PDA

View Full Version : İlham Toxti-Uyghurlarning wijdanidur



M.Azat
23-08-09, 16:03
İlham Toxti-Uyghurlarning wijdanidur

M.Azat

Bugün 7.awgust.
Ete 8.awghust.İlham Toxtining tutulup ketilginige bir ay bolidu.Nur Bekri isimlik bir ishekning bir eghiz gipi bilen tutulup ketildi.
Tünügün-6.awghust.aptonom rayonluq xelq hökümitining sözchisi xuxenming xinhuashe muxbirining İlham toxti toghrisida sorghan soaligha ;
侯汉敏对新华社表示,*央民族大* 有*为乌鲁木齐“7•5”事件受到刑 追究的维吾尔族教师。
(Merkizi milletler uniwersitide "7.5"Ürümchi weqesi bilen munasiwetlik jazalinip tutulghan Uyghur oqutquchi yoqtur) dedi.
http://news.bbc.co.uk/chinese/si ... 8186700/8186777.stm

İlham Toxtini qoyuwetishni telep qilip 300 din artuq Junggoluq ziyali imzasi bilen bayanat elan qilghan idi.menmu İlham Toxtining nahaq tutulup ketkenligi,derhal qoyuwetilish kerekligi heqqide maqale yazghan idim.amma,İlham Toxti hazirghiche qoyuwetilmidi.

İlham Toxti,Junggoda Uyghurlarning wijdanigha wekillik qilidighan bir jamaet erbabi.Uyghur milliti konglide oylighan amma,eghizidin chiqiralmighan sözlerni,İlham Toxti,Junggo xelqige we Junggo hökümitige otturigha qoyup keldi.

İlham Toxti,Junggoning bir pütünligige qarshi chiqmidi.Junggodiki mewjut aptonomiye qanunini ijra qilishi telep qildi.Uyghurlar duch kiliwatqan mewjut mesililerni otturigha qoydi. “uyghurbiz”tor betide hemmeylenning uchuq-yuruqluq bilen öz pikirini otturigha qoyushini kapaletlendürdi.
İlham Toxtining pikir-teshebbuslirigha ehmiyet berilgen bolsa idi,”7.5”weqesining adlini elish tamamen mumkin idi.

İlham Toxtini hech tonimaymen.
Tor betliridiki yazmilardin bir-birimizning közqarashlirini chüshenduq.İlham Toxtining qiliwatqan xizmetlirining ehmiyitini burunla his qilip yetken idim.shunga uning kelechegige zor ümit baghlap keldim.u,teshebbus qilghan "qnuni oyghunush"herkitini izchil qollidim."milliy teritoriyelik aptonomiye qanuni"ni sherhileydighan köp sanda yazma yazdim.İlham Toxtining eqil-parasiti,dahiyane aldin körerligi,öz millitige bolghan cheksiz söygüsi,hech qandaq maddiwi we meniwi menpet kütmestin özini pida qilish rohi,yürigini we qelimini milletning kelechegi üchün mesh'el qilish rohi,tinichliq,qanuni küresh sheklini tallishi,toghra dep qarighan pirinsipini qet'i qoghdishi,eng eghir künlerdimu kelechekke ümit bilen beqishi,yolbashchiliqqa xas süpet we xaraktirge ige bolushi... meni qayil qilghan idi.İlham Toxtining Henzu ziyaliliri bilenmu keng we chongqur dialogi bar idi.uning,özini teshwiq qilishni yaxshi körmeydighan,ish qilghanda dagh-doghigha emes,netijige ehmiyet beridighan peziletke ige ikenligini chongqur his qilghan idim.

İlham Toxti Piransiyedin qaytip kelgendin keyin,”uyghurbiz”tori taqilip,özi Beijing saqchiliri teripidin soraq qiliniwatqan künlerde,bashqilarning,beshigha kün chüshse chetelge chiqip ketishi toghrisidiki tekliplirige “Hechbir yerge ketmeymen.Uyghurlarning mesilisi Junggoda,hel qilishning charisimu Junggoda, yetishqa toghra kelse Junggoning turmisida yatimen.chiqqandin keyin yene Uyghurlarning kelechigini Junggoda izdeymen.eger ölüp ketsem birla tewissiyem bar.jesidim yurtumgha kömülsun.mushunchilik bexit manga yetidu.” Digen sözlirini anglap intayin hayajanlanghan idim.

İlham Toxtini qerindishimgha oxshash yaxshi kördüm.uni seghiniwatimen.eghir künliride ailisidin bolsimu hal sorash üchün ulargha ulishalmighanlighimdin wijdani azap his qiliwatimen.

İlham Toxti Uyghurlarning möditil pikir eqimining wekili.mesililerni dadil otturigha qoyushta Uyghur millitining wijdanigha tamamen wekillik qilalaydu.

