PDA

View Full Version : Üch Xil Küchni Birleshtüreyli !



Unregistered
14-10-09, 10:53
Qaplap koyghuqidin
Üch Xil Küchni Birleshtüreyli !
Bu témini axirida Adnan Tehrirligen. Waqti 2009-8-16 16:17

üch xil küchni birleshtürüsh musteqillighimizning asasliq yadrowi küchi !!!.

Weten Ana ! Ana bolsa hemmidin ulugh! (jennet bolsa anining tapinining astida, r s a ) ikki dunyaliq bext-sa’adetke érishey déseng Anangning xizmitini qili ! Anangning sanga bergen AQ sütini aqlaymen deseng, Ana wetenge qan-teringni singdür! bu jarangliq heqiqet hergizmu özgermeydu!.
Weten bizning animiz uni hörmet qilish, uning`gha xizmet qilish,uni qoghdash,uni himaye qilish,balining anigha bolghan baliliq qerzi bolghinidek, bizning U Ana wetenni tajawuzchilar qulidin qutuldurup, Uning baghridiki éziliwatqan,talan-taraj qiliniwatqan,bulghiniwatqan,shundaqla insan tesewwur qilghusiz derijide depsende qiliniwatqan,shu muqeddes Ana wetenni, hemde uning qoynidiki barliq tagh-tupraq,deshti-derya,baghubostan,del-derexlerdin tartip barche jansiz we janliqlarni qutuldurush , beeyni öz Animizni basquchi tajawuzchilarning qara chang`gilidin qutuldurghan bilen oxshash! mana bu yolda herqandaq bedel tülesh menki Sherqi Türkistanliqning hemmisige birdek Perz !
Bu perizini ada qilish 7 yashtin 70 yashqiche bolghan her-bir Sherqi Türkistanliq Er-Ayal musulmanning imani mejburiyiti !.

Bu büyük mejburiyetlirimizni ada qilish üchün biz némilerge mohtaj ? we qandaq qilishimiz kérek ?!

1. insan uzidiki barliq qiyinchiliqlarni qet’iy yéngish üchün, U insanda büyük derijide sunmas rohi jasaret bulishi,bu rohi jasaret arqiliq herqandaq qiyinchiliqlargha qarshi turush xaraktéridiki qet’iy iradisi bulishi kérek! U insan bundaq küchlük iradini peqetla , hemmidin küchlük bolghan Yaratquchining yardimi arqiliq özige mujessem qilalaydu. Uning üchün U insanda eng küchlük bolghan Iman-étiqad bulishi shert !.
Bundaq ilahi-étiqadqa érishken insan, hayatidiki barliq ishlirida shu büyük ilahi-roh qa tayinidu we uningdin yardem soraydu,shu arqiliq özi duch kelgen herqandaq qiyinchiliqlardin qet’iy endishe-qorqunch,weyaki ikkilinish-meyüslinish hés qilmastin, Eksiche Shu ilahi-rohni ata qilghan eng qudretlik Allah tin téximu imani küch-quwwet alidu, mana bu ilahi-rohi küch-quwwetning jasariti bilen Allahtin bashqa héch qandaq mexluqtin qorqmaydu we Allahtin bashqigha qul bolushni mutleq qobul qilmaydu.
Mana shundaq ilahi küch-quwwet bilen qorallan’ghan ejdadlirimiz nechche yüz yillar dawam qilghan büyük impériyilerni qurup pütün dunyagha cheksiz medeniyetlerni taratqan idi, Ming epsuski, kéyinki dewrlerde musulmanlarning eqidisi susliship, bundaq ilahi-roh bilen daima ozuq élish derijisi töwenligenséri musulmanlardiki rohi-jasaret ajizlashqa bashlidi we barliq dunyawi teshwishler ularning wujudigha kiriwaldi, bu ehwalni marap turghan islam düshmenliri derhal ashkara we yoshurun hujumgha ötti,ularning hujumigha qarshi torghidek ilahi-rohtin yiraqliship ketken bichare musulmanlar tuyuqsiz teshwishke chüshti we qorqunch derijisige kélip köpligen muqeddes tupraqlarni qoldin bérip qoydi,shu arqiliq özining büyük seltenetlirini yoqitip , alemge meshhur bolghan büyük hakimiyetliri bir-birlep qoldin kétishke bashlidi. Ene shundaq pursetni qoldin bermigen tajawuzchilar kündin-kün’ge ilgirlise-ilgirlidiki hergizmu toxtimidi, hetta bu zéminning igilirini tamamen yoqitip peqetla özliri yalghuz yashash niyitige kélip, bu zémin igilirini xalighanche depsende qilip yoqitishqa bashlidi we ta hazirghiche shu suyiqestlirini dawamlashturmaqta.
Gerche musulmanlar bu zulumdin qutulush yollirini hertereplime izdigen bolsimu bekla kéchikip qalghanliqi üchün,bu musulmanlar zéminigha qatmu-qat singip kirip jung’gha chaplashqan budushqaqtek taki köydürüp yoqatmighuche ayrilmaydighan derijide chirmiship ketken tajawuzchilarni tazilap chiqirish unche asangha chüshmidi we bu xil tazilash mujadilelirimiz ta hazirghiche dawamlashmaqta.
Biz Uyghur Musulmanliri bu tajawuzchilarni qandaq yol we qandaq chare tedbirler bilen bu Ana tupriqimizdin tamamen tazilap chiqiralaymiz? buning üchün her-bir Sherqi Türkistanliq musulmanning wujudida esli ejdadlirimiz özige mujessemleshtürgen ilahi-roh ( héqiqi iman ) bulishi awwalqi shert ! mana shundaq ilahi-roh bilen mujessemligen musulman jamaiti özining barliqini özining Anisi bolghan Ana wetini üchün teqdim qilalaydu, we bu yolda héchqandaq bir mexluqtin qorqmaydu. bundaq ilahi küch-quwwetke ige bolghan jamaetchilik del biz hazirlashqa eng éhtiyajliq bolghan bir bölek musulman pida’iyliridin ibaret bolup, bular del biz birleshtürmekchi bolghan birinchi küch hésablinidu !.

