PDA

View Full Version : “Ana Yurt” romanidiki muhim jümle we abzaslar



uaa_admin
08-12-09, 15:20
“Ana Yurt” romanidiki muhim jümle we abzaslar


“Ana Yurt” 1- qisim

mawu ichkirdin chiqqanlar shinjangdek nechche miliyondin jiq Uyghur we bashqa milletlermu bar yerde yurt soraydighanlar bardur dep oylapmu qoymaydu, hey Uyghur , sen bir ténch otlaqta otlawatqan qoy, sirttin böre kelsimu , éyiq kelsimu kelgenliki mexluqni özüngge oxshash qoy dep oylaysen, uni yaylaqta otlisun , yaylisun deysen, uning qesti ot - chöpte emes ,sende. U séni ozuq qilmaqchi , otluqingni yoqatmaqchi , sen buni bilmeysen.

Hoquq igiliri tamamen xenzu , ularni baqidighanlar biz xeq , türmilerde ölüwatqan , hemmila jayda ölüwatqanlarmu biz xeq.


Bizning Uyghurlimiz qanche yil bash panah izdeydikintang. Shéng duben'ge tayinip bext tépish yoli, sabit damollining yolini tutup islam jumhuriyti qurush yoli , sowit ittipaqigha tayinip baylarni yoqitip , kembegheller döliti ---- sotsiyalizim qurush yoli , gomndangni aghdurup , shéng shiseyni yoqitip yen'endiki mawzédungning eskerlirini bashlap kéilip kembeghellerge hakimyetni tutquzush yoli...... ?
--
Ne- nelerdin kélisenu , bizni bashqurisen, ézisen, bikardinla solaysen , öltürisen, sen bizning adem ikenlikimizni hésabqa almaysen, bizdimu insaniy ghurur barliqigha ishenmeysen. Meyli ishenme , héchbolmighanda bizning nepretlineleydighanliqimizni bilishing kérek . Nepretning özi küch, ghezepning özi qoral, sen buni hésabqa almiding. Sen hoquq , miltiq we popozanggha artuqche ishinip ketting , waqti kelgende u nersiliring kargha kelmeydu.


Bir milletning bir nechche yüz , bir nechche ming pidakarliri bolghandila u millet oyghinalaydu, qozghilalaydu, özini qutquzalaydu.


Eskerler kulidin piyade chiqqanda ulargha egiship , yol boyi eskerlerni milichmal bilen teminlep kélidighan xulangzichilar ( xenzu ishlemchi, tüwen qatlamdikilerni körsitidu ) bir séwet bilen chiqip, hazir bu yerde chong bay bolup kétishti , negila barsa tiyenzinlik bay ( tiyenjinlik démekchi ) . Ular yalang ayagh chiqishqan xulangzichilar idi, bayliq - emel shulardin ashmaydu. Kulida déwanichiliq qilidighanliri bu yerge chiqip chong bay, emeldar boliwalidu. Sarang shoymek éliship qalghanlirimu bu yerge chiqip dotey boluwalidu.

“Ana Yurt” 2- qisim

Uyghurlar méhmandost xelq, töt tal Xitay ularni soraydu. Xitaylarni Uyghurning yérige kiriwaldi. Yene téxi bu yer bizning deydu. Sépilni némishqa qorghasiqiche soqimiding? Shinjang dégen sözning menisi yéngi chigra dégen gepken. Séning bolsa némishqa yéngi deysen? Génral kalpakowiski ghuljini 10 yil sorighanda némishqa shinjanggha esker kirgüzüp hemme yerni bésiwélip bu yerde Uyghur döliti qurmidi? Siler Uyghur xeq sitalindin ümid kütmenglar, u silerge hergiz dölet qurup bermeydu.



Shinjangning yéri ngeng, munbet, mal - charwa dégenni qanche qilimen déseng shuninggha imkan bar, méwe - chéwe, köktat , del - derex , altun - kömüsh, néghit, tebiiy gaz .... Néme dése shu bar, lékin bu yerning , ana tupraqning xelqi nadan , kembeghel, bichare!