Weten ichide İlham Toxtining pikir eqimini qollaydighan zor bir türküm ziyalilar qoshuni bar.
İlham Toxtining “7.5”Ürümchi weqesi bilen munasiwiti yoqlighi elan qilinghan turughluq yenila qoyuwetilmesligi Uyghur millitining hissiyatini renjitmekte.

İlham Toxti tutulup ketilgen künlerde,Ürümchide bir munche chong tor betlirining igilirimi tutup ketildi.bu tor betlirining köpünchisi,İlham Toxtining yazmiliri we uning heqqidiki xewerlerni berishtinmu chekinip kelgen.hetta yalwurushlargha qarimay,”milliy teritoriyelik aptonomiye qanuni”ni tor betlirige qoyush jasaritinimu körsitelmigen idi.u torlarningmu birdek taqilip,u,doslranin “yemigen mantigha pul tülep” turmilarda yetip azap chikiwatqanlighini oylisam teximu azaplinimen.

İlham Toxtining tutulup ketilishi bilen teng “uyghurbiz”tori 9.qetim taqlip ketti.

İlham Toxtining erkinlikke erishishi Uyghur internet torchilighining tekrar erkinlikke erishishide hel qilghuch rol oynaydu.

Milliy mesilining qansiz,ölümsiz,zorawanliqsiz…hel qilinishi üchün İlham Toxtining turmidin shertsiz qoyuwetilishi we Weten ichidiki Uyghurlarning qanuni rehbiri dep qobul qilinish shert !

İlham Toxti-Uyghurlarning wijdanidur.

2009.08.07.

http://www.wetinim.org/forum/viewthread.php?tid=2544&extra=page%3D1

Unregistered
23-08-09, 18:01
yüzingizdiki qara daghni Ilham toxtighimu sürtmekchi.shundaqqu deymen.....

Chokan!
23-08-09, 18:13
Undaq bolsa uyghurlarning wijdani turmidin chiqti.Turmide yetiwatqanlar Uyghurlarning nimisi?
Uyghurlar torda websaytisi taqiliqp echilip turidu, nimishqa uningdin bashqa 1000 din artuq wesayte taqilip hech echilmaydu?1000 admin nerde!???Ilham toxti bilen birlikte qoyup berilishi kerek!

Unregistered
24-08-09, 02:56
Molla Mustafa Barzani

M.Azat

(Siyasetke qizziqqan her bir Uyghurning oqushini tewisiye qilimen)



Molla Mustafa Barzani 1903.yili3.ayning 14.kuni Osmanli teritoriyesi ichidiki İraqning Kürt rayonida tughuldi.5-6 yashlirida aililisi bilen Osmanli İmpiriyisi teripidin Diyarbekirge surgun qilindi. U,11 yashqa kirgende,yeni 1914.yili Barzan qebilisining bashlighi bulghan akisi Abdusalam impiryege qarshi isyan chiqarghanlighi uchun,Osmanli ipiryesi teripidin Musul shehride olunge hokum qilindi.2,dunya urushida İraq Osmanlinin qulidin,Engiliyening quligha otti.
Dini ilim ugunup “Molla”liq inwanigha irishish uchun oquwatqan Mustafa Barzani, 1919.yili 16 yeshida engiliye ishxaliyetchilirige qarshi bashlanghan isyangha qoshuldi.
1931.yili chong inisi sheyix Exmet Barzani teshkilligen keng kulemlik Kürt isyanida muhim rol oynidi.


1932.yili Barzani qebilisining reisi boldi.2.dunya urushidiki qalaymiqanchiliqtin paydilanghan Mustafa Barzani 1943.yili İraqning shimalidiki Kurt rayonida Baghdat merkizi hokumitige qarshi isyan bayrighini achti.bu isyan 1945.yili keng kulemdiki xelq qozghilingigha aylandi.bu qozghilang İngiliz hokumiti teripidin ayrupialn,tanka,zambirekler bilen shiddetlik shekilde basturuldi .
Mustafa Barzani, qarliq taghlarni halqip otup,3000 esker,9000 ahalini egeshturup İranning sewit ishxali astidiki Kurt rayonigha 1945.yili 10.ayning.11.kuni yetip keldi we Urumiye rayonida Kurdistan herkitining yol bashchisi Qazi Mumemmedning emri astida Kurtlerning azatliq herkitige hazir ikenligini bildurdi.

1941.yili 8.ayning 25.kuni İranning jenubi qismini Engiliye we Amerika,shimali qismini sewit ittipaqi ishxal qiliwalghan idi.sewit ittipaqi tesiri asitiki Turkiyege yeqin Kürt shehiri bolghan Mahabad ta 1946 yili,1.ayning 13.kuni “Mahabad Kurt Aptonom jumhuriyitei”quruldi.giniral unwanigha ige bolghan Mustafa Barzani bu doletning Mudapiye ministir we bash qumandani boldi.


