PDA

View Full Version : Rabiye xanim Italiye erkinlik mukapatigha nail boldi.



yene bir chong utuq
05-02-10, 14:37
Rabiye qadir xanim italiyining erkinlik mukapatigha müyesser boldi
Muxbirimiz eqide

2010-02-04

Uyghur milliy herikitining Rehbiri Rabiye qadir xanim, italiyining xelqara erkinlik mukapatigha sazawer boldi. Bu Rabiye qadir xanimning hazirgha qeder érishken 5 ‏- Qétimliq kishilik hoquq mukapati.



Rabiye qadir xanimning bildürüshiche, bu mukapatlar eslide erkinlik üchün hayatidin ayrilghan, xitay türmiside qéyin - Qistaq astida jazaliniwatqanlargha mensüp iken.

Italiyidiki (Societa Libera ) teshkilati yeni ijtimai erkinlik teshkilati, bu yilliq xelqara erkinlik mukapatini uyghur milliy herikitining rehbiri Rabiye qadir xanimgha bérishni qarar qilghan bolup, mezkür mukapat bu yil yaz aylirida italiyining Luca shehiride ötküzülidighan mukapatlash murasimida Rabiye xanimgha bérilidiken.

Ijtimai erkinlik teshkilatining dériktori Vincenzo Olita ependining bildürüshiche, Rabiye xanimni mukapatlash murasimigha italiye prézidénti Giorgio Napalitano riyasetchilik qilidiken hemde murasimning neq meydan körünüshi, italiye döletlik téléwiziyisining 1 ‏- Qanilida tarqitilidiken.

Rabiye qadir xanim pat arida alidighan ehmiyetlik mukapat heqqide toxtilip mumdaq deydu" :tenchliq we kishilik hoquq mukapatlirigha érishken waqtimda, uyghur xelqi üchün pexirlinimen we bu mukapatlarning uyghur xelqining azadliqqa érishishi üchün, uyghur xelqining dawasining ongushluq élip bérilishigha paydiliq ikenlikidin xushal bolimen. Lékin men bu mukapatlarni alghandin köre, bir közi qan, bir közi yash xelqimning erkinlikke érishishini, bolupmu türmidiki uyghur qérindashlirimning erkinlikke chiqishini, perzentliri qamalghan ata ‏- Anilarning balilirining azadliqqa ériship ata - Anisi bilen jem bolushini ümid qilattim. Men yene tekrar shundaq deymenki, bu mukapatlarning manga emes, azap ichide yashawatqan uyghur anilirigha, uyghur xelqining erkinliki üchün küresh qiliwatqan, jan bergen uyghur oghul - Qizlirigha mensüp. Bulardin bashqa men bu mukapatlarning yene, uyghur xelqini dunyaning keng - Kölemde tonushta hemde uyghur xelqining tartiwatqan azab - Oqubetlirini dunyagha anglitishta intayin muhim rol oynaydighanliqini ishinimen."

Rabiye qadir xanim, hazirgha qeder oxshash bolmighan döletlerning xelqara kishilik hoquq mukapatliridin 5 ige érishkendin sirt, her yili dunya nobil tinchliq mukapatining namzatliq salahiyitige müyesser bolup kelmekte. Dunya uyghur qurultyining qanun meslihetchisi, adwokat nuri türkel ependi, uyghur xelqi Rabiye xanimning nobil tinchliq mukapati bilen mukapatlinishini chin dilidin arzu qilidighanliqini bildürdi.

xewermenbesi: http://www.rfa.org/uyghur/xewerler/tepsili_xewer/rabiye-xanim-tenchliq-mukapatqa-erishti-02042010194218.html/story_main?encoding=latin