******* ____ biz yen'enning ghelbe xewirini kütüp turidikenmiz, öz aldimizgha hökümet bulalmaydikenmizma ? Yaq? Uninggha xelq unimaydu, biz Mungghuliyedek bir sotisyalistik dölet qurimiz!
_____ sotsiyalizim qurmisaq bu oruslar bizni bir künmu turghuzmaydu. Uni qilimiz, lékin dölet bulishmiz kérek.
_____ unimischu?
_____ unimisa shinjang dégen namni yoqitip bashqa nam qoyup sowit ittipaqigha qoshulimiz !
____- uninggha sitalin unimaydu.
____ siler miltiqni gomindanggha qaritip atisler , wezipenglar birla : gomindangni qoghlap chiqirish . Kelgüside quruludighan hökümetni sitalin belgileydu.
_____ zalimliq,mustebitlik, urushni biz Uyghur qilimiz, qanni biz tökimiz, buyruqni sowit , orus béridu, teqdirimizni oruslar, yatlar belgileydu.....


Hemme adem toghulghan jayida yashisa , dunyada jédelmu , qirghinmu bolmisa deymen. Xitaylar kulidin kelmise shinjanggha majra , zulum nedin kéletti. Yérimizge kélidu- de , yerni desseshni yaratmay , béshimizgha desseydu. Mundaqmu nainsap xeq bolidiken.

" tirilish " dégen romanda :" pütün rosiye bir türme " dégen'ge oxshash , bizning bu yurtimiz shinjangmu hazir bir chong türmige türmige ,siyasi türmige aylandi.



___ biraq ,shinjang 2000 yildin béri , jang chiyen, benchawlar qedem basqandin tartip bizning yérimiz ikenliki munazire telep qilmaydighan pakitte.
___ bu biz xenzularning köz qarshimiz, chet ellikler undaq qarimaydu. Misali, seddichin sépilini némishqa shinjang ichige soqming, shinjang sirtida qalidu? Yene némishqa bu zémin'gha shinjang ( yéngi chigra ) dep nam qoyulghan. Bu nam 1884- yili qoyuldighu , dése tilimiz tutulup qalidu. Uning üstige bu zémindiki milletlerni adem ornida körmigenlikimizmu rast, bizdiki hedidin ziyade milletchilik, milliy zulum, milliy kemsitish , xorlash mu bir pakit.


Munu ötkenki qoghlighan, qachqanlarning tetüriche seper bashlighan ezimetlerning yéshil bayriqi tarix bétige némilerni yazarkin. Tükülgen ter bilen qan , chöllerde qalidighan yégit söngekliri yéshi qurumaslarning eslimisi bularmu yaki pexirlen'güchilerning abidiliri bolup qalarmu?

Yermu Uyghurlarning , lékin ularni biz xenzu xeq soraymiz, biz sorighankenmiz, ézimiz , hökümet , esker, saqchi , qanun bizning . Xalisaq öltürduq, türmige salduq. Shunche bayliq , mashina - mashinida ichkirge kétiwatqan altun- kömüsh , ünche - merwayit , qashtéshi , pul - dunyani ular yaritidu, biz alimiz , bu bir adaletsizlik.


Shinjangdiki bu topilang ( üch wilayet inqlabini démekchi ) shularning ishi ( komunstik partiye bilen sowitni démekchi ) . Gerche bu yerge yen'endin birer siyasi rehber kelmigen bolsimu , beribir shundaq. Qizil bayraq mexpiy, ay yultuzluq kök bayraq , aq bayraq ashkara ! Bolmisa sowét ittipaqi qoral, komandir chiqirip banditlarni ( Uyghurlarni démekchi ) bunche qollayttimu?


Dunyada wijdan igilirige milliy haqaret, milliy kemsitishtinmu qattiq xorluq bolamdu? Shunga bundaq réalliqni özgertish üchün qozghilish kérek, inqilap qilish kérek,,!

“Ana Yurt” romani 3- qisim


Dunyada özining döliti bolmighan millettinmu bichare xelq bolamdu? Bir milletning eng katta menpeeti uning döliti bolghanliqida .
Qurban bérishke özini atighan minglighan oghlani bolmighan millet menggülük qul.


