PDA

View Full Version : shinjangliqlar bek bekinmé



Unregistered
20-11-09, 13:39
shinjangliqlar bek bekinmé



Wujiyaxu


Ömerjan hesen bozqir terjimisi


Shinjang yawro- asiya chong quruqluqining merkizige , junggoning gherbi qismining bir burjikige jaylashqan, déhqanchiliq ,charwichiliq igiligi asasiy orunda turidighan jay. Buxil jughrapiyilik orun we natoral déhqanchiliq igiliki shinjangliqlada békinmichilik aditini yétildürgen. << Shinjangdin chiqirish kénishkisi >>del buxil tepekkurning mehsulidur. 1960-,1970-Yillarda pütkül memliketning her qaysi jaylirida ishlepchiqirish wastiliri intayin kemchil bolsimu , lékin shinjangning bayliq menbesi xélila mol idi. <<Özidin ashsa yatqa >>dégendek hem shuning bélen birge menpetini qoghdash üchün shinjang bayliq menbesini qoghdash nami bélen paxta, qoy yungi, chüchük boya, gazir qatarliq nechche yüzxil bazarliq tawarni << shinjangdin chiqirish kénishkisi >> arqiliq testiqlindighan da'ir'ee kirgüzgen. Eger siritqi ölkiler éhtiyajliq bolsa choqum zor miqdarda heq tölep << shinjangdin chiqirish kénishkisi kénishkisi >>béjirishi kérek idi.Siritqi ölkilerning iqtisadiy sahesidiki nurghunlighan erbaplar :<< atalmish shinjangdin chiqirish kénishkisi emeliyette tapan heqqidin bashqa nerse emes>> dep del jayida éyitqanidi.Téximu külkilik bolghan yéri shuki,shinjangliqlar mallirini << shinjangdin chiqirish kénishkisi>> arqiliq chiqarmaqchi bolup yürgen künlerde siritqi ölkiler chet'ellerdin hem erzan, hem süpetlik bolghan pakistan paxtisi , awistiraliye yungi ni kirgüzüp,shinjangni paxta sétish tes bolush , yung sétish tes bolush tek qiyin ehwalgha chüshürüp qoydi. Emeliyet << shinjangdin chiqirish kénishkisi >> ning pilanliq igilikning tipik mehsuli , tar da'irdiki yerlik békin michililkning merkezlik ipadisi , hökümet funkitsiyisining hoquqidin halqip ketkenliki, bashqurushqa tégishliklirini bashqur may bashqurmasliqqa tégishliklirini bashqurimen dep turiwalghanliqini yene kélip bashquralmaydighan ishlargha chad kériwalghanliqini ispatlap qoydi. << Shinjangdin chiqirish kénishkisi >> gerche belgülük miqdarda qismen payda élip kelgenbolsimu lékin shinjang buning üchün éghir bedel tölidi. Bazar igiligining tiklinishige egship << shinjangdin chiqirish kénishkisi>> gerche tarix sehnisidin chékin'gen bolsimu , lékin yerlik békinmichilik shinjangda yenila mewjud bolup turmaqta. Uning eng tipik wekillik misali shinjangning iqtisas igilirini'almashturush belgülimisi bolup ,uningda mundaq diyilidu: << omumen shinjangdiki aliy mekyeplerni püttürgen oqughuchilar yaki ichkiridiki aliy mekyeplerni püttürgen shinjangliq oqughuchilar eger shinjangdin ayrilip bashqa ölkilerde xizmet qilmaqchi bolsa choqum munasiwetlik tarmaqlargha xéli köp miqdardiki terbiylinish heqqi tapshurushi kérek >> . Bu emeliyette << shinjangdin chiqirish kénishkisi>> ning özgertilgen nusxisidin ibaret bolup, peqet shinjangdin chiqidighan obékitla oxshimaydu xalas. << Shinjangdin chiqirish kénishkisi >> da qamal qilin'ghini maddiy eshya bolsa terbiylesh heqqi arqiliq cheklindighini iqtisas igisidur. Emeliyette iqtisas igilirini qamal qilghili bolmaydu. Bingtüenning déhqanchiliq meydanidiki melum xizmetchining oghli shi'en qatnash unwérsitétining bi'ologiye qurulush kespide oqughan. Hal-küni anche yaxshi bolmighan bu déhqanchiliq ishchisi oghlining kelgüsi istiq pali üchün , terep-terepke chépip , dositliridin qerz élip yürüp , oghli oqush püttürüp teqsim qilinish harpisida 6000yuen terbiylesh heqqi ni tapshurup, oghlining shi'endiki melum ilmiy tetqiqat ornida öz qabiliyitini jari qildurushi üchün shara'it hazirlighan. Iqtisas igilirining qamal qilinishi iqtisas igliri bayliqini zor derijide israp qiliwétidu. Gézitte xewer qilinishiche,shinjangda 1960-,1970-yillarda chingxua unwérsitétining topa tash qurulushi kespini püttürgen bir aliy mektep oqughuchisi bolup , hazirghiche yenila bingtüendiki melum yéza igilik meydanida ügen'ginini ishlitidighan yer tapalmay yürgen. 2000-Yili yünnen unwérsitétining muhit qoghdash kespini püttürgen shinjangliq bir qiz oqughuchi shinjanggha kélip xizmet izdigende soghuq mu'amilige uchrighan, axirda közige yash alghan halda shinjangdin ayrilip , kunminggha xizmet izdep kétip qalghan. Azraq wijdani bar ademla :<< shinjang shunche kengri tursa ,néme üchün chingxua unwérsitétining bir oqughuchisigha öz karamitini körsetküdek yer chiqmaydu? Shinjang shunche chong tursa néme üchün shinjangliq bir qiz oqughuchigha bash tiqqudek makan chiqmaydu?>> Dep sorimay turalmaydu. Ah , bipayan shinjang , sen qachanmu baghringni keng échip , jushqun keypiyat we échiwétilgen qiyapiting bélen igiz sépillarni buzup, qatmu qat tosaqlarni chörüp tashlap , herxil mallar erkin -azade almashturilidighan, ademler erkin -azade bérip- kéleleydighan halgha kélersen-he?

(Xenzuche << gherbiy qisim >> zhurnilining 2001-yil 8-sanidin terjime qildim)