2. Ata-bowimizning sözliri bilen éytqanda, Xelq qoyning qozisi uni qeyerge bashlisang ular shu yerge mangidu ! démek yuqiriqi büyük küch-quwwetke ige bolghan jamaetchilik del shu xelqning özi bolup, ularni toghra yolgha yaki xata yolgha bashlaydighanlar del shu xelqning ilim ehli bolghan elsöyer ziyaliyliridin ibaret ! chünki ularning her-bir sözlirini yaki her-bir yazghanlirini shu xelq oquydu we uningda néme yézilghan bolsa, uni oqughuchi xelq shu boyiche chüshenche hasil qilidu.
Xelqimizning bu xil éhtiyajini ezeldinla tuluq temin etip kelgen köpligen edip-yazghuchilirimiz özining barliq hayatini öz milliti üchün teqdim qilip ötken bolsimu,kéyinki dewride tarixning issiq-soghuq shamalliri ularni türlük boran-chapqunlargha uchritip xelq bilen ularning arisini üzüwétish suyiqesti bilen türlük hiyle-neyrenglerni oydurup chiqip, U yazghuchilar namidin islamni qarilaydighan we islamgha küchlük ésilghanlarni kemsitidighan yalghan teshwiqatlarni yézip tarqitip musulman xelq ammisi bilen xelqning yol bashlighuchisi we xelqning awazi bolghan Ziyaliylar otturisigha yirtilmas qara perdilerni peyda qildi.
Bu suyiqestni sezmigen birqisim janbaqti poshkalchilar we nan korisi dini zatlar, héliqi yalghan teshwiqatlarni destek qilip körsitip imkan tapsila yazghuchi ziyaliylarni tillaydighan we ularni dinsiz (kapir) deydighan derijige yéti.bu naheqchilikke chidimighan ziyaliylar bu ishning esli sewebini bilsimu yenila tajawuzchi hakimiyettin alalmighan achchiqini , shu nadan janbaqarlardin élish üchün xurapiyliqqa qarshi obzorlarni élan qilishqa bashlidi we toxtimastin dindarlarni haqaretleydighan bezi kitablarni yézishqa bashlidi,bu ehwalni körgen hiyliger xitay hökümiti , shu yazghuchilargha yuqiri derijide qelem heqqi töligendin sirt bularning yazghan kitablirini derhal neshidin chirip keng kölemde tarqitishqa bashlidi. buni körgen bezi wijdansiz chala sawat atalmish yazghuchilar menmu mushu témida kitab yazsam héchqandaq tosalghusiz neshrdin chiqidiken shu arqiliq alahide yazghuchilar qataridin orun alalaydikenmen dégendek jahilane menseppereslik köz qarashliri bilen,dindarlarni kemsitidighan bu xil temidiki kitablarni toxtimay yézishqa bashlidi.
Mana mushundaq échinishliq aqiwettin kéyin xelqimiz ichide dindarlar bilen xelqning yétekchiliri bolghan AQ köngül ziyaliyliri arisida tügimes öch-adawetler ortigha chiqti we bu ziddiyet peqet ikki xil kishiler arisidila emes belki, barliq dindar ixlasmen xelq bilen weten millitige sadiq bolghan japakesh ziyaliylar otturisigha yirtilmas qara perdilerni peyda qildi.
Netijide Xitay tajawuzchiliri, bu xil hiyle-neyrenglik zeherliri bilen xelqni aldash arqiliq, xelqni öz yolbashchiliridin tamamen dégüdek yiraqlashturuwetti . ta hazirghiche bu xil zeherning tesiri biz Uyghur millitining tepekkuridin hemde wujudidin tazilanmay turmaqta. bundin kéyinki jiddiy tüzetmise bolmaydighan xataliqlarning biri ,del yazghuchi- ziyaliylar bilen dindarlar we awam xelq otturisini islah qilishtin ibaret bolup, mana biz birleshtürmekchi bolghan eng zor küchning ikkinchisi del xelq bilen xelqning AQ köngül Ziyaliyliridin ibaret !.

