PDA

View Full Version : DUQ, Teshkilatlarni Xelqara Insan Heqliri Künini xatirleshke chaqiridu



Unregistered
30-11-09, 09:18
Dunya Uyghur Qurultiyi Teshkilatlarni Xelqara Insan Heqliri Künini xatirleshke chaqiridu

12-ayning 10-küni Xelqara Insan Heqliri künidur. „Kishlik Hoqqu mesilisi“ milli chigiralarni halqip ötüp, insanliq dunyasining ortaq köngül bölüshige, diqet qilisihigha erishwatqan eng nazuk, muhim bir mesilige aylinwatqan bügünki künde, Xelqara Insan Heqliri künining ehmyiti teximu ashmaqta. Bu kün, demokiratik döletler, xelqara teshkilatlar teripidin her xil shekiller bilen xatirlinip, Insanlarning „Kishlik Hoquq“ mesilisige bolghan diqitini we qizqishini kücheytmekte.

Kishlik hoquq insaniyetning ortaq bir qimmet qarishi bulup, kishlik hoquqqa hörmet qilish dunyadiki umumi bir seperwerlik buliwatqan bolsimu, Xitay hökümititi Insaniyetning ortaq arzusigha xilap halda, Insan heqlirige bolghan tajawuschilighini teximu shidet bilen kücheytmekte. Sherqiy Turkistan xelqi üstidin dawam qilduriwatqan Siyasiy, Ijtimaiy, Iqtisadiy sahelerdiki zulmi we Maarip, Medeniyet, Sen`et, Til qatarliq jehetlerde èlip bèriwatqan qirghinchiliqliri tarixta misli körülmigen derijige berip yetmekte.

Xitay hokumiti 10-ayning 12-küni atalmish uchuq sot echip, 6 neper Uyghurgha ölüm jazasi berip, aridin 2 kün ötkendin kiyin 14-öktebir küni yene 5 neper Uyghurgha ölüm jazasi bergenligini jakalidi. Xitay hokumitining bu wehshi qararigha nispeten Xelqra Teshkilatlar narazliqlirini bildurup, Xitay hokumitning hichqandaq qanuni jeryanlarni besip otmey ilan qilghan bu qararini emeldin qaldurushni telep qildi. 11-ayning 26-küni Yawrupa Parlamenti mexsus qarar maqulap, Xitay hokumitining Uyghurlar ustidiki ölüm jazasini toxtutush, Uyghurlarning heq-hoquqigha hormet qilishni, qattiq zerbe berish siyasitini toxtutushni iltimas qildi.

Bu munasiwet bilen Dunya Uyghur Qurultiyi, 12-ayning 10-küni, Xelqara Insan Heqliri künide barliq Sherqiy Turkistan Teshkilatlirini, Wetenperwerlerni Xitay Elchixanliri, Konsulxanliri aldida narazliq namayishliri ötküzish, Metbuat Bayanatliri ilan qilish, muxpirlarni kütwelish we muhakime yighini uyushturush qatarliq xer-xil shekildiki paaliyetlerni uyushturush arqiliq, Xelqara Insa Heqliri Künini xatirleshke, Xitay hökümitining 9 neper qerindishimzige ölüm jazasi bergenligini lenetlep, Xitay Hökümititining Insan Heqliri qirghinchiliqlirini pash qilishqa we Sherqiy Turkistan xelqining erkinlike, insan heqlirige, demokiratiyege bolghan arzusini namayen qilish chaqiridu.


Hörmet bilen;
Dunya Uyghur Qurultiyi

2009-yili 11-ayning 30-küni