1946.yilining axirida İngiliz armiyisi İran ziminidin chikinip chiqti,Amerika ,sewit ittipaqi İrandin chikinmeydighan bolsa,Moskowa we İrandik sewit eskiri bazisigha atom bombisi atidighanlighi toghrisida oltimatom berdi. 1947,yili sewit armiyisi İrandin chkilishi bilen,İran armiyisi “Mahabad jumhuryiti”ge besip kirdi.jumhur reisi Qazi Muhammed İran hokumiti teripidin dargha esip olturuldi.

Mustafa Barzanigha olum jazasi ilan qildi.Mustafa Barzani, bir qisim esker we Kürt ahalisini egeshturup,İran armiyisining qorshawini yerip utup sewit ittipaqigha qechip keldi.,u sewit ittipaqi chigirisi ichige kirgende 500 etirapida eskiri qalghan idi.Mustafa Barzani İstalinning teklipi bilen Moskowagha keldi.Moskowada til inistutida we herbi akidimiyede oqudi.giniralliq unwanini aldi.

1958.yili İraqta siyasi ozgurush boldi.padishliq tuzum aghdurulup tashlinip,Abdikerim Qasim dolet beshigha keldi.sewit ittipaqi bilen yeqin dosluq munasiwiti qurghan İraq hokumiti,burun isyan chiqarghan kürtlerge “umumi kechurum”permani ilan qildi.

Molla Mustafa barzanining “molla”lighi Moskowada qaldi. “kominizim jengchisi” Mustafa Barzani,Roslarning kilishturishi bilen İraq hokumiti bilen kilishim hasil qilip İraqqa qaytip keldi. Burunla Mustafa Barzani teripidin qurulghan “Kurdistan dimokiratik partiyisi”İraqta qanuni bir partiye supitide paaliyetke otti we yengi İraq hokumitini qollap-quwetlidi.biraq İraq hokumiti,Kürt rayonigha ixtisadi we medini heq-hoquqlirini birish toghrisidiki wedilirige emel qilmighanlighi uchun, 1961.yili Kürtler yene quralliq isyan herkitini bashlidi.Mustafa Barzani bashchilighidiki Kürt partizanliri shimali İraqning hemmisini digudek hakimiyiti astigha kirguzdi.kop yil dawam qilghan bu ichki urushta bir qanche qetim Kurtler bilen İraq merkizi erep hokumiti arisida kilishimler imzalanghan bolsimu,urush toxtimidi.bu mezgilde İsrail bilen Mustafa Barzani arisida mexpi alaqa qoyuqlashti.

1967 .yili mesh’hur”6kunluk”erep-israil urushida İsrail olja alghan qural-yaraqlarning hemmisini digudek Barzanigha hediye qildi.1967.yili 9.ayda Mustafa Barzaning İsrail ziyariti munasiwetning teximu quyuqlilishigha törtke boldi. 1970.yili 3.ayning 11.küni, İraq Muawin dolet reisi Saddam Huseyin bilen Mustafa Barzani arisida tüzülgen eng axirqi tinichliq kilishimi bilen Kürtlerghe aptonomiye birildi.urush toxtidi.Amma, İraq hokumiti,Kürtlerni tamamen quralsizlandurush tirishchanlighini korsetti,amma,Kürtlerge wede qilinghan aptomomiyeni bermidi.buning bilenla qalmay,Saddam Huseyin Erbil,Sulaymaniye sheherliridin Kürtlerdin setiwalghan qebile reislirining qoli bilen bir qanche qetim Hediyeler ichide muddetlik partlatquch bombalarni qoyup Barzani’gha suyqest guruppilirini yollighan bolsimu,suyqestchiler tutulup qelip pilan her qetim emelge ashmidi.bu kunlerde İraq bilen quyuq dosluq munasiwiti bolghan sewit ittipaqi,Mustafa Barzanigha beriwatqan yardemlerni tamamen toxtatti.

Mustafa Barzani 1973.yili israilni yene bir qetim ziyaret qildi we İraq bilen arisida keskin ixtilap bolghan İran shahi Muhemmed Riza pehliwi ning doslighini qolgha kelturdi.İrandin yardem elip tekrar qozghulang koterdi.İraq armiysi bilen shiddetlik jenglerni qildi.bu kunlerde İsrailning qollishi we yardimige irishipla qalmay,İsraildiki Kürt yehudilirining (israilde u dewirlerde 45-50 ming köchmen Kürt yehudisi bar idi. Bugün sür’et bilen köpeygen Kürt yehudisinin nupusi 100 ming)lobiliq paaliyiti netijiside Amerikiningmu qollishigha irishti.

