki xelqimiz bizdin özliri chékiwatqan bu külpetlerni dunya jama’etchilikige téximu janliq we ünümlük shekilde tuyghuzup, xelq’ara jama’etchilikining küchi bilen Xitaygha jiddiy bésim peyda qilishimizni, bu arqiliq özliri chékiwatqan chidighusiz zulumlarni bir’az bolsimu yenggillitishimizni teqezzaliq bilen kütüshmekte.

biz, xelqimiz we milliy herikitimiz nöwette duch kéliwatqan bu jiddiy weziyetni közde tutup, Dunya Uyghur Qurultiyi da’imiy komitétining kéngeytilgen yighini 2010 – yili 2 – ayning 26 – künidin, 3 – ayning 2 – künigiche Gérmaniyining myunxén shehiride échish qarar qilindi.

2010 – yili 2 – ayning 26 – künidin, 3 – ayning 2 – künige qeder chaqirilidighan bu nöwetlik da’imiy komitét yighini, qurultiyimizning da’imiy komitét ezaliri, qurultiyimiz terkibidiki herqaysi teshkilatlarning asasliq mes’ulliri, uzun yillardin buyan milliy herikitimiz bilen shughulliniwatqan bir qisim siyasiy erbablirimiz, közge körün’gen alim we ziyaliylirimizning qatnishishi bilen échilidu.

bu qétimqi da’imiy komitét yighini jeryanida, Sherqiy Türkistanning nöwettiki jiddiy weziyiti heqqide we 5-iyul weqesi heqqide etrapliq muhakime élip bérish, 5 – iyul Ürümchi qirghinchiliqining 1 – yilliqini pütün dunya miqyasida daghdugha bilen xatirilesh pa’aliyetlirini uyushturush arqiliq dunya jama’etchilikining diqqet – étibarini qaytidin Uyghurlar mesilisige yüzlendürüshni qolgha keltürüsh;

Xitay hakimiyitining Ürümchi weqesini bahane qilip Uyghurlargha qaratqan qanunsiz tutqun qilish we delil – ispatsiz halda ölüm jazalirigha höküm qilish qilmishini xelq’ara jama’etchilikke téximu ünümlük we tesirchanliq bilen anglitish üchün bir yürüsh ünümlük pilan – programmilarni békitip chiqip ijragha qoyush;

xelqimiz duch kéliwatqan jiddiy weziyetni we milliy herikitimizning nöwettiki éhtiyajini közde tutqan halda, bundin kéyinki yéngi istratégiyilik heriket pilanini békitip chiqip ijragha qoyush;

Uyghur musapirliri nöwette duch kéliwatqan jiddiy qiyinchiliq we xewplerni közde tutqan halda, muhajirlar xizmitini yenimu sistémilashturush, muntizimlashturush we bu arqiliq Uyghur siyasiy qachqunlarning Xitaygha qayturup bérilishining aldini élish jehetlerde riyal we ünümlük siyaset belgilep chiqip jiddiy ijragha qoyush;

milliy herikitimizning jiddiy éhtiyajigha asasen D U Q ning teshkili qurulmisini yenimu mukemmelleshtürüsh, teshkili nizam we prinsiplirini yenimu janliq halgha élip kélish üchün rehberlik apparatida zörür bolghan toluqlash we tüzitish élip bérish;

ammidin D U Q gha we unung rehberlirige kelgen tenqid – pikir, teklip we tewsiyilerni estayidilliq we semimiylik bilen muhakime qilip, saqlan’ghan mesililer, kemchilik we xataliqlarni jiddiy halda békitip chiqish we D U Q ning amma bilen bolghan munasiwetlirini yenimu kéngeytish we ulardin kelgen inkaslargha öz waqtida jawab bérish üchün janliq sistéma qurup chiqip ijra qilish;

qurultay fondini kücheytish we < Uyghurluq bedili > tüzümini omumlashturush üchün riyal we janliq sistéma qurup ijra qilish;

D U Q ning biwasite yétekchilikide, Uyghurlar yashawatqan herqaysi ellerde ayallar we yashlar herikitini kücheytish we ularning teshkilatlinishini tézlitish;

bu qétimqi da’imiy komitét yighinida yene D U Q ning hazirghiche ishligen xizmetliri omumi yüzlük közdin kechürülüp, tejribe – sawaqlar estayidil yekünlesh…Qatarliq mesililer muzakire qilinidu.

Dunya Uyghur Qurultiyi da’imiy komitéti