PDA

View Full Version : Xitay, xelqara jamaetchilikning < qollushi > gha emes, eksiche lenitige uchrimaqta



DUQ axbarati
16-12-09, 06:49
DUQ axbarati:

Xitay, xelqara jamaetchilikning < qollushi > gha emes, eksiche lenitige uchrimaqta

Xitay < merkizi hökümet tori > ning 12 – ayning 14 – küni xewer qilishiche, Xitay tashqi ishlar ministiri Yang jie chi, 2009 – yili sirtqa baghlanghan bixeterlik kürishini kücheytip, döwletning igilik hoqoqi we bixeterlik menpeetini qoghdap qalghanliqini, bu jeryanda, 5 – iyol Ürümqi weqesi heqqide munasiwetlik döwletlerge pütün küch bilen chongqur we inchike xizmet ishlep, bu jehette xelqara jamaetchilikning keng chüshünihini we qollushini qolgha keltürgenlikini bayan qilghan, shundaqla buni, Xitay döwlitining 2009 – yili deplomatiye jehette qolgha keltürgen eng zor netijilirining biri qilip körsetken.

Texi unungdin bir ay burunla, yeni, 11 – ayning 13 – küni, Xitay tashqi ishlar ministirlikining bayanatchisi chen gang, Bei jingda muxpirlarni kütiwelish yighinida qilghan sözide, Yawropa birlikining qisqighine yerim ay ichide Ürümqi weqesi munaiwiti bilen Xitay hökümitini arqa – arqidin ikki qetim eyiplep, Xitayning ichki ishlirigha qopalliq bilen arilashqanliqini we bu arqiliq Xitay – Yawropa munasiwetlirige ziyan salghanliqini bayan qilghan idi.

Hemmige melum bolghinidek, Shao guandin Ürümqige sozulghan irqiy hujum we irqiy qirghinchiliqtin buyan Xitay hakimiyiti xelqara jamaetchilikning qandaqtur < qollishi > yaki < hesdashliqi > gha emes, del eksiche qattiq eyiplishige we tenqidige uchrap kelmekte.
Xitayning 5 – iyoldin buyan Ürümqide Uyghurlargha qarita elip barghan qirghinchiq herikiti, mahiyette Xitay hakimiyitining 2009 – yili ichide Dunya jamaetchiliki aldida elip barghan eng zor insanliq jinayiti we rezil qilmishi idi.

Mesilen, 11 – ayning 26 – küni Yawropa parlamentining, Stassbourg shehride mexsus qarar maqullap, Xitay hökümitini Uyghur we Tibetliklerge beriliwatqan ölüm jazalirini derhal emeldin qaldurushqa we azsanliq milletlerning heq – hoqoqlirigha hörmet qilishqa chaqirghanliqi, siyasi jehette Xitaygha berilgen eghir bir zerbe we jiddi bir agahlandurush idi.

Xitay hakimiyitining 5 – iyol küni Ürümqide elip barghan irqiy qirghinchiliqi, Yawropa birlikige eze döwletlerde zor siyasi tesir qozghighan, türlük partiye – gurohlar, kishilik hoqoq teshkilatliri we ammiwiy guruppilar, Xitay hakimiyitining Uyghurlar üstidin yürgüzgen qanliq qirghinchikliqini qattiq eyiplesh bilen birge, Yawropa birlikini we birlikke eza döwletlerning hökümetlirini Xitaygha qarshi jiddi inkas qayturushqa chaqirip kelgen idi.

5 – iyol Ürümqi weqesidin buyan Uyghurlar mesilisi, Xitayning kishilik hoqoq weziyiti heqqide xelqara sehnilerde elip beriliwatqan talash – tartishlarning merkizi nuxtisi bolup kelmekte.

Yawropa parlamentining 11 – ayning 26 – küni Uyghurlarning kishilik hoqoq mesilisi heqqide qarar alghanliqi, Sherqiy türkistan we uyghurlar mesilisining Yawropa birlikining resmi küntertiwige kirgenlikini, Xitay hakimiyitining uzun yillardin buyan Sherqiy türkistan mesilisining xelqaralishishining aldini elish üchün elip barghan tirishchanliqining we töligen ghayet zor bedellirining boshqa ketkenlikini eniq körsütüp turmaqta.

Bu qarar arqiliq, kommunist Xitay hakimiyitining xelqaradiki jinayet arxipi teximu qelinlidi, kelgüside xelqara jamaetchilikning Xitaygha qarshi yürgüzüsh ehtimali bolghan jaza we embargoning shert – sharayiti hazirlinishqa bashlandi.

Xitay hakimiyitining Uyghurlar üstidin yürgüziwatqan jinayi qilmishliri, dunyadiki süper küchlerning waqti – saiti kelgende we ehtiyaji tughulghanda Xitayning dekkisini berishta qollunidighan mohim kozurlirining birige aylandi.

Hazirmu Xitay, Yawropa birliki teripidin embargo yürgüziliwatqan bir döwlet bolup, Xitayning 1989 – yili Bei jingda elip barghan qanliq qirghinchiliqi tüpeylidin Xitaygha qarita qoral – yaraq embargosi yolgha qoyulghan idi.

Xitay hakimiyiti 10 yildin buyan bu embargoning emeldin qaldurulushini qolgha keltürüsh üchün zor tirishchanliq körsetken bolsimu, emma Yawropa birlikige eza döwletlerning mutleq köp qismi Xitayning kishilik hoqoq weziyitide hech bir yaxshilinishning bolmighanliqini sewep qilip körsütüp, bu embargoning emeldin qaldurulushigha qarshi chiqip kelmekte.
Meluq menidin alghanda Xitay hazir xelqara jamaetchilik teripidin berilgen jazasini chekiwatqan jinayetkar bir döwlettin ibaret.

DUQ teshwiqat merkizi

2009 – yil 12 – ayning 16 - küni

Unregistered
16-12-09, 14:05
America Congresedin chikkan kararmu bar, buni kormidinglarmu?? yaki untup kaldinglarmy???

Unregistered
17-12-09, 12:53
America Congresedin chikkan kararmu bar, buni kormidinglarmu?? yaki untup kaldinglarmy???

untup qalghan bolsa tepip chaplap qoymamsile ? misal teriqiside birla qararni tilgha aptu ...