PDA

View Full Version : Seghindim



Unregistered
29-08-09, 00:10
Séghindim

http://www.wetinim.org/forum/viewthread.php?tid=2900

(Bu nesrni wetendin bir tordash ewetken iken , yazmining mezmunidin qarighanda u ichkiri olkilerde yashawatqan bir Uyghur bolsa kerek, Nesrde wetenge bolghan chongqur seghinish hisyati ipalinish bilen bille Xitay basqunchilirining tomur tapini astida weyran boliwatqan weten tuprighidiki nidalar eks etturuluptu .)

Wetenni séghindim. Wetendin ibaret bu büyük muqeddes tupraqni
séghindim. Allikimlerning kélip boz yer échishi bilen suyi tügep
toghraqliri qurup kétiwatqan ana derya - tarim deryasining ilgiriki örkeshlep
aqidighan heywetlik dolqunlirini séghindim. Allikimler teswirligendek
aq bayraqqa emes belki tiz pükmey qed kötürüp turghan atilarning
aqarghan béshigha oxshaydighan bughda choqqisini séghindim. Tarixning
guwahchisi bolghan tengri taghlirini séghindim. Tengri tagh baghrida
ösken yiltizi bir tutash qarighaylarni séghindim. Allikimlerning atom
bombisi teripidin tinchliqi buzulghan tarixning sirlirini kömüp yatqan
teklimakanni séghindim. Asti usti bayliqqa tolghan qoyni keng güzel
diyarimni séghindim.

Tarixni séghindim. Ay yultuzluq kök bayraq lepildep wetenni oz
qolimizgha alghan shanliq tarixni séghindim. Shu tarixni yaratqan
batur qeyser emgekchan aqköngül xelqimni séghindim. Arslan kebi shir
ezimet palwanlirimizni, qan kéchip jeng qilghan qehrimanlirimizni
séghindim. Weten uchun ün - tinsiz hayatini teqdim qilghan
shéhitlirimizni séghindim.

Baliliqni séghindim. Yazda gah sugha chömülüp, gah béliq tutup,
qishta gah chan'gha téyilip, gah nur chögilitip oynaydighan, muzlirini
chéqip shoraydighan merwayittek süzük derya süyini séghindim. Meshni
quchaqlap olturup anglaydighan anamning tügimes hékayilirini, "chin
tomur batur" we "nesirdin ependi" ni séghindim. Ana tilimda bilim
bergen mektipimni, ana tilimda ders bergen muellimni, uyghur yazghuchi
alimlirimiz yaratqan ölmes ötkür eserler kirgüzülgen edebiyat derslik
kitabimni séghindim.

Ürümchining qaynaq bazarlirini, ghuljining meshreplirini,
qeshqerning kochilirini séghindim. Uyghur xelq naxsha muzikilirini,
uyghur milli taamlirini, mizilik kawaplirini, shirin sherbet miwe -
chiwilirini séghindim. Keng ketken timtas etizliqtin shamal bilen
kéliwatqan déhqan akamning mol hosul shadliqida éytqan orma naxshisini
we shuninggha tengkesh qilip sayrighan kakkuk awazini séghindim.
Tünek kéchiliri top - top bolup yoqlap kélidighan qebrilerni, héyt
ayemde restilerde chélin'ghan naghra sunayni, samagha chüshken tétik
bowaylarni, öyde pushurulghan sangza toqachlarni, héytliq kiygen badam
doppa kaniway könglekni, ramizanda roza tutup iptiharliqta ichken anam
etken chöchüre we suyuq'ashni séghindim.

Qeyser aqköngül dadamni, méhriban köyümchan anamni, ötmushni eslep
sükütke chömgen bowam momamni, merd merdane aka inilirimni, qoli
chiwer xijilchan hede - singillirimni, hush chaqchaq hemnepes dost
buraderlirimni séghindim.

Yiraqta, hemmisi yiraqta. Xuddi barghanséri yiraqlap kétiwatqandek
tuyulidu. Séghindim, hemmini séghindim. Putun hujudum we qan
tomurlirimdin séghindim. Shu tapning özidila uchup barghum kélidu.
Mini chong qilghan xelqimni, kindik qénim tökülgen ana tupraqni
baghrimgha basqum kilidu.

-- bérishqa qadir emesmu ?

-- yaq. Hemmidin kechsem kéchimenki wetendin kéchelmeymen.

-- emise némishqa barmaysen?

-- epsus, tolimu epsus. Wetinim allikimlerning qara qolida körünmes
qepezge aylinip qaldi. Ichidikilerning chiqip ketküsi kélidu, emma
chiqalmaydu. Sirtidikilerning kirgüsi kélidu, emma kirelmeydu.
Ichidikilerning qorsaq toyghuzghidek ozuqidin bashqa hichnimisi yoq.
Sirtidikilerning bolsa hemme nersisi ashu qepezning ichide, qaniti
boghulghan qérindishigha qarap köngli aram tapmaydu. Qepez buzup
tashlinidighan kelgüsini ümid bilen séghinimen!

Allikimler yoqitishqa uruniwatqan milli tarixni seghinimen. Milli
rohni seghinimen, erkinlik rohini seghinimen, milli mediniyitimni
seghinimen, milli maaripni seghinimen, bubuk islam dinimni
seghinimen. Séghinish ichide toxtimay küresh qilimen we buni tilep
allahqa seghinimen!

Xelqim jandin toyghan emes, xelqim tünügün weten üchün jénini
alqinigha aldi. Men yazghuchi emes, men bügün weten üchün qolumgha
qelem aldim. Ewladlirim térrorchi emes, lékin balilirim ete weten
uchun qoligha qoral alidu!


2009.8.21
chuqan.

http://www.wetinim.org/forum/viewthread.php?tid=2900

bak yaxshi yeziptu,
30-08-09, 06:17
bak yaxshi yeziptu, yurikimni titirti...

Unregistered
31-08-09, 01:05
Shundaq, ete qoral elish kerek!