PDA

View Full Version : Germaniyede xelqara kishilik hoqoq küni munasiwiti bilen namayish



DUQ teshwiqati
11-12-09, 07:44
Germaniyede xelqara kishilik hoqoq küni munasiwiti bilen namayish

DUQ merkizi orgini we DUQ terkibidiki < Yawropa Sherqiy türkistan birliki > teshkilati, Xelqara kishilik hoqoq küni we Birleshken döwletler teshkilati Kishilik hoqoq Xitapnamisi elan qilinghanliqining 61 – yilliqi munasiwiti bilen Germaniyening Miyonhin shehride mexsus namayish uyushturup, kommunist Xitay hakimiyitining Uyghur xelqi üstidin yürgüziwatqan irqiy tazilash we irqiy qirghinchiliq siyasitige qarita naraziliqlirini bildürüshti.

10 – dekabir chüshtin keyin saet 16:30 da Miyonhin shehridiki Odeonsplatz meydani > da bashlanghan we qattiq yamghur astida elip berilghan bu qetimqi namayishqa, Miyon shehride yashawatqan köp sandiki Uyghurlar kelip qatnashti.

Namayish meydanigha, Xitay hakimiyitining we Xitay köchmenlirining Ürümqide Uyghurlargha qarita elip barghan qanliq qirghinchiliqi, shundaqla Shao guandiki irqiy hujumgha dayir echinishliq körünüshler yer alghan chong körgezme taxtiliri orunlashturuldi.
Gerche bügün Xelqara kishilik hoqoq küni munasiwiti bilen Falungongchilar Miyonhindiki Xitay konsulxanisi aldida, Tibetlikler bolsa Miyonhindiki < Meryem ana meydani > da Xitay hakimiyitige qarshi namayish ötküzgen bolsimu, emma, Uyghurlar teripidin ötküzülgen namayishqa qatnashquchilarning sani ulargha selishturghanda alahide köp boldi.

Uyghur namayishchilarning yerimi digüdek ayallardin terkip tapqan bolup, hetta beziliri quchighidiki narside balilirinimu birge elip kelgen idi. ular qattiq soghuq we yamghurgha pisent qilmastin, Sherqiy türkistanning ay – yultuzluq bayriqini we Xitaygha qarshi shoarlar yezilghan lozunka we resimlik taxtilarni igiz kötürüshüp, namayish meydanidin qilche ayrilmay, özlirining weten ichide qirghinchiliqqa we ezilishke uchrawatqan qerindashlirigha bolghan semimiy hesdashliqini we Xitay hakimiyitige bolghan qattiq naraziliqlirini namayen qilishti.

Namayish jeryanida, DUQ we < Yawropa Sherqiy türkistan birliki > teshkilatining rehberliri etrapta namayishni küzitiwatqan ammigha xitaben German tilida nutuq sözlep, Shao guandin ürümqige sozulghan irqiy qirghinchiliqning heqiyqi jeryani we uyghur xelqi nöwette duch keliwatqan zulum we besimlar heqqide etrapliq melumat berip ötti.

Namayish jeryanida yene, DUQ merkizi orgini we < Yawropa Sherqiy türkistan birliki > teshkilati teripidin chetel tilida hazirlanghan teshwiqat waraqliri etraptiki ammigha tarqitip berildi.

Bu qetimqi namayish, chetellik muxpirlarningmu alahide diqqitini jelip qildi, neqmeydanda köp sanda radio – teliwiziye we gezit – Jornallarning muxpirliri bar idi.
Bu qetimqi namayish bashtin – axir nahayiti retlik we tertiplik halda elip berildi.

DUQ ning bash katipi we < Yawropa Sherqiy türkistan birliki > ning reyisi Dolqun Eysa ependim namayish axirida Uyghur qerindashlirimizgha xitaben qilghan sözide, weten ichidiki xelqimiz eghir musibetlik künlerni beshidin kechüriwatqan bügünki künde, erkin dunya elliride yashawatqan uyghurlarning birlik, barawerlik, inaq – ittipaqliqni hemmidin ela bilip, chidighusiz zulum we besim astida yashawatqan Uyghur xelqining yürek sadalirini Xelqara jamaetchilikke layiqida anglitish üchün ortaq küch chiqirishi lazimliqini alahide tekitlep ötti.

Xelqara kishilik hoqoq küni munasiwiti bilen, dunyaning bashqa jaylirida paaliyet elip beriwatqan uyghur teshkilatliri we uyghur jamaetlirimu türlük shekildiki xatirilesh paaliyetlirini uyushturush arqiliq, Xitay hakimiyitining nöwette Uyghurlargha qarita yürgüziwatqan irqiy qirghinchiliq siyasitige bolghan küchlük naraziliqlirini bildürüshti.

DUQ teshwiqat merkizi

2009 – yili 12 – ayning 10 – küni
germaniye - Miyonhin

Unregistered
11-12-09, 15:30
Germaniyediki uyghur qerindashlirimiz bizning heqiyqi pexrimiz we iptixarimiz !!!!