1975.yili 3.ayda İran shahi Riza Pehliwi bilen İraq dolet muawin reisi Saddam Huseyin Aljiriyede otkuzulgenOPEC(Neftit import qilghuchi doletler)yighinida uchurushup kilishim hasil qildi.İraqtin bezi menpeetleri alghan İran padishasi Muhemmed Riza Phliwi,İraq bilen yengi kilishim imzalap Kurtlerge biriwatqan yardemni birdin toxtatti we Kürtler heqqidiki muhim axparatlarni İraqqa berdi.Amerika istiratigiyelik menpeti uchun İran bilen oxshash puzutsiye qollandi.İsrailmu yardimini toxtutushqa mejbur qaldi.arqa sep teminatidin muhrum qalgham Mustafa Barzani qisimliri İraq armiyisi teripidin eghir meghlubiyetke uchiridi.

Mustafa Barzani İrangha qachti,arqidin 1976.yili putun umidini kapitalizimning bushigi washingtongha baghlap Tehrandin,washingtongha qarap uchti. 1979.yili 3.ayning 3.kuni washing Tonda wapat qildi,olum aldida oghligha axirqi nishanning musteqil Kurdistan ikenligini wesiyet qildi. Bugün, İraq ichidiki Kürt aptonom rayoni 1991,yili,Amerika İraqqa birinji qetim hujum qilghandin bashlap Amerika himayisi astida,öz-özige xoja bolup yashimaqta.2,qetimliq Amerikining İraqni ishxal qilish urushidin keyin,4milyun347 ming nupusluq Kürtler Dölet ichidiki Dölet bolup qaldi.shuan Kürtlerining Dölet bayrighi,dölet girbi,dölet armisi,dölet bankisi,tamojnisi… özlirige ait.Döletning beshida Mustafa Barzaning oghli Mesut Barzani bar.İraq Kürtliri Baghdatqa beqinmastin,Pütün dunya nefit shirketliri bilen hemkarliship nefit bayliqlirini echiwatidu.

&size=article_medium

2008,yil Zhunggo İraq Kürdistanida nefit charlash we nefit chiqirish uchun 2 milyart dolar meblex saldi.

Mustafa Barzani Millitini qutquzush yolida molla boldi,Roschi,İsrailchi,Amerikanchi… boldi.
İraqqa qarshi bezi irandin,bezi Türkiyedin yardem aldi.bezi Baghdat merkizi hökümette wezipe aldi,bezide merkizi hökümetke qarshi isyan chiqardi. Bezide quralliq,bezide siyasi küresh yolini tallidi.qaysi idilogiye milli erkinlik kürishige paydiliq bolsa u idilogiye teripide turdi.
Erkinlik yolida, mang’ghan yolning reng’gi emes netije muhim ikenligi hech bir zaman onutulmaslighi lazim.


Bashqurghuchi Uyghur.Tekin Bu témini Yötkigen Waqti 2009-8-10 02:48
http://www.wetinim.org/forum/viewthread.php?tid=351&extra=page%3D2

Unregistered
24-08-09, 06:17
Tor betlirige Kanadadin bu IP: 99.229.115.168 nomirliq kompiyoturdin kirip dawamliq kishilerni haqaretlewatqan adem kim? pitnixorlar guruppisida kimler bar? bilishni xalamsiz?
ular ghit qismisa nechche yildin biri qilghan qilmishliri öz-ara hemkarliqliri bu torda pakit bilen elan qilinidu.chüprende pitnixorlarghu meyli.salayitige yarisha herket qilmighanlar qandaq qilar?

Unregistered
24-08-09, 17:46
U Adem <pitnuxor>emes!xitayning Uyghur tor Dunyasini qalaymiqanlashturush üchün mexsus wezipilen´gen Munapiq!

Eslinde UAA ashundaq kishlerni dawamliq iz qoghlap küzütüshke Adem urunlashtusa xeli köp Munapiqlarni bilwalghili bolatti

Amma UAA üzini maxtighanla yazmilargha köngül bölup Tenqitligenlerni öchürüsh bilenla aldirash bop kitwatidu.

Rehberning köngul boldighan ish ning nime ikenligini tunup yetidighan Rehberge ige bolghuche bu meslige küngül bölünmesligi mümkin?

Rehberlirimizning köngliga insap tilep shöhrettin bir-az uzaq turshini ümüt qilip kemine bir Uyghur wetendashtin

Unregistered
24-08-09, 23:54
SHERKIY TURKISTANning mustekil bolush yolida,ittipaklishishka bolghidek barlik kuchlerni bilen ittipaklishish kerek.