PDA

View Full Version : M.Hezret __ Uyghur Tarixigha Urulghan Shereplik Tamghimu??



Unregistered
25-08-09, 21:40
Wetinim.org din kochurup elindi

M.Hezret __ Uyghur Tarixigha Urulghan Shereplik Tamgha!


Wetendiki imkansizliqlar tüpeyli Merkizi asiyani baza qilip, Weten üchün eziz janlirini qurban qilish jasaritige ige qehrimanlarni bir sepke jem qilghan we Istiqlal üchün küreshke atlan´ghanlarning béshida hörmetlik M.Hezret bar idi.

Bir milletning azatliqi üchün küreshke __ Qan kéchip qurban béridighan küreshke bel baghlighan herqandaq ademning ghayisi meghlubiyet bolmaydu. Öz ezimetlirining bihude ölümi hem azapliq weyranchiliqlirimu bolmaydu. Öz özini öltürüp tügitishmu elwette emes. Emma teley tetür kelgende, Imkansizliqlar esir alghanda, dunya xainliq qilghanda, xatalashqanda ….., meghlubiyet qéchip qutulghili bolmaydighan teqdirge aylinidu….

Merkizi asiyadiki pajielerni desmi tutup turup shikayet qiliwatqanlar, wetende künige qanchilighan Uyghurning xitay zindanlirida naheq ölüp kétiwatqanliqini bilmeydighanlar emes. Yene qanchilighan uyghurning xiroin, eydis bilen öliwatqanliqini bilmeydighanlar emes. Lékin, teshkiliy ihtiyaj, ichkiy ziddiyet tüpeyli tökülgen qan, chéchilip ketken janlar ularning közige, xitayning her deqiqide öltüriwatqanliridinmu köp, dehshetlik tuyulup keldi. Buning üchün, bir muqeddes ghaye yolida bedel töligen M.Hezret, Ablimit tursunlarni eyipleshler, eyiplirige töhmetlerni arilashturup kemsitishler yillardin béri dawamliship keldi.

Ular mushu kün üchün qoligha qoral alghanmidi? Mushu haqaretler üchün bedel töligenmidi? Urushta qan tökülüsh bolmamdu? Bihude ölümler bolmamdu? Xataliq ötküzüshler bolmamdu? Ularning qaysi biri muntizim herbiy telim – terbiye körgenler idi? Qaysi biri stratégiye bilimlirini ögen´genler idi? Ularnig ghelibe qilish arzuliri yoqmidi?

M.Hezret we bu bayraq astidiki barliq Uyghurlarning eng chong gunahi __ Meghlubiyettur! Ular meghlup bolmighan bolsa, Uyghur üchün ularchilik söyümlük kishiler bolmighan bolatti. Ularning shexsiy illetliri közge chéliqmayti, ajizliq terepliri hujumgha uchrimayti. Ailisidiki ishkaptin tartip, yégen – ichkenlirigiche chishlep tartishlar bolmayti…..

M.Hezretning wetenning teqdirini qoral küchi bilen hel qilish jasariti we bu yoldiki maddiy, meniwiy emgeklirining Uyghur musteqilliq kürishige körsetken tesiri ghayet zor. Wetendiki xelqning qelbide ulugh bir obraz!

Bu möhtirem zat M.Hezret zamanida xelq qelbidin qandaq chungqur orun alghan bolsa, M.Azat bolup yashighan dewirliridimu, yenila xelqning hörmet we muhebbetlirige érishti.

Bügün, M.Azattin yene M.Hezret bolup eslige qayitqanda, söyümlük kishilirimiz teripidin haqaretlerge uchrimaqta.

M.Hezretning néme üchün M.Azat bolup otturigha chiqqanliqini bilmey turup, M. azat zamanida yetmekchi bolghan nishanlirini héch chüshenmey turup, M.azat bolushqa mejburlighan muhit bilen közde tutqan ghayisidin qilchilik bir uchurgha ige bolmay turup, uni eqli kemlikte, shöhretpereslikte, xainliqta … eyipleshke néme heqqimiz bar? Sizningche ashu isyanliringiz, haqaretliringizge jawap bergüdek qelem we eqil quwwiti M.Hezrette yoqmidu? Eger “Bar” dep qarisingiz, bir pilan, bir ghayini sizge jawap bérish tüpeyli qurban qiliwétidighan M.Hezret mewjud emes!

M.Hezret qandaq bir zörüriyet bilen M.Azatqa aylan´ghan bolsa, Yene shundaq bir zörüriyet bilen M.Hezretke qaytiwatidu. Bügün uninggha haqaret yaghdurghan qollar, ete uninggha alqish yaghdurushqa mejbur bolidu.

Shuni ésimizde tutaylik, M.Hezret Uyghur tarixigha urulghan shereplik bir tamgha. Bu tamghining izini öchürüshke bizning haqaretlirimizning quwwiti yétishmeydu.
1
Baha sani