PDA

View Full Version : Olsangchu



yashar
07-01-10, 17:09
Ölsengchu
Muhemmedjan Rashidin

Uzighanlardek uzalmay,"Uh! tartqiche ölsengchu,
Uzighanlarning risqigha kül chachqiche ölsengchu.
Hesetxorgha "he-hu..." dep dost tartqiche ölsengchu,
Tériqchilik töhpeng yoq,gep satquche ölsengchu,
Oylap baqmay uyatni,lap atqiche ölsengchu.

"Edib" deysen özüngni Özüng kökke kötürüp,
Özgilerni Özüngche tizimliktin Öchürüp.
Önwaningni danglaysen,bashqilarni chökürüp,
Bir eserni "ey qilding" shagirtingdin köchürüp,
Shu yol bilen töt teng'ge pul tapqiche ölsengchu.

Wes Wessi aqchining halek qildi wijdanni,
Chüshti exlaq hasigha halal yimey her nanni.
Qoyup berding qelbingning sehnisige sheytanni,
Chüshkendimu bezide bésip chüshtüng haywanni,
Sorunidin wijdanning bash tartqiche ölsengchu.

Qilmighining Qalmidi chokan yoqtek senchilik,
Maxtanmisang bilmemduq séning hösnüng qanchilik.
Jamalingning nuri bar,bolsa belkim Shamchilik,
Reng'ging turup aranla aqartmighan tamchilik,
Ash kirdi ! dep Özengni ashlatquche ölsengchu.

U shamalmu xop sanga,bu shamalmu xop sanga,
Hich yan'ghinida shunglashqa,tutashmaydu öt sanga.
Musheqqette sayeng yoq,nede kelgen jut sanga?
Süzük sumu,lay sumu tuyulidu qut sanga,
Igiz aqqan azgalgha teng aqquche ölsengchu.

Qandaq ötti bir kününg,oylimaysen kech yétip,
Baqqining yoq xamanda birer axsham chish étip.
Küzitisen könglüngni körün'genge qash étip,
Qoghlimaysen étizdin bir qaghini tash étip,
Bir toyghanni toy bilip jan baqqiche ölsengchu.

Ronaq tapting bir mehel yaxshilarni yaman,dep,
Jöndimisek waqtida,yürelmeymiz aman,dep.
éytmiduqmu: tülkilik esqatmaydu haman,dep,
Qachting axir chashqandek,nede kona haman? dep,
Yolwas bilen chaghlimay oynashqiche ul ölsengchu.

Yazghanlérim milyunning beri emes,beziler,
Su yuqmighan ördektek kar qilmaydu weziler.
Estin chiqar künde qilghan qesem, wediler,
Ewj alar chang-tozang,yene kona pediler,
Deymen shunga u yéngliq öy qaqquche ölsengchu.
(menbe: www.izdiyari.com)