___ shinjangning yer asiti xilmuxil bayliq, tügimes néfit, yer üsti déhqanchiliq -charwichiliqqa tolimu paydiliq kengri zémin, taghliri orman bilen tolghan, chöllirimu dunyada kem uchraydighan janliq, jansiz bayliqning kani....bundaq yerni kimmu méning dep talashmisun, yalghan tarix yasimisun? _ dédi reximjan ziyapette ichiken haraqning küchi bilen janlinip ,- jang jijung génral yalghuz siyasetchila emes,tarixchighu , éytinga , exmatjan ependim,shinjang dégen söz yéngi chégra dégen söz deydu, rastimu?
_______ men türmide xenzuche xet ögen'gen,- dédi exmetjan qasimi külüp , - shin dégini yéngi déginiken, jang dégini chégra dégen sözken. Qisqiisi yéngi chigra dégen bolidiken!
_____ him, 2000yil burun bu xi -tay xeqning bolidikenu ,1-din , shinjang sépil sirtida , 2- din, yéngi chigra dep nam qoyudiken. Anglisam bu nam 1884- yili qoyulghanken'ghu, hésablisaq u yaqta 16yil, bu yaqta qiriq besh yil , bar yoqi 61 yil boptu, bu isim qoyulghinigha, ha ,,ha ,,ha ,,,rast koniken,koniken...
_____ junggu dégen tarix emes , siyaset sözlinidighan jay emesmu? , dédi exmetjan qasimi,_ biz weziyetke maslashmisaq ziyan tartimiz. Sowit ittipaqi shinjangning musteqil bolushini xalimaydu, biz sowt ittipaqining körsetmisi boyiche ish qilmisaq bolmas rexmjan sabiri .



Rast , junggu zéminida tang yurumaqta ,yen'en ghaliplar süpitide béyjinggha köchti. Jijang jyéshi teywen'ge qéchish aldida, sheriqtiki bu büyük tupraqta alemshumul özgirish peyda boldi. Jungxua min'goning ornini jungxua xelq jumhuriyti égilimekchi! Bu zor xushalliq mangghuchilarni ( exmetjan qasimi , delilqan sogurbayof,'abdurkéirim abbasof .....qatarliq wekiller ) ilidiki barliq hökümet, armiye rehberliri,xelq wekilliri uzitishi kérek idi, lékin ular altayni közdin kechürüsh nami bilen mexpi yolgha chiqti. Mashinilar ghuljidin almutigha qarap yürüp ketti....
Goya tökülgen qanlar pajieni meqset qilghandek, eziz qurbanlar téiriklerni yanlirigha chillawatqandek, hemmila ademning budunya bilen xoshlashqusi kelgen'idi. Lékin qoyuq ormanla keynidin - künchiqishtin asta bash kötürüwatqan qoyash insanlarni hayatqa, yashashqa- bextke chillimaqta idi!

http://uyghursky.cn/ din ilindi.

Unregistered
08-12-09, 16:13
"Ana Yurtung aman bolsa rengi roying saman bolmas" dep, Ana Yurtning amanlighini bilmey chachlar akhirip rengimiz saman boldi.

Unregistered
08-12-09, 16:45
"Ana yurt" ramanningmu "uyghurlar" romanigha oxshash cheklensun dimekchimu?"Ana yurt "romanni oqughan adem yuqurdiki abzaslarni chushinidu.buni sazayi qilixning hajiti yoq.

Unregistered
08-12-09, 17:23
ajayip insande ! siz bu romanni yada bilemsiz? kechurung bizge yada emes gerche 3 qitim oqughan bolsammu yenila yaxshi uzundilirini yaxshi esliyelmeymen.bashqilqr ejir qilip chaplap qoysa ,rexmet diyish kirek ,bu koyulghan qismi kitapning birinchi neshiridila bar.ozgertilginide yene bashqicherek. tuxumdin tuk undurmeyli.

Unregistered
09-12-09, 10:51
"tirilish " dégen romanda :" pütün rosiye bir türme " dégen'ge oxshash , bizning bu yurtimiz shinjangmu hazir bir chong türmige türmige ,siyasi türmige aylandi.

Unregistered
09-12-09, 15:24
togra daysiz , weten hazir chong bir karanggu turmiga usti uchuk turmiga aylandi!!