PDA

View Full Version : Kanada Insanlarning Olturaqlishishigha Eng Bap Jaylarning 1-likidin Ayrilip Qaldi



biliwal.com xewiri
30-11-05, 15:34
Cyol.net 29-noyabir xewiri. Chet el metbuatlirining xewirige qarighanda, kéler hepte BDT resmiy élan qilidighan Insaniyetning Yilliq Tereqqiyat Ehwali Heqqidiki Doklatta insanlarning olturaqlishishigha eng bap kélidighan döletler tizimliki bahalap chiqilghan bolup, igilinishiche, uda 7 yil 1-orunda turup kéliwatqan Kanada bu yil 3-orun’gha chüshüp qalghan, aldinqi orunni Norwégiye bilen Awistriyege tartquzup qoyghan.


Insaniyetning Tereqqiyatigha baha bérilgen bu yilliq doklatta dunyadiki 174 döletning herqaysi jehetlerdiki tereqqiyat körsetküchi bahalan’ghan. Shiwédsiye, Bélgiyeler tizimlik rétining 4-, 5- ornida turghan, Amérika bulturqi 3-orundin 6-orun’gha chüshüp qalghan, Islandiye 7-orunda turghan.

Kanadaning 1-orundin chüshüp qélishidiki seweb hazirche namelum. Bu doklatta tereqqiyat ehwaligha: Turmush körsetküchi, quramigha yetkenlerning medeniyet sewiyisi, mekteplerdiki royxetke élin’ghan adem sani, xelq igiliki ishlepchiqirish omumiy qimmiti qatarliq 4 jehetke asasen baha bérilgen. Kanada uda yette yil insaniyetning olturaqlishishigha eng bap kélidighan jaylar rétining 1-ornida turup kelgenliki bilen pexirlinetti, nurghun hökümet tor betlirimu bu xulasini tilgha alghan idi, Kanada bash ministiri Kritianmu nechche qétimliq ammiwiy sorunda sözligen nutqida pexirlen’gen halda bu nuqtini tilgha alghan, biraq bu qétimqi bahalash doklati Kanadaliqlarni bu heqtiki söhbetlerde azraq qisilidighan qilip qoydi.

www.biliwal.com din elindi.