PDA

View Full Version : Germaniye metbuatlirida, Xitayning Uyghurlargha qaratqan internet – telifun alaqisini



DUQ teshwiqati
11-12-09, 09:49
Germaniye metbuatlirida, Xitayning Uyghurlargha qaratqan internet – telifun alaqisini qamal qilish siyasiti eyiplendi

Xitay hakimiyitining, 5 – iyol ürümqi qirghinchiliqidin buyan weten ichidiki Uyghurlargha qarita internet we telifun alaqisini üzüsh we qamal qilish siyasitini yürgüzüp keliwatqanliqi, xelqaraliq kishilik hoqoq teshkilatlirining we chetel metbuatlirining qattiq eyiplishige uchrap kelmekte.

< Germaniye dolqunliri > radiosining 12 – ayning 10 – küni Xelqara kishilik hoqoq küni munasiwiti bilen elan qilghan mulahiziside, Xitay hakimiyitining Uyghurlargha qaratqan internet alaqisini qamal qilish siyasitining, del Xitay hakimiyitining kütkinining eksiche bir netije bergenliki bayan qilinip, < Xitay bolsa dunya boyiche eng zor kespiy internet saqchi qoshunigha ige bir döwlet, Xitay hakimiyiti ghayet zor bir küzitish sestimisi berpa qilip, internet alaqisida özining qarashlirigha mas kelmigen pikir – eqimlarni qamal qilip kelmekte.
Buyil 7 – ayda Xin jiang uyghur aptonom rayoni > ning paytextide yüz bergen milliy isyan pütün Xitayni zil – zilige salghan idi, hökümet terep bununggha taqabil turushning asasliq charisi süpitide internet alaqisini üzüp tashliwidi, oylimighan yerdin eghizdin – eghizgha tarqalghan ösek sözler xuddi otning üstige yagh chachqandek, naraziliq we toqunushlarni teximu ulghaytish rolini oynidi, bügünge qeder bu rayonning köpligen jaylirining tashqi dunya we Xitayning bashqa rayonliri bilen bolghan telifun – internet alaqisi üzüp qoyulghan > dep körsütüldi.

Xitayning netifun – internet alaqisini qamal qilish siyasiti, chetellerde yashawatqan uyghurlarning eng küchlük naraziliqini we nepritini qozghap keliwatqan mesililerning biri bolup, ularning eng qattiq ghezipini qozghighini bolsa, bu yilliq Roza heyt we Qurban heyt künliride weten ichidiki ata – ana, uruq – tuqqanlirigha telifun qilip heytini mubarekleshtinmu mehrum qalghanliqi idi.

Xitayning qamal siyasitidin keyin, chetellerde yashawatqan Uyghurlar, Dunya Uyghur Qurulti we unung terkibidiki teshkilatlarning yetekchilik qilishi astida, özliri mushtiri we abone bolghan telifun we internet shirketlirige etiraz we naraziliq mektubi yollash kampaniyesini qanaq yaydurup, ulardin Xitayning internet we telifun alaqisini qamal qilish siyasitige qarita jiddi inkas qayturushni telep qilip kelmekte.

DUQ teshwiqat merkizi

2009 - yili 12 - ayning 11 - küni