PDA

View Full Version : pop we musulman bala



Unregistered
09-11-09, 18:03
pop we musulman bala


se'udi erebistanliq bir bala amérikida oquydiken, amérikida bir tereptin oqushni oqughach, yene bir tereptin insanlarni islamgha dewet qilidiken. bu bala bir küni bir xiristi'an bala bilen tunushup qéliptu. kün ötkensi'éri uning bilen bolghan alaqisimu xéli quyuqliship qéliptu. musulman bala oltursa- qopsa xiristan tunushining musulman bulushini ümid qilidiken, we buning üchün qolidin kelgenni qilidiken. bir küni bu ikki bala mehelle aylinwétip bir chérkawning yénidin ütüp qéliptu, bu esnada héliqi xiristi'an bala musulman aghinisidin özi bilen birge chérkawgha kirishini ötünüptu, musulman bala deslepte onumaptu, lékin axiri xiristi'an aghinisining qattiq teliwige maqul boluptu. netijide bu ikki bala birlikte chérkawgha kirip üstellerning biride olturuptu, bir az jimjitliqtin kéyin pop kirip chérkawdikilerge bir qarap chiqip " arimizda musulman körüniwatidu, uning chiqip kitishi lazim" deptu. héliqi musulman bala midirlimay olturuwériptu, pop sözini bir qanche qétim tekrarlaptu, musulman bala awwalqidekla olturuwériptu. shuning bilen pop " uning chiqip kitishi lazim, uning bixeterliki kapaletke élinidu, ununggha héchkim chéqilmisun" deptu.

musulman bala bu gepni anglap ornidin turup chiqip kitishke méngiptu. lékin ishik aldigha bérip toxtap turup poptin " mini qandaq tunudung? " dep soraptu. pop: " musulmanlarning yüzliride nishani bar " dep jawab biriptu. shuning bilen bu musulman bala ishik terepke burulup chiqip ketmekchi boluptu. bu arida pop musulman balidin bir qanche so'al sorap yéngiwitey dégen mexsette uninggha" toxta! men sendin so'al soraymen" deptu. musulman bala buninggha maqul boluptu.

pop: " undaq bolsa mining sendin soraydighan 20 nechche su'alim bar, sining hemme su'alimgha jawab birishing lazim" deptu. musulman bala külümsirep turup " xalighiningizni sorang" deptu. shundaq qilip pop bilen musulman balining arisida töwendiki dé'aloglar bolup ütüptu.

s: ikkinchisi yoq bir?

j : yekke yégane bir allah.

s: üchünchisi yoq ikki?

j : kéche bilen kündüz.

s: tötinchisi yoq üch?

j : mosa eleyhisalamning jibril eleyhisalamgha éytqan özriliri.

s: beshinchisi yoq töt?

j : tewrat, injil, zebur we quran kerim.

s: altinchisi yoq besh?

j : besh wax namaz.

s: yettinchisi yoq alte?

j : allah ka'inatni yaratqan alte kün.

s: sekkizinchisi yoq yette?

j : yette qat asman.

s: toqquzunchisi yoq sekkiz?

j : erishni kötürüp turghan sekkiz perishte.

s: oninchisi yoq toqquz?

j : mosa eleyhisalamning toqquz möjizisi.

s: köpeytishni qobul qilidighan on?

j : yaxshi emeldur, allah uni köpeytidu.

s: on ikkinchisi yoq on bir?

j : yüsüf eleyhisalamning bir tughqanliri.

s: on üchünchisi yoq on ikki?

j : mosa eleyhissalam hassi bilen tashqa urghanda tashtin étilip chiqqan on ikki bulaq.

s: on tötinchisi yoq on üch?

j : yüsüf eleyhisalamning on bir tughqanliri we ata- anisi.

s: nepes alidu jéni yoq?

j : tangning yurushi.

s: égisi bilen mangghan qebre?

j : yünüs eleyhisalamni yutup ketken béliq.

s: yalghan éytqan we jennetke kirgen kishiler?

j : yüsüf eleyhisalamning bir tughqanliridur, bular dadisi yequb eleyhisalamgha yalghan éytqan, kéyin yequb eleyhissalam bulargha meghpiret telep qilghan.

s: allah özi yaratqan we özi yaxshi körmigen nerse?

j : éshekning awazi.

s: allah ata- anisiz yaratqan sheyiler qaysilar?

j : adem eleyhissalam, perishtiler we salih eleyhisalamning tögisi.

s: ottin yartilghan kishi?

j : iblis.

s: ot bilen halak qilinghan kishi?

j : ebu jehl we uning tereptarliri.

s: ottin saqlanghan kishi?

j : ibrahim eleyhissalam.

s: tashtin yartilghan nerse?

j : salih eleyhisalamning tögisi.

s: tash bilen halak bolghanlar?

j : eshabulfiyl.

s: tash bilen saqlanghanlar?

j : eshabulkehib.

s: allah özi yaritip özi chong sanighan nerse?

j : ayallarning hiylisi.

s: bir derex bar, u derexning on ikki putighi bar, her- bir putaqta ottuzdin shax bar, her- bir shaxta beshdin méwe bar, méwining üchi sayida, ikkisi aptapta, bu néme?

j : derex bir yildur, on ikki putighi on ikki aydur, her- bir putaqta ottuzdin shax démek her ayda ottuz kün bar démektur, her shaxta beshtin méwe bar, üchi sayida, ikkisi aptapta dégen gep bir künde besh wax namaz bar, üchi qarangghuluqta oqulidu, ikkisi yuruqluqta oqulidu, dégen bolidu.

musulman bala popning su'allirigha hich duduqlap qalmastin jawab bergendin kéyin pop we chérkawdiki pütün xiristi'anlar bu balining hushiyarliqigha heyran qéliptu. bu bala chiqip kétey dep temshiliwétip poptin bir so'al sorashni telep qiliptu. pop maqul boluptu. shuning bilen bu yash musulman bala poptin mundaq so'al soraptu.

s: " jennetning achquchi néme" dep soraptu.

pop bu su'alni anglap ganggirap qéliptu. tilini chaynighili bashlaptu, renggi özgiriptu, we qorqinchisini yushuralmaptu.

chérkawdikiler poptin balining su'aligha jawab birishni telep qiliptu, we " sen bu balidin yigirme nechche su'al sorudung, bu hemme su'algha jawab berdi. emdi bu sendin bir so'al sorisa jawab birelmemsen?" deptu.

pop: " jawab bireleymen, lékin silerdin qorqimen." deptu. ular sini héchnime qilmaymiz, bu su'alning jawabi néme bolsa qorqmay dégin " deptu. pop ulardin amanliq wedisi alghandin kéyin u balining su'aligha mundaq jawab biriptu.

j : jennetning achquchi bolsa " eshhedü'en la'ilahe illillah, we'eshhedü'enne muhemmeden resulullah " dur deptu. we pop musulman boluptu. bununggha egiship chérkawdikilerning hemmisi musulman buluptu.