3. Hiyliger xitay tajawuzchiliri wetinimizni ishghal qilghandin tartip yuqiriqidek suyiqestliri bilen,awam xelqni qaymuqturup ularni öz yétekchiliridin ayrish meqsitide türlük rezil charilerni élip bardi,bulardin biri atalmish meynet inqilabidin ibaret bolup, bu xil yawuzluqliri arqiliq baylarni xelqtin we xelqning yétekchiliridin ayrish yolini qollinip, Azraqla iqtisadqa ige bolghan kishilerge , poméshchik-bay déhqan dégendek qara qalpaqlarni kiydürüp xelq aldida tenqid qildurdi, buxil neyrenglerge alliburun aldinip bolghan exmeq,nadan, bichare xelq , qarni ach qalghanda nan bergen,soghuqta tongsa kiyim bergen baylarni saranglarche urup bezilirini shu meydanda öltürdi, bezilirining yürek baghrini lexte-lexte qan qilip saqaymas késel qiliwetti,bu nankorluqqa chidimighan Uyghur bayliri ewladlirigha wesiyet qilip ,kembeghelni bozek qilmisang qiyamette soriqi bar! dégen xata wesiyetni qaldurdi.
shundin kéyin baylar bilen kembegheller otturisida bir-birige ishenmesliktek rehimsizlik ewjige chiqip,birer kembeghel-bicharilerning béshigha éghir kün kelse ,uninggha qaraydighan héchkim chiqmidi, mushu sewebtin nurghunlighan aghriqlar dawalinish pursitige ége bolalmay teqdiri ilahi-hukü’ge boy sunup bu dunya bilen xoshlashti.yene bir qisim yoqsullarning balliri aliy mekteplerge uqushqa ötken bolsimu lékin ularda iqtisad bolmighanliqtin ballirini oqutalmay axiri yene özige mirasxor qilip ,zalimlarning tügimes hasharlirigha heqsiz medikar qilip qaldurdi, yene bezi yétim chong bolghan oghullar öylinish yéshigha yetken bolsimu biraq iqtisadning yoqluqidin turmush quralmay , uzundin nishanlap kelgen muhebbitige érishelmey axiri hayattin omumen ümidsizlendi weyaki shu achchiqida baylargha bolghan nepriti téximu éship ,axiri birer xataliqlargha qol urdi .
shundaq bolsimu özining imani eqidisini üstün orunda qoyup kelgen köpligen ixlasmen iqtisad igiliri bu xil köz qarashlirini özgertip , yétim-yésir tul bicharilerge méhri-shepqetlik séxi qollirini sunup millitimizning ésil en’enisini yenila dawamlashturmaqta. biraq burunqigha qarighanda bu xil saxawetlik qérindashlirimiz yenila yéterlik emes. bundaq déyishimning sewebi shuki 1933-yildiki qurulghan Sherqi Türkistan islam jumhuriyiti ning qoral-yaraghqa bolghan éhtiyaji intayin yuqiri bolghachqa Sowét ittipaqidin qoral-yaragh sétiwélish üchün ruslar bilen kélishim qilghanda, esli xitaylarning dosti bolghan Rus namerdliri , qarighuni tar yerde qistap 25 qoygha bir miltiq bérishke maqul bolghan , shu waqittiki dölet wekilliri yurt-yurtlargha xewer qilip yardem toplighan iken, dadamning éytip bérishiche bowam rehmetlik yurtning aqsaqili bolush süpiti bilen qotandiki barliq qoylirini yardem toplighuchilargha chiqirip bergen iken! weten dése bundaq xalisane yardem qilghanlar, Uyghur milliti ichide yenila minglap tépilidu.biraq bulargha héqiqi yürek sözimizni tuluq chüshendürüshimiz bekmu muhim, yeni baylar bilen xelq , xelq bilen yétekchiler bir-birige héqiqi türde ishinish hemmidin muhim !.
Démekchi bolghinim bizning eng muhim bolghan yene bir chong küchimiz, millitimiz ichidiki AQ köngül,weten millitini jan-téni bilen söyidighan, iqtisadliq kishilirimiz bolup, ular bilen xelqni we xelqning yétekchilirini birleshtürüsh arqiliq, bir-biridin issiq jénini ayimaydighan, weten dése barliqini teqdim qilalaydighan derijide birlik hasil qilishimiz kérek!!!!.
Qachaniki biz Uyghurlar arisida bu üch xil küchler héqiqi türde birlishidiken, INSHA ALLAH Musteqilliqimizning asasliq maddiy desmayisi mukemmel hazirlanghan bolidu !. Shuning üchün barliq Dini yétekchiler we yazghuchi Ziyaliylar , bundin kéyinki qelem körüshining nishanini del yuqirida déyilgen Üch Xil küchni birleshtürüshke qaritishi kérek !!!!!!!.



Adnan


2009-8-16.

3